# Hadei di labih 6 bilan peih bruk pablei  xăng E5 RON92, bruk pandar xăng ini tagok biak ralo, meblah labaih 40% dom xăng pablei di darak pasar dalam negar. Ong Hoàng Quốc Vượng, thứ trưởng Bộ Công thương brei thau, hu yau nan meng hu ngak siam bruk kuhria caga xăng tal bruk darak pasar, peih prong kênh parabha dalam negar gam haong bruk pachreih tui di ralo urang blei pandar. Urak ini dalam negar hu 4 sang mac nhiên liệu sinh học meda ba tame peih ngak saong meda pabak brei jaik 360 tal 400 ribau mét khối sa thun, ginup pabak bruk pandar xăng E5 tuk khaol drei salih tapa pandar xăng E5 meng harei 1/1/2018.

  # Phó Chủ tịch Ubbhap bini ban raya HCM Trần Vĩnh Tuyến brei thau ban raya dok jhul samar bruk peih pakacah dunya piah palih ruah gah tư vấn padang đô thị ngầm.Ni hu mong lac bruk piah jhul patagok không gian ngầm di ban raya oh ka hu rilo salih bahrau dalam tuk vak tapa, yaom lac karja ba tabiak meng lavik mai. UBND ban raya HCM bahrau jao ka Sở Kế hoạch song Đầu tư pal akaok, pambuak bruk song dom sở, dom gah hu panuac ieu song palih ruah gah đầu tư padang quy hoạch cambaih laih, tỉ lệ 1/500 ka bruk padang công trình ngầm di mblang bein 23 bilan 9.

        # Tổng công ty Điện lực TP.HCM meda peih ngak mô hình điện aia harei pagam lưới tal khách hàng caong khin dalam bal. Meyah lắp đặt saong pandar điện aia harei pagam lưới, tuk pandar oh abih điện, urang pandar meda pablei gilac binah daok labaih ka gah điện ngan haong yaom 2.086 đồng/kWh. Kuhria tal ini, TP.HCM hu 412 khách hàng, dalam nan hu dom doanh nghiệp prong tự đầu tư, lắp đặt điện aiai harei saong 346 khách hàng sanya pablei gilac binah điện daok labaih ka gah điện.

      # Sa uranaih kamei 8 bilan dok di quận Ba Đình (Hà Nội) metai kayua  saw ngao Tây Tạng rong di sang kaik. Uranaih hu ba tame sang iek ruak dalam tuk rak darah oh megei, darah oh nduac, xuất huyết não, labik sau kaik di akaok song 2 gah thei sre drah rilo song metai hadei di 2 tuk tame sang iek ruak cấp cứu. Jiak di ni hu rah tabiak rilo mbang sau raong di sang kaik menuac, yau nan ye mik va njauk caik hatai sangka, brei klauk jru pacang gila ka saw song brei sau daok atah uranaih

        Khaw tin dunya 

      # Gah thiên văn học bahrau duah mboh 12 aia bulan bahrau di sao Mộc. Dom urang roh duah Mỹ hu duah mboh dom baoh aia bulan nan dalam tuk daok nao duah hành tinh ka 9 bí ẩn di hệ aia harei, hu brei thau lac daok padauk gah langiu quỹ đạo di Hải Vương tinh, hành tinh atah abih di hệ aia harei urak ini. Số thiên thể bahrau duah hu daong patagok tổng số dom vệ tinh tự nhiên vin taom dhar sao Mộc tagok tal 79, ralo abih dut haong hành tinh halei karei gam hệ. 

  # Labik pataok radeih di khu patagok sang  prong siam di khu Ho Man Tin, quận Kowloon, Hồng Kông bahrau hu pablei yaom biak “havin akaok” 6 triệu đô la Hồng Kông, samu 765.000 USD. Yaom trung bình ka sa labik pataok radeih di Hồng Kông labaih 2,5 triệu đô la Hồng Kông, tagok jang 6 mbang  kuhria meng di thun 2006. 

       # HLV di đội tuyển Croatia- dang dhi 2 World Cup 2018, Zlatko Dalic saong anek saih meda hu alin brei 26,7 triệu đôla duah hu meng dang dhi 2 ka kadung jien uranaih. Jalan saneng di ong Dalic hu brei thau anak bruk uan roak đội tuyển  veik mai haong bal ine Zagreb, tapa tài khoản Facebook di đội tuyển. 

# Bahrau ni saai Walter Carr, sa urang likei  Mỹ hu sa bruk ngak bahrau di Công ty Bellhops. Min, tuk peih radeih tal labik ngak dalam harei akaok mereip, radeih di saai Carr nyu khut. Urang likei hadei di nan khang hatai nao takai luac melam tapa dom bhum palei di ban Birmingham, bang Alabama song jalan nan atah 32 km piah dar tuk ngak bruk di mesup harei hadei. Hadei di tuk klah rabha dalikan  angaok mạng xã hội, bruk di saai Carr samar pachreih hu bruk sangka. Urang  mạng hu peih  bruk rik dong saai Carr pasiam veik sruh radeih klaak, pataom hu 8.000 USD.Song abih di nyu nan lac, Giám đốc điều hành Công ty Bellhops bo saai  Carr bahrau tame ngak, ong Luke Marklin, hu alin brei sruh radeih Ford Escape 2014 d idrei ka  nhân viên bahrau tame ngak. Saai  Carr brei thau: "Hulin cong khin menuac urang thau lac gaok bruk kan kandah hagait, auyt meda yam tapa hu. Oh hu bruk hagait lac oh ngak hu meyah drei oh sahneng lac oh ngak hu./.