# Pahadar 71 thun harei Thương binh liệt sỹ 27/7, harei 23/7, pak Nghĩa trang Liệt sỹ xã Quế Phú, huyện Quế Sơn, tỉnh Quảng Nam, Ủy viên Bộ Chính trị, Thủ tướng Nguyễn Xuân Phúc hu mbaok saong brei panuac ndom anak yaok rituh urang jakar, bol lin, baoh sang sarak karja, urang buh pren ka cách mạng saong bhap bani puk palei. Thủ tướng ndom lac, Đảng, Karja saong bhap bani  Việt Nam tuk halei jeng kanar hadar pren yava rik daong, bruk van klaak rup drei di dom anh hùng liệt sỹ, dom baoh sang haong cách mạng, thương binh, bệnh binh, baoh sang sarak karja ngan haong bruk mesruh metak  meblah mek độc lập dân tộc, tự do ka Taneh aia palei negar. Dalam xã Quế Phú urak ini labaih 1.700 urang hu buh ralo pren yava ka cách mạng. Dalam nan, HU 714 liệt sỹ, jaik 180 urang jakar taha cách mạng, jaik 120 Mẹ Việt Nam anh hùng.  

        # Pahadar harei Thương binh, liệt sĩ thun ni, tỉnh Quảng Ngãi hu buh tabiak meng kadung jien karja tỉnh labaih 18 tỷ đồng piah alin brei pandap ka dom urang dalam sarak karja dok dalam tỉnh, yaok pok pandap yaom 300 ribau đồng. Jeng dalam mbang ni, urang pal akaok tỉnh Quảng Ngãi hu nao rivang brei pandap ka 70 boh sang dalam sarak karja, yaok pok  yaom 1,5 triệu đồng. Ong Lương Kim Sơn, Giám đốc Sở Lao động-Thương binh song Xã hội tỉnh Quảng Ngãi brei thau: Gah LĐTBXH hu pasang iek song peih bruk pasiam veik, padang ngak 10 danak dak thau dar phol liệt sĩ abih labaih 12 tỷ đồng. Langiu di nan meng ni tal harei 27-7 peih dom bruk truac ding thau dar phol di dom urang dam dara dalam tỉnh. Song dalam melam 26-7, kapul dam dara  tỉnh peih bruk truac ding thau dar phol liệt sĩ di kubo  liệt sĩ di tỉnh). 

# Tal abih bilan 6 meng blaoh, daok 9/63 Ban Tổ chức pakat ủy di Trung ương oh ka tham mưu pakat ủy patabiak danak dak peih ngak Sarak ka 18 di Ban chấp hành Trung ương Đảng, Kế hoạch 07 di Bộ Chính trị ka bruk peih ngak "Dom bruk daok salih bahrau, ramik veik bộ máy di hệ thống chính trị tinh gọn, ngak bruk siam". Ini lac sa bruk njauk duh hatai kayua lac meyah oh ba tabiak danak dak samar meda oh ginup tukvak peih ngak bruk tinh giản bộ máy ginup 10% dalam thun 2021. Ong Nhị Lê, Phaok Tổng biên tập Tạp chí Cộng sản brei thau, jalan ngak mek hu bruk ba tabiak trrun 10% dalam tukvak 3 thun tal meda gaok biak ralo kan kandah.

       # Harei 23/7, Trại hè thanh thiếu niên kiều bào song  urana ranaih umo ban raya Hồ Chí Minh thun 2018 hu peih tabiak di ban raya HCM, hu mbaok di 60 trại sinh lac thiếu niên kiều bào Lào, Campuchia, Thái Lan, Mỹ, Đức, Nga… Trại hè thanh thiếu niên kiều bào song urang ranaih umo ban raya HCM thun ni hu angan “gireih palao tasik palei negar” lac labik taom gaok ndom nyai nao mai, klah rabha dom hatai cong ranam di kiều bào, du học sinh Việt Nam mai meng grauk labik di dunya. Ni jeng lac jalan ngak pambuak pagam hatai ranam prong glong di bhap bini urang Việt di dunya. 

       # Piah pabak ka bruk blei pandap bac da-a ka dom adei tuk yam tame thun bac 2018 - 2019, dom jabat pablei salih tapuk saong dom labik pablei lẻ dalam bal raya Hồ Chí Minh hu brei patrun yaom yaok ribau pandap panda duh ka thun bac bahrau. Tui Sở Công Thương TP Hồ Chí Minh, thun ini, janih pandap khik tani tanat yaom pabak ka thun bac bahrau hu 4 nyaom pandap: tapuk siphau; cặp, ba lô, túi xách; khan ao anek saih. Tui kuhria thun bac 2018 - 2019, danak dak grap tanat  yaom ba brei 9,68 triệu baoh tapuk anek saih, 570.000 blah khan ao, 920.000 thong takhaok juak.

        Patui di ni dom khau tin dunya

       # Tui sa bruk duah thau hatai sahneng di menuac urang di hãng tin Kyodo brei thau: urang pachreih tui rajaei di Thủ tướng Nhật Bản Xin-dô Abê trun dok 43,4% dut song 44,9% di bilan dahlau, dalam tuk nan, urang cagar veik dok tagok biak khang, di tanut 41,8%. tapa duah thau nan jeng mboh lac, 62,2% urang hu tangi sua oh njauk hatai ka bruk ngak di rajaei anak bruk ia sua rah tabiak di bhum gah pai negar Nhật Bản.

         # Akaok Mentri Y tế Xinh-ga-po Gan Kim Yâng togok sap likau ma-ah ampul  urang ruak saong gauk gar di urang ruak, dom urang daok dalam dom angan njauk  tin tặc mek klaik dữ liệu di harei suk adit dahlau. Dahlau di nan, thông tin ka bruk tin tặc nyu tame cơ sở dữ liệu y tế di raja-ei Xinh-ga-po saong mek klaik thông tin cá nhân di 1 triệu 500 ribau bhap bani negar ini dalam nan hu Thủ tướng Lý Hiển Long daok ngak ka manuac sua duh hatai. Raja-ei Xinh-ga-po brei thau ini lac sa mbang tấn công "vi phạm dữ liệu cá nhân biak trak" meng dahlau mai.

# Gah y tế dunya tabiak bruk dong dom thiết bị y tế  song jru tavoa ka Tanzania yaom 2,4 triệu đôla piah dong ka negar ni pasang iek dom ruak njom mbak, dalam nan hu jit  Ebola. Ni lac sa dalam dom kham merat di gah Y tế dunya, piah padang ngak pren khang y tế ka dom negar dok dalam bhum tamuh virut Ebola song dom janih  virut pambak ruak karei karei./.