# Phó Thủ tướng Trịnh Đình Dũng hu tacei pato brei ngak pasiam veik bruk glut jaleih krong Vàm Nao thuộc di palei Mỹ Hội, xã Mỹ Hội Đông, huyện Chợ Mới, tỉnh An Giang. Phó Thủ tướng hu panuac ieu Ủy ban bhap bini tỉnh An Giang tacei pato dom  gah chức năng khan brei  bhap bini thau, takik brei menuac, radeih nao mai labik glut jaleih, samar panduan ba dom boh sang tabiak truh labik mbuan glut jaleih

       # Dom sang iek ruak di Hà Nội saong ban raya Hồ Chí Minh daok rah tabiak bruk kurang jru biệt dược, cambaih laih lac jru vincran (vanh-cờ-ran) ngan saong hoạt chất vincristine (vanh-cờ-rít-tin) blei meng Hàn Quốc, pandar ka iek ruak ung thư. Takik abih hu 3 sang iek ruak kurang jru biệt dược Vincran hoạt chất Vincristine, nan lac sang iek ruak Ung bướu Hà Nội, sang iek ruak Trung ương Quân đội 108 saong sang iek ruak Ung bướu ban raya Hồ Chí Minh.

          #/ Tổng cục Đường bộ Việt Nam bahrau hu harak pandar dom jabat, đơn vị kuhria caga siam bruk nao mai di bhap bini, khik caga trật tự, siam mekre bruk nao mai dalam harei padeih lễ 30/4, 1/5 anak tal. 

         # Dom harei tapa, urang raong ikan chẽm dalam lồng bè di kraong  Tam Kỳ labik nao tapa xã Tam Phú, ban sit Tam Kỳ, tỉnh Quảng Nam patoak drei mboh ikan metai rilo oh ka thau cambaih makna. Karja puk palei jeng brei urang jakar nao pasang iek, mek mẫu dut iek.  Ikan metai ngak ka rilo sang raong ikan chẽm gaok kan kandah. Ông Nguyễn Đức Vương, Akaok Ủy ban bhapbini xã Tam Phú, ban sit Tam Kỳ, tỉnh Quảng Nam brei thau: Urak ini xã daok khan tagok pakat angaok peih bruk mek mẫu dut iek dauh thau cambaih makna. Bair harei ini, dom gah chức năng di tỉnh, ban peih bruk dut iek veik saong khan ka mikva thau.

          # Sở pato megru  Đồng Nai  pambuak bruk song  Công ty cổ phần pato pakai Đại Trường Phát peih bruk pasram jalan pato sap  Anh tiểu học pandar giáo trình Smart start  ka 150 gru pato sap  Anh di dom sang bac tiểu học dalam tỉnh.Ni lac danak dak pato sap Anh tiên tiến di negar langiu  song 5 cấp độ dok peih ngak di rilo sang bac dok  Việt Nam. Bruk siam di abih di giáo trình ni lac  tui njauk danak dak di mintri pato megru, pabak tamer dom kadha mboh di anak meta di tal bac Việt Nam.     

       # Di 2 tỉnh Tiền Giang saong Long An, rilo urang nong kaoh klak beir phun thanh long hatai mbon piah salih tapa pala yaok rabau hecte ohun thanh long hatai bhong. Tui dom gah chuyen mon, thanh long hatai bhong hu yaom glaong min biak kan si pala saong ruah taneh. Yau nan ye, dom puk palei njauk ngak siam bruk quy hoach taneh pala phun thanh long, jak ba sang beir jhui nduac tui bruk pala thanh long hatai bhong.

        # Ban raya Hồ Chí Minh peih ngak iek bruk Caik dom biển báo tacei jalan nao mai meng 2 sap Việt song sap Anh piah palgaih ka urang Việt Nam song urang negar langiu tuk peih radeih. Tui pasak khik ramik đường hầm krong Sài Gòn, anak meta hu ngak iek caik  biển tacei ba di 2 jalan lac  Võ Văn Kiệt – Ký Con, Võ Văn Kiệt – Nguyễn Thái Học, hadei di nan meda taong yaom hiệu quả song peih ngak prong.

          Khaw tin dunya

      # Jabat alam moi truong taneh ia Xinh-ga-po (NEA) brei thau barau duah mboh veik 4 urang njaom vi-rút Zika, saong dua urang hu duah mboh di dua libik barau lac Hai-len Râu-đơ (Highland Road) saong Gian-xen Clâu-xơ (Jansen Close). Dalam tuk dua urang daok veik hu mboh di lbik Gờ-lát-gâu Râu-đơ (Glasgow Road) saong Pô Uốt Râu-đơ Oét (Poh Huat Road West/Poh Huat Terrace/Terrasse Lane).

     # Harei 25/4, 16 urang njauk rambuac dalam mbang patuh khang di sang mac pasei di Hốc-cai-đô (Hokkaido), tỉnh cực Bắc Nhật Bản.Bhap bini dok vil val sang mac ni hu panuac ieu brei panduan nao labik karei./.

         # Sa sruh radaih pajeng tuai barau ginuh tame mìn caik di jalan di libik  bộ tộc Ku-ram A-gần-xi (Kurram Agency), di gah Tây Bắc Pakistan, ngak takik abih 5 urang metai saong 11 urang bị thương. Bhum  Ku-ram A-gần-xi lac sa dalam 7 libik bán tự trị di Pakistan jaik taphia biên giới saong Ápganixtan.