# Harei 14/8, di Hà Nội, Ban Tổ chức T.Ư pambuak bruk haong Học viện Chính trị quốc gia Hồ Chí Minh peih tal pato pasram, pabak ilamu brei ka dom urang lac Ủy viên T.Ư Đảng, khóa XII. Tui bruk ba tabiak, tal bac rah tabiak dalam 5 harei, meng harei 14 tal harei 18/8. Lambaok Bộ Chính trị, Ban Bí thư, Tổng Bí thư Nguyễn Phú Trọng brei panuac salam uan dom urang mai bac ginup abih, pok meyaom dom jabat, dom gah hu pambuak bruk khang kajap, kham merat kuhria caga piah peih tal pato pasram praong ini njauk tui bruk ba tabiak.

         # Piah khik caga bruk ngak nong saong dân sinh, pacang khat lihik kayua hajan ribuk, Tổng cục Thủy lợi, mintri ngak nong saong patagok palei pala barau hu Công điện payua chip ka uy mban bhapbini dom tỉnh, ban bhum taneran kraong Cửu Long. Công điện pandar peih bruk pasang iek dom ar pacang, bờ bao,  dom libik meda hu ia xua dalam mblang hamu; pakhang, pasiam dom ar pacang, bờ bao bair, mbuan si rah tabiak glut jaleih. Patagok pathau khan, brei thau bruk ia xua angaok dom phương tiện thông tin đại chúng piah ka urang bhapbini, jabat pambuak tal caga peih dom bruk pacang khat lihik kayua ia ndik, ia xua.

# Ủy ban châu Âu (EC) brei dui atah jang 6 bilan ka Việt Nam piah langyah ka nyu salah bloh bruk taong cap kaya ikan suan adat hukum, tui nan lac tal abih bilan 1/2019. Ini lac jalan siam lagaih brei ka gah kaya ikan Việt Nam hu rilo tukvak jang piah ramik pasiam veik bruk dom kapal ikan taong cap suan adat hukum. Bình Thuận lac sa dalam dom labik taong cap ikan praong di taneh ia daok peih ngak khang bruk ini. Chỉ thị  30 di Ban Thường vụ Tỉnh ủy ka dom bruk ngak saong jalan ngak chip patagok bruk khik iek, padeih abih bruk kapal iakn, urang ngak ikan dalam tỉnh nao taong cap kaya ikan suan adat hukum di bhum tasik taneh ia lingiu.

          # Hội Luật gia tỉnh Đồng Nai pambuak bruk saong mban bangsa tỉnh nao tapak tal libik định canh - định cư di bhapbini bangsa S’tiêng saong Chơ ro daok di xã Bình Sơn, huyện Long Thành piah pathau khan, tư vấn saong daong adat hukum brei saoh ka bhapbini libik ini. Tui nan, meng bilan 8 tal bilan 9-2018, Pasak Tư vấn pháp luật (Hội Luật gia tỉnh Đồng Nai) meda pambuak bruk saong mban bangsa tỉnh peih jaik 18 var pathau khan, brei thau, tư vấn saong daong adat hukum brei saoh di dom xã hu rilo bhapbini dom bangsa takik daok dalam tỉnh.

 # Sa urang ruak lac likei umo 58 thun, daok di Vũng Tàu hu khối u thực quản praong meng puac thun 2017 hu dom bác sĩ Sang iek ruak Chợ Rẫy tacei brei iek ruak meng hóa trị. Dom bác sĩ daok hu mboh urang ruak ini hu khối u tung taha. Dahlau di nan, urang ruak ini hu nao tal Singapore piah iek ruak meng hóa chất. Dom bác sĩ Singapore ieu ong mai Việt Nam blac raih kayua urak ini dom bác sĩ Việt Nam ngak hu siam bruk blac raih. Dom bác sĩ sang iek ruak Chợ Rẫy hu blac raih cakak klaak thực quản di urang ruak ini meng nội soi cada gah hanuak meng bruk daong di robot saong cakak klaak tung taha. Mbang blac raih hu jak jeng siam mekre hadei di 7 tuk.

          Khaw tin dunya

  # Mi-an-ma saong Thái Lan barau mek hu sa thỏa thuận ka pambuak bruk patagok dịch vụ hàng không saong biên bản kanal hadar ka patagok raong hadang di Bang Ra-khin (Rakhine), Bang gah tây nam di Mi-an-ma. Bruk mbaoh tangin tame dom thỏa thuận ini hu rah tabiak hadei di mbang nyaom yaka 9 di Ủy ban pambuak bruk dua gah di dua taneh ia di ban ine Nây-pi-đô (Nay Pyi Taw), Mi-an-ma, ngan saong bruk dang akaok di dua mintri pambuak bruk dunya taneh ia po sang U Ki-o Tin (U Kyaw Tin) saong Ngoại trưởng Thái Lan Đôn Pra-mút-uy-nai (Don Pramudwinai).

# Harei 15/8, Jabat Khí tượng Nhật Bản brei patagok tanut cảnh báo nguy hiểm di sa baoh ceik angaok pulao Cư-chi nô-ê-ra bu-ji-ma (Kuchinoerabujima), gah tây nam taneh ia ini. Jabat ini brei patagok tanut cảnh báo tal pakat 4/5, lac tanut glaong ka 2 dalam bruk cảnh báo di Nhật Bản. Bruk ini jeng hu makna lac, taong abih bhap bini daok angaok pulao Cư-chi-nô-ê-ra-bu-di-ma njauk panduan nao tal dom labik siam mekre, salamat..

# Hadei di mbang tua riya dui atah di rilo bilan tapa, Bang Niu Sao Uên (New South Wales) di Australia daok dang anak bruk khuah glai. Tui kuhria mboh di jabat pasang iek khuah di Bang (RFS), kuhria tal harei 15/8, di Bang ini hu 86 mbang khuah glai praong sit karei di gauk, hu dom libik taneh khuah tagok tal 4300 héc-ta min patoah jamo hu pacang cakak./.