# Hội đồng jien bilan bahrau chốt jalan ramik veik jien bilan tối thiểu vùng 2019 tagok 5,3% duk saong jien bilan tối thiểu vùng  2018. Yau nan, kuhria tui dom bhum quy định, urang ngak hu tagok meng 160 rabau tal 200 rabau đồng/sa urang sa bilan. Phó Giáo sư, Tiến sỹ Vũ Quang Thọ, akaok Viện công nhân công đoàn khan lac, Tổng liên đoàn lao động Việt Nam caong khin tanut tagok glaong jang, min jalan tagok 5,3% hu Hội đồng jien bilan negar chốt. Yau nan tapa thun 2020 njauk tagok jien bilan di tanut jaik 10% meng pabak hu caong khin tal thun 2020 jien bilan tối thiểu khik caga hu tanut diukrai takik abih yau Sarak nyaom biai trung ương 7 ba tabiak.

# Page 16/8, pak Hà Nội hu rah tabiak bruk mboh tangin di Mentri Y tế saong Công ty cổ phần FPT dalam bruk ba pandar saong patagok công nghệ thông tin y tế vaktu 2018-2028. Akaok mentri Y tế Nguyễn Thị Kim Tiến ndom lac, bruk pandar công nghệ thông tin njauk pabak hatai hu bruk pambuan harak gar, patrun tukvak dang cang, tantu, cambaih laih saong pamaong tal bruk njauk hatai di urang ruak. Hadei meng jak jeng siam mekre di phần mềm sang iek ruak thông minh, FPT njauk samar peih ngak phần mềm Iek glang pren yava thông minh (hu pandar di dom balai y tế pambuak pagam haong bruk bác sĩ baoh sang) saong  padang mô hình y tế thông minh.

         # Tal harei 31/8 tal, bruk palacah “Ý tưởng chuỗi giá trị” daong ka bhap bini bangsa vaktu 1 lac abih tukvak payua ý tưởng tame pakacah. Ini lac bruk pakacah hu Ủy ban Bangsa, Gilang pariak dunya di Việt Nam gam haong Mentri Ngoại giao saong Thương mại Australia pambuak gauk peih ngak, piah daong patagok saong peih ngak dom hatai saneng salih bahrau, sáng tạo, peih prong jalan taom gaok darak pasar ka dom janih pandap  panda di urang bangsa takik di negar drei. Dom ý tưởng siam gheih hu palih ruah meda hu brei thau dalam harei 1/10. Meng ini tal abih harei 31/8, dom ứng viên jeng hu brei tut angan đăng ký ý tưởng tui asal kadha nan lac "Pambuak gauk, pambuak bruk haong bhap bani bangsa takik".  

# Dahlau di tuk tame thun bac barau 2018 - 2019, UB bhapbini tỉnh Bình Thuận hu tacei pato dom sở, ngành, puk palei pataom tame bruk jak ba anek saih sinh viên blei BHYT. Sở pato megru patagok tacei pato saong jao chỉ tiêu ka dom libik dalam gah pato megru ngak ka pahu bruk lac taong abih anek saih SV blei BHYT dalam abih tih anek saih sinh viên dalam diện bắt buộc blei. Sở Y tế tacei pato dom libik iek ruak paglaong y đức dom gru jru, paglaong chất lượng iek ruak, ngak siam bruk khik ramik karja ka iek ruak saong khik ramik BHYT.

# Kapul urang ngak bruk di Cục An toàn pandap mbang menyum (Bộ Y tế) hu nao pasang iek di 6 labik ngak saong pablei pandap mbang menyum saong khik caga pren yava di tỉnh Đồng Nai. Di dom labik hu pasang iek, kapul urang ngak bruk mboh lac dom labik hu khan brei thau ka pandap panda, ngak tabiak – pablei salih, blei tame meng negar langiu, meyaih khan, mek mẫu dut iek dom janih pandap. Harei 16/8, kapul urang ngak bruk meda hu van ngak bruk haong Sở Y tế, Chi cục Vệ sinh an toàn pandap panda tỉnh ka dom asal kadha pambuak pagam tal bruk peih ngak Kế hoạch ka 315 di Ban tacei pato liên ngành trung ương an toàn pandap mbang menyum ka bruk peih dut iek hadei gah an toàn pandap panda thun 2018.

Khaw tin dunya

# Melam 15/8, 12 urang njuak ia ba theik saong takik abih 30 urang karei gar di sa thác ia di bang Mát-hia Pra-đét (Madhya Pradesh), Ấn Độ. Bala nan rah tabiak di thác ia Xun-ta-ga (Sultangarh) tuk ia xua tuh tapa ini. Sa sruh trực thăng di Không quân Ấn Độ (IAF) daong hu 7 urang gar veik saong daok kham merat daong dom urang daok gar. Min, angin khang saong lingik sup ngak kan kandah tal bruk daong nan.

        # Harei ini (16.8) tòa án Shah Alam, Malaysia peih bruk  xét xử dua nghi phạm urang Indonesia lac Siti Aisyah saong nghi phạm urang lac Việt Đoàn Thị Hương. Đoàn Thị Hương saong Siti Aisyah njauk cáo buộc ám sát urang Triều Tiên Kim Chol, urang hu brei thau lac ong Kim Jong-nam, umo 45 thun, meng chất độc thần kinh VX meng bilan 2/2017. Di phiên tòa, chủ tọa Azim Ariffin brei thau gah công tố ba tabiak hu dom bằng chứng brei mboh bruk pametai urang Triều Tiên oh njauk lac ngộ sát. Ong Azim Ariffin hu ba tabiak panuac nan iek tui dom bằng chứng pataom mek hu saong oh loại trừ ini lac sa bruk ám sát pagam pambak tal chính trị yaom lac oh ka hu bằng chứng brei thau ka bruk ini. Ngan haong dom  cáo buộc cagar veik dua bị cáo angaok nan, Đoàn Thị Hương saong Siti Aisyah njauk yam tame mbang kamalah gauk piah biện hộ ka bruk ngak di drei. Đoàn Thị Hương meda lac urang đối chất mbang ka dua, tui kuhria mbang akaok meti meda rah tabiak dalam harei 7/1 thun hadei. Bị cáo daok veik meda hu đối chất meng harei 1/11/2018. Taong abih dua urang njauk ba tame kreik mbiah tal tuk luật sư meda tah klaak hu cáo buộc di gah công tố.

# Ủy ban Bầu cử negar Campuchia (NEC) brei thau, đảng bhapbini Campuchia (CPP) mek hu jayah praong di mbang pilih ruah urang ka  Quốc hội khóa VI barau blaoh. Ngan saong phiếu buh brei lac  4.889.113 phiếu, meblah 76,85% abih tih dom phiếu hợp lệ, CPP mek hu abih 125 kik dalam Quốc hội barau./.