# Bruk pok meyaom anek saih sinh viên lac urang bangsa takik hu naih gheih dalam bac da-a, meda hu rah tabiak di harei 25/11 ini, pak Hà Nội. Thun ini hu 166 adei dalam 25 bangsa, hu pok meyaom saong hu Akaok mentri, Chủ nhiệm Ủy ban Bangsa khen thưởng. Ini lac thun ka 6, Ủy ban Bangsa dang tabiak, pambuak haong Mentri Pato megru, Trung ương Đoàn Thanh niên Cộng sản Hồ Chí Minh peih bruk pok meyaom anek saih, sinh viên bangsa takik naih gheih, tiêu biểu piah iek prong ilamu pachreih bac di dom bangsa Việt Nam saong pachreih ba, pok meyaom bruk takre bac da-a, yam tapa kan kandah piah mek hu dom thành tích xuất sắc dalam bac megru saong pathram di anek saih, sinh viên bangsa takik dalam negar.

 # “Gaiy cambu khan aow thông minh” dong ka urang sahaneng hatai tabiak truh sang bo oh huac khan aow pasah tuh langik hajan, langik pandiak, nyu tự động jhul khan aow tabiak cambu. Nan lac bruk ngak biak gheih di 2 anek saih angan Dzịp Thanh Chi song  Ha Lích, tal bac 9A1, sang bac bangsa gam bac gam dok  THCS huyện Ðức Trọng, tỉnh Lâm Đồng bahrau mek hu giải nhì mbang pakacah Sáng tạo dam dara, uranaih  tỉnh Lâm Ðồng mbang ka 14 - 2018. Ha Lích lac urang  K’Ho daok di  xã Hiệp An, Dzịp Thanh Chi lac urang Churu daok di xã Tà Năng (Đức Trọng), dok bac di sang bac bangsa gam bac gam dok. Tapa tuk vak duah thau, ngka iek “Gaiy cambu khan aow hông minh” di drei hu dong ka  Dzịp Thanh Chi song Ha Lích thực hành môn vật lý biak siam, thau cambaih ilamu bac bloh, patagok glong bruk hu thau ka điện, pasram  kỹ năng tư duy sáng tạo, thau ba ilamu tame pabak ka rai duik. 

# Jeng daok hu 50.000 urang hu HIV/AIDS oh ka duah mboh dalam bhap bani. Bruk nan hu thạc sỹ Đỗ Hữu Thủy – Cục Pacang caga HIV/AIDS (Bộ Y tế) ba tabiak dalam van pasram phóng viên báo chí vak gah HIV/AIDS rah tabiak meng harei 15/11 di Hà Nội. Tui kuhria mboh (thống kê) di Cục Pacang caga HIV/AIDS, urak ini dalam negar hu 209.000 urang njaom mbak daok diuk, yau nan min tok khik iek hu 175.000 urang, dalam nan bahrau hu iek ruak meng ARV ka 130.000 urang.

 # Tui  Sở Y tế TP Hồ Chí Minh, meda peih bruk klauk  pabak vắc-xin Sởi - Rubella ka labaih  300 ribau uranaih umo meng  1 thun tal  5 thun dok di ban raya. Dom uranaih meda hu klauk  di sang bac (ngan song uranaih dok nao bac) atau di bilai  y tế phường, xã (ka uranaih oh nao bac). Tui kuhria, bruk ni hu rah tabiak dalam 2 mbang: mbang sa  dalam bilan  11 ni song  bilan  12 tal , mbang 2 dalam bilan 1 song bilan  2-2019. Kuhria meng bilan  1 tal harei  16-10 thun ni , di ban raya hi  220 mbang urang ruak  sởi, dalam nan hu  87% dalam nyaom uranaih meng 9 bilan tal 2 thun njauk ruak kayua oh klauk jru.

# Kuhria tal abih bilan 6/2018, tỉnh Bà Rịa Vũng Tàu hu jaik 1.800 urang ngak bruk oh chuyên trách di 82 xã, phường, bal sit dalam tỉnh hub lei Bảo hiểm xã hội bắt buộc min tok hu mbang tui 2 chế độ hưu trí, metai lahik, daok dom chế độ karei yau  caih menek, ruak kik, gaok bala tuk ngak bruk, ruak kayua bruk ngak... ye oh hu bayar brei. Ong Phạm Ngọc Sơn, Phaok giám đốc Bảo hiểm Xã hội tỉnh Bà Rịa – Vũng Tàu brei thau: urang ngak bruk oh chuyên trách di xã, phường nan lac urang njauk blei Bảo hiểm xã hội bắt buộc, dom urang ini tok hu mbang tui 2/5 chế độ nan lac hưu trí saong metai lahik; oh hu mbang tui chế độ ruak kik, caih menek, bala tuk ngak bruk saong ruak kayua bruk ngak. Bruk ini daok ba mai ralo thiệt thòi ka dom urang ini kayua lac bruk bo dom urang ini daok ngak oh karei hagait dom urang jakar chuyên trách. Kadha ini daok hu Bảo hiểm tỉnh Bà Rịa-Vũng Tàu pok panuac likau ramik veik quy định ka nyu lagaih.   

#  urang brei paniuac di mintri  pablei salih  Trung Quốc ndom lac , bruk ginum biai  pakat glong  Mỹ - Trung hu pambuak veik di  Washington. Urak ni cố vấn pablei salih  Tổng thống Trump, ong Peter Navarro – sa urang tui jalan  ngak khang song  Trung Quốc daok njauk giới hạn quyền lực hadei di mbang kamlah gauk  song  Giám đốc Hội đồng Kinh tế pakat negar  Larry Kudlow – urang khin  pambuak bruk  kinh tế song  Bắc Kinh. Kayua Yau nan ye , dom chính trị gia Mỹ brei sami samar tuk vak ni piah padang ngak sa  thỏa thuận siam lagaih kabruk pablei salih  song  Trung Quốc, meyah oh, meng harei  1/1/2019, thuế quan nyu patagok, meng  10%  tagok  25% ngan song labaih  200 tỷ USD yaom kaom pandap panda.

# Bộ Tài chính Mỹ bahrau pandar adat taong phạt ngan haong 17 urang Saudi Arabia kayua pambuak pagam tal bruk pametai nhà báo Jamal Khashoggi. Dalam dom urang njauk taong phạt hu sa urang dahlau diah ngak phụ tá pakat glaong ka Thái tử Mohammed bin Salman saong Tổng lãnh sự Saudi Arabia di Istanbul, Thổ Nhĩ Kỳ. 17 urang ndom angaok nan oh brei taom gaok hệ thống jien padai Mỹ saong njauk đóng băng tài sản. Yau nan min, dom adat taong phạt ini oh pamaong tapak tame Riyadh - sa đồng minh di Washington daok di Trung Đông.

# Dom urang ngak hu trun jalan di angaok jalan prong  di ban ine  Athens, ye glong dom biểu ngữ cagar veik sarak  kali kalih pandar cai. Ni lac mbang  đình công prong camereip di abih  dalam khu vực karja hadei di tuk  Hy Lạp tabiak truh khủng hoảng nợ công di bilan  8/2018. Tapa dom mbang  đình công ni , công đoàn Hy Lạp khin tagok jien iblan, klaaak bruk  áp thuế ngan song dom  bất động sản song trun jien je gái trị gia tăng (VAT) trun15%. Hy Lạp urak ni dok  sre  kadung jien dunya labaih  10 tỷ EUR song tui kuhria hu bayar ginup  abih dahlau di thun  2024./.