Khaw tin page harei 24/4/2017

#/ Melam 23/4 di Trà Vinh, hu rah tabiak bruk pahadar 25 thun  padang tỉnh Trà Vinh (5/1992-5/2017).  Lambaok urang pan akaok Đảng, karja, Thủ tướng Nguyễn Xuân Phúc jao  Huân chương Độc lập hạng Nhất ka tỉnh Trà Vinh, kayua  akaok negar  jao brei ka bhap bini song urang jakar  tỉnh Trà Vinh. Thủ tướng Nguyễn Xuân Phúc cong khin Trà Vinh jeng sa tỉnh ginup meda di bhum taneran krong Cửu Long song di taneh ia.

       # Jeng dalam harei 23/4, Thủ tướng Nguyễn Xuân Phúc saong kapul ngak bruk di rajaei hu ngak bruk saong urang dang akaok tỉnh Sóc Trăng. Thủ tướng Nguyễn Xuân Phúc ndom lac, Sóc Trăng lac sa dalam 3 tỉnh kan kandah abih di bhum taneran kraong Cửu Long, Sóc Trăng njauk sangka rilo jang tal bruk padang mbang ngui, paglaong chất lượng menuac urang di libik. Tui nana, jalan ngak ka thun 2017, Thủ tướng pandar Sóc Trăng ngak siam sarak di rajaei, abih di nyu nan lac Sarak 35; tacei pato ngak ka pahu taong abih dom bruk, định mức kinh tế-xã hội quốc phòng, an ninh đối ngoại hu ba tabiak bloh. 

        # Kadung jien dong uranaih tỉnh Đak Lak pambuak bruk song sang iek ruak Tim Tâm Đức (ban raya Hồ Chí Minh) peih danak dak iek ruak boh hatai bẩm sinh ka uranaih dalam tỉnh. Dalam 400 adei hu iek ruak saoh, kadung jien dong uranaih Đăk Lăk dok brei yaok adei sa pok pandap, uranaih dok dalam sarak sang kathaot, jiak si kan hu dong 150 rabau đồng jien mbang huak nao mai.

          # Di tỉnh Bình Thuận hu hajan praong di dom puk palei. Ta-eng huyện Bắc Bình daok hu hajan patau saong ribuk ngak khut sang danaok di bhapbini. Lingik dom harei tal daok rah tabiak jhak, meda hu hajan ribuk tukvak salih bilan pandiak tapa bilan hajan di bhum biak glaong. Mban tacei pato pacang caga bala saong duah daong urang njauk bala tỉnh Bình Thuận kakei bhapbini njauk pasang iek lingik piah drak samal caga, pacang tuk hu bruk jhak rah tabiak.

          #/ Di tỉnh Tiền Giang hu rilo mbang hajan khang suan bilan di rilo labik. Tui rilo urang, hajan hu kein lagaih, dong patrun pandiak, ngak ka langik lihoi hadei di dom harei pandiak thu. Amuk Lê Thị Đẹp, urang nong pala phun palan song phun liu di xã Thạnh Nhựt, huyện Gò Công Tây, tỉnh Tiền Giang bui sambai lac: Hajan khang akaok bilan ni phun kayau lahoi. Hulin sahaneng lac njam patam dom harei ni biak pandiak, nan ye hajan trun urang biak uan tabuan.

       # Di sang ilimo dam dara ban raya Hồ Chí Minh, rah tabiak harei pataom “ tacei bruk – pato bruk mbang yaka 5 thun 2017 ngan saong kadha “ pasram siam – jak jeng glaong”. Harei pataom kayua Thành Đoàn ban raya Hồ Chí Minh peih ngak pachreih hu labaih 20 libik lac dom sang bac đại học, cao đẳng, trung cấp nghề, trung tâm ngoại ngữ, tư vấn du học dalam ban raya saong 30 gian pandap tư vấn tacei bruk, yaih khan mô hình pato pakai bruk saong tacei bruk ngak di harei hadei ka anek saih Trung học cơ sở saong Phổ thông trung học.

      #Tổng cục Du lịch hu harak 369 payua Sở  Du lịch, Sở ilamu Thể thao Du lịch  dom tỉnh/ban,  dom labik pablei salih du lịch song dịch vụ du lịch dalam negar ka bruk khik ramik bruk du lịch dalam tuk padeih  lễ 30/4 song harei dunya urang ngak 1/5. Tổng cục hu panuac ieu patagok bruk tui iek, duah thau bruk ngak siam adat hukum ka yaom kaom, ,niêm yết yaom song pablei njauk yaom niêm yết, oh caik rah tabiak bruk tagok yaom ngak jhak tal tal thaot binguk  di dom puk palei  song gah du lich di taneh ia.

          Khaw tin dunya

        # Roh duah di Đảng Lao động Anh khan brei thau angaok blah Urang khik caga (The Guardian) harei kabroi brei thau, rilo bhapbini Anh daok dalam dom libik gaok nerak không khí trak, jhak ka tính mạng saong pren yava di dom urang nan. Dahlau nan, blah urang khik caga brei thau, yaok rabau uranaih di dom sang bac di grauk tanhe ia Anh njauk gaok không khí độc hại meng dom radaih pandar nhiên liệu đi-ê-zen.

          # Urang dang akaok quốc phòng Nga hu panuac lac negar ni halan hatain pabak ka rajaei Tổng thống Ba-sa al Át-xát ( Bashar al Assad) hệ thống tên lửa phòng không piah khik caga taneh ia Xiry anak bruk tấn công quân sự halei meng gah langiu tame.

      # Di rilo libik gah kreh negar saong tây nam bang Flo-ri-đa di Mỹ daok dalam tuk lingik thu lagu trak, ba tal dom mbang khuah glai khang ngak ka yaok rabau sang njauk nao plaih. Kuhria meng akaok thun ini, khuah glai nyu palai pajoa labaih 20 rabau héc ta glai, mblang hareik di Bang Flo-ri-đa. Tui kuhria, di tukvak tal Flo-ri-đa daok dang anak lingik pandiak saong thu rilo veik, ngak ka dom mbang khuah patuh khang.