# Page harei 21/8, Thủ tướng Nguyễn Xuân Phúc nao rivang Nông trường Thành Long di huyện Châu Thành, tỉnh Tây Ninh. Pathau khan haong Thủ tướng saong kapul urang nao ngak bruk, urang pal akaok Nông trường brei thau, jabat daok pala 1.000 ha tabau oiah ngak saradang. Bruk kaoh tabau meng mac jamriak bahrau yaok mac samu 800 urang ngak. Nông trường daok pambuak bruk haong dom hợp tác xã piah pala tabau saradang, ba jien mek tame tani tanat ka urang nong. Thủ tướng Nguyễn Xuân Phúc pandar urang pal akaok tỉnh Tây Ninh daong palaghaih ka dom bruk ngak di Nông trường. Thủ tướng jao ka Bộ Nông nghiệp saong Phát triển nông thôn roh duah jalan ngak mbang di Nông trường piah dak padang chuỗi giá trị dalam gah ngak tabau saradang.

# Brei panuac di nyaom roya  kapul urang nong ban raya HCM mbang ka X tuk vak (2018-2023), mesup harei 21/8, Ủy viên Mintri Chính trị, Bí thư Thành ủy ban raya HCM Nguyễn Thiện Nhân ndom lac dalam tuk vak bahrau  Kapul urang Nông ban raya HCM njauk salih bahrau bruk pathau khan pachreih ba urang nong patagok dalam tuk vak bahrau, ngak siam bruk pato pakai, pato megru dom urang hội piah jalei ka pahu panuac tangi sua: sản xuất pandap hagait? sản xuất yau habar? Ong Nguyễn Thiện Nhân lac: Patui ngak siam dom bruk ba tabiak  di nyaom roya Kapul  urang nong ban raya mbang ka 10 tuk vak 2018-2023, rik dong ka đảng bộ, karja bhap bini ban raya  padang ngak ban raya HCM, ban  anh hùng njauk angan lac ban  thông minh hu chất lượng, diukrai siam, văn minh, salih bahrau bak hatai anit ranam gauk.

# Dalam mbang nyaom brei panuac ka Dự thảo Hukum pato megru pasiam veik saong Dự thảo Hukum pasiam veik, pabak dom paka di Hukum Pato pakai Đại học rah tabiak di page 21/8, di bal raya HCM, dom kadha pambuak pagam tal bruk giảm tải ka anek saih, patagok jien đầu tư ka sang bac, gru pato daok hu dom urang lambaok ndom tal. Dalam nan, ralo panuac ndom lac njauk mong iek veik bruk brei bac harei puac adit di dom sang bac phổ thông. Jeng hu panuac ndom lac urak ini jeng daok ralo cuang kandah tavak tave ka sarak, định mức brei ka gru pato ngak ka gru pato di taong abih pakat bac biak glaih glar.

# Pakao Hala điện tử jeng bhian randap song rilo menuac, abih di nyu nan lac hu pandar rilo dalam urang ranaih.Bruk njauk biai nan lac, urak ni rilo urang dok sahaneng lac bruk salih meng jnuk pakao meng kan tapa jnuk pakao điện tử meda khik hu pren yava. Rilo danak dak ilamu roh duah tacei lac pakao điện tử dok ngak njeil song mbuan si ruak ung thư jang tal 15 mbang duh song jnuk pakao meng kan.

# Kapul daoh tamia bhap bini Cam huyện Bắc Bình hu lambaok ka tỉnh Bình Thuận tame Harei pataom ilamo dom bangsa gah kreh negar mbang ka III thun 2018 rah tabiak di bal Tam Kỳ, tỉnh Quảng Nam meng harei 24 tal harei 27/8 tal. Tapa nan, dom nghệ nhân, diễn viên hu padang ngak veik brei mboh Rija Nagar di urang Cam saong khan ao meng kan di dom bangsa Cam, K’ho, Raglai, tamia bhap bani Cam, daoh khan di urang Raglai...

Ragam tamia Po Tang Hok

Khaw tin dunya

# Phó Thủ tướng Thái Lan Vi-sa-nụ hu var hu var ngak bruk song dom urang dalam Ủy ban Bầu cử bahrau hu phê chuẩn. Mbang ginum biai ka  10 kadha pagam tal mbang palih ruah anak tal. Tui nan, tuk peih bruk palih ruah lac sa harei adit meng harei 24/2 tal 5/5/2019. Daok bruk oh brei ngak chính trị urak ni, Phó Thủ tướng iek gah hukum brei thau, hadei di tuk 2 bộ luật hữu cơ puac abih hu ba tabiak dalam bilan anak tal, Hội đồng khik ramik trật tự pakat negar (NCPO) hu tah klaak meneing bruk pakauk di hukum piah ka dom đảng chính trị chap tangin tame bruk kuhria caga ka mbang tranh cử. Tuk nan dom  đảng chính trị meda peih bruk palih ruah mban pal akaok, padang ngak quy chế song cương lĩnh ngak bruk.

# Harei 22/8, di bal ine klaak Luông-pha-bang, Lào rah tabiak nyaom biai pambuak bruk biên giới Lào saong Myanmar mbang ka 13. Nyaom biai mbang ini ginum biai dom kadha prong, dalam nan hu bruk brei thau ka bản đồ biên giới bahrau di taneh aia hadei di mbang ramik veik iek tui bản đồ ba tabiak di  bilan 6 thun 1994.

# Mintri ngak nong rong glang, patagok palei pala, bruk tong ikan song padai brah Mexico brei thau, ngan song sản lượng 286 triệu tấn padai brah  dalam thun 2017, Mexico hu jeng sa negar sản xuất padai brah dang ka 11 dunya, tagok sa tanut  dut song thun 2016. Kuhria taeng 5 bilan akaok thun ni, yaom pablei tabiak negar langiu kaya nong di Mexico mek hu  15,448 tỷ USD song mek hu dalam bruk pablei salih 3,987 tỷ USD, tăng 15,95% dut song tuk vak ni thun 2017. Meng bruk patagok yau nan, gah kaya nong pandap  mbang menyum di Mexico meda duah hu 35 tỷ USD dalam thun  2018./.