# Ủy ban Bangsa bahrau padang bruk pathau khan, jak ba bhap bani bangsa takik saong bhum ceik (DTTS và MN) padeih pandar a-mi-ăng mbong. A-mi-ăng nan lac janih sợi khoáng vô cơ hu cấu tạo tinh thể dạng sợi atah, lapih saong xốp, lac janih a-mi-ăng biak độc hại, lac chất ba tal ung thư. Bruk pathau khan nan piah paglaong akaok saneng ka bhap bani bangsa takik saong bhum ceik ka dom kanjah jhak kayua a-mi-ăng mbong ba mai ngan haong pren yava di anek manuac saong bhap bani. 

# Kapul Thể thao anek Việt Nam tagok jalan tapa Malaysia hu mbaok di harei pataom ilamu thể thao anek saih Đông Nam Á mbang ka 10 (10th Asean Schools Games). Kapul  vận động viên anek saih Việt Nam hu mbaok 60 urang jakar, huấn luyện viên, vận động viên, trọng tài song tranh tài di  4 angaok  tổng số 11 janih lac: Điền kinh, Bóng bàn, Thể dục song caluai ia. Harei pataom ilamu thể thao anek saih  Đông Nam Á mbang ka 10 hu rah tabiak tal harei 26/7/2018 di Malaysia.

        # Bộ CHBĐBP tỉnh Sơn La pambuak haong Tỉnh đoàn Sơn La peih Danak dak học kỳ quân đội “Ươm mầm bảo vệ biên cương” ka dom adei anek saih bangsa takik hu rai diuk biak kan kandah hu Bội đội Biên phòng daong ba. Ini lac bruk pato pakai brei ka dam dara uranaih tapa danak dak pathram tapak dalam bol lin, kayua Đoàn TNCSHCM pambuak haong dom tapon nyom bol pan phao kraong dalam bol bala peih ngak hu siam meng dom thun ini mai. Hu 57 anek saih dom bangsa takik hu rai diuk biak kan kandah, hu Cục Pacang caga ma túy saong  tội phạm Bộ Tư lệnh Bộ đội Biên phòng saong Bộ đội Biên phòng Sơn La daong veih dalam danak dak “Veih takai adei nao tal sang bac". 

  # UBND tỉnh Cà Mau bahrau hu harak payua  sang bac Đại học Y – Dược Cần Thơ piah langyah bruk 75 sinh viên Cà Mau "pato pakai tui địa chỉ" hu tamat danka dak pato pakai min mbuan si oh hu công nhận tốt nghiệp kayua makna  sre jien học phí. Tui Công văn, UBND tỉnh Cà Mau hu tacei ka Sở Y tế tỉnh payua labaih 1 tỷ đồng jien học phí sinh viên hu jao ka Kho bạc karja ka sang bac Đại học Y - Dược Cần Thơ piah bayar jien học phí ka dom sinh viên dok sre. Jang yau tacei ka dom jabat chức năng samar langyah, pataom mek jien njauk  chiếm dụng. Dalam trường hợp oh pataom mek hu UBND tỉnh Cà Mau hu pasang iek langyah.

        # Pak sang mac Nestlé Trị An, khu công nghiệp Amata, Công ty TNHH Nestlé Việt Nam bahrau ba tame pandar dây chuyền ngaK viên nén NESCAFÉ Dolce Gusto. Dây chuyền ngak viên nén NESCAFÉ Dolce Gusto hu công suất 2.500 tấn cà phê/thun, samu 130 triệu viên cà phê nén, pandar cà phê tamo pala pak Việt Nam hu chất lượng glaong, brei tabiak janih pandap pakat glaong  pandar mac pha cà phê. Janih café ini hu pablei dalam negar jaik 10%, daok 90% hu pablei tapa 13 darak pasar angaok dunya. 

Khaw tin dunya:

          # Dalam 20 thun tapa, Campuchia  khik hu tanut tagok glong tui jalan ngak khang kajap, tui kuhria hu 7,7%. Bruk tagok khang kajap ni  hu brei tapa bruk patagok dalam dom bruk công nghiệp, jhik, padang ngak, ngak nong song dịch vụ yau du lịch, bất động sản…Rai duik di bhap bini  Campuchia dak harei dak salih bahrau, tỷ lệ kan kathaot eik lipa  trun khang meng 53,5% dalam thun  2004 trun dok 13% dalam thun  2016. Tui gilang pariak dunya, gah kinh tế Campuchia dalam thun  2018-2019 hu tagok tui kuhria lac 7%/thun.

# Pasak Negar Mỹ ka pacang caga saong pasang iek ruak bahrau brei thau, bruk metai lahik kayua ung thư gan ngan haong urang prong di Mỹ tagok 43% dalam 16 rhun tapa (2000-2016). Njauk ndom lac, menuac metai lahik kayua ung thư gan patagok dalam tukvak menuac metai lahik di dom ruak ung thư daok trun. Tui pathau khan, metai lahik kayua ung thư gan tagok ngan haong urang likei saong kumei meng umo 25 thun tagok, jeng yau ngan haong dom urang kalik mbong, kalik juk saong urang hu asal  mai meng Tây Ban Nha. Bruk metai lihik ini tok trun di dom urang hu asal châu Á saong bhap bani angaok dom pulao Thái Bình Dương.

  # Ban-ti-mo (Baltimore) bahrau jeng sa ban prong abih di Mỹ peih bruk quy định oh brei sô-đa song pandap menyum hu saradang dalam var mbang huak ka uranaih di dom nhà hàng. Kreih adit ni, Adat ni hu chính thức ba tabiak pandar, 3 bilan hadei di tuk hu Thị trưởng ban tut angan brei tapa di bilan 4. Tui hukum, dom  nhà hàng patrun bruk pabak dom var mbang huak ka uranaih hu limek, ia hu sambo hadah tanyak atau pahe song dom janih ngak  limek , ia tasau atau pandap menyum oh hu ia tasau salih hu, ia boh kayau 100%./.