Khaw tin page harei 27/4/2017

       #/ Beir harei 26/4, Ủy viên mintri  Chính trị, Phó Thủ tướng Thường trực Chính phủ Trương Hòa Bình hu ngak bruk song urang dang akaok  tỉnh Hà Giang ka bruk bangsa. Phó Thủ tướng tacei tỉnh Hà Giang patui jalan ngak siam  dom danak dak, sarak bangsa, patagok kein lagaih dom sarak ka mik va bangsa takik di bhum urang bangsa  Cờ Lao tuk vak  2011-2020, dong talaih kan kandah, tani tanat rai duik, jhul khang bruk patruh kathaot, paglaong rai duik ka mik  va bhum biak kan kandah, pambak prong dom bruk patagok KT kein laba yau pala phun ngak jru, phun te, kruac song rong limo.

       # Di ban raya Hồ Chí Minh, harei 26/4, akaok taneh ia Trần Đại Quang gam saong urang jakar Quốc hội di Tổ urang jakar Quốc hội mbang XIV, libik 1 – ban raya Hồ Chí Minh hu taom gaok cử tri di  Quận 1, Quận 3, Quận 4.  Dom cử tri Quận 1, Quận 3, Quận 4 hu khan brei rilo kadha ka dom bruk khik caga alam môi trường; langyah khiếu nại, tố cáo pambuak tal taneh ia riya; pacang caga gar jalan nao mai, dalam nan, brei thau quan điểm ka đề xuất takik, pakauk radaih patuh; pasiam chất lượng pato megru; tinh giản biên chế, ramik pasiam gheih bộ máy cơ quan dom pakat; bruk tangi sua saong cavap calei tangi sua di dom mbang nyaom Quốc hội, peih praong dom bruk taom gaok cử tri; taphia dom dự án luật, dalam nan hu dự thảo Luật Tố cáo (ramik pasiam)…

        # Melam 26/4, Hội Doanh nhân ranaih umo ban  Đà Nẵng peih bruk jao Giải thưởng “Nụ cười công chức ban Đà Nẵng thun 2016”. 10 urang jakar, urang ngak naih gheihdi ban hu pok meyaom dalam thun  2016. Ni lac  10 urang di dom jabat, sở, ngành naih gheih dalam bruk salih bahrau thủ tục hành chính, abih hatai jai duh ka bhap bin, abih di nyu nan lac dom doanh nghiệp. Ong Huỳnh Đức Thơ, Chủ tịch Ủy ban bhap bini ban  Đà Nẵng brei thau: Cambuai klau di urang jakar công chức lac talei rohim biak siam , ba dom kadha hu kein lagaih di urang jakar song bhap bini  song  dom doanh nghiệp

       # Festival Tơ lụa - Thổ cẩm Việt Nam saong dunya thun 2017, sa dalam dom bruk di Festival inem krung Quảng Nam mbang yaka 6 meda peih pakak di ban mengkan Hội An, tỉnh Quảng Nam harei 12/6 tal.  Festival Tơ lụa - Thổ cẩm Việt Nam saong dunya rah tabiak di 4 harei ngan saong bruk pataom mbaok di Hiệp Hội tơ lụa dunya, Hiệp Hội tơ lụa Châu Á, Học viện Mekong saong jaik 50 palei ngak, doanh nghiệp ngak tabiak tơ lụa Việt Nam saong di dunya. 

      # Harei 26/4 Ban bangsa ban raya HCM pambuak bruk song Ủy ban bhap bini quận 3, phường 13 peih nyaom biai duah thau hatai sahneng di bhap bini ka bruk peih ngak sarak bangsa ka mik va bangsa takik thun 2017. Hu rilo panuac pabak ttame hu urang dang akaok mban bangsa javap jalei cambaih laih, njaku tui hatai khin di mik va .

       # Tỉnh An Giang barau khan tagok mintri Tài nguyên - Môi trưởng ba tagok rajaei ka sarak di sang daok, ka labaih 20 rabau sang njauk nao plaih kayua glut jaleih kraong dalam 5 thun tal.

     #/ Chánh Thanh tra tỉnh Sóc Trăng ông Quách Hoàng Sáu hu mbaoh tangin tame  harak brei thau kết luận thanh tra bruk peih ngak sarak, hukum jien ndua, padang ngak sang bac , Cao đẳng Cộng đồng Sóc Trăng. Tong abih phun jien sai phạm tapa thanh tra labaih 8,5 tỷ đồng; meng tài chính labaih 8,1 tỷ đồng, gah padang ngak cơ bản  labaih 376 triệu đồng.

        Khaw tin dunya

     # Ngoại trưởng Đức Xích-ma Ga-bri-en (Sigmar Gabriel) barau hu panuac ieu Trung Quốc dak harei dak peih bambang darak pasal saong dom công ty, gah đầu tư taneh ia langiu, taphia nan, hu panuac brei mboh bruk njuak ngak di talei pambuak bruk công bằng.

    # Beir harei 26/4 di ban ine Băng-cốc, Thái Lan, Nyaom biai papar sap châu Á thun 2017 hu peih pakak song hu mbaok di yaok ribau urang, lac dom urang papar sap, dom urang roh duah, học giả ka truyền thông mai meng grauk labik di dunya. Thun ni, nyaom biai hu rah tabiak dalam 3 harei meng harei  26 tal harei 28/4. Hu mbaok di nyaom biai, akaok mintri văn phòng rajaei  Thái Lan ong Panadda Diskul ndom lac , papar sap lac sa janih  báo chí oh meda kurang hu dalam rai duik song rajaei  Thái Lan dok iek prong bruk đầu tư ka papar sap.

       # Dom libik bán quân sự daong rajaei Irắc harei 26/04 hu taong pateok kol IS tabiak truh thành cổ Ha-tra, di gah Pai Mô-sun (Mosul). Ini lac thành cổ ndih dalam angan di gah pato megru, alamu saong ilimo di Liên hợp quốc (UNESCO), gaok IS kiểm soát saong ngak tayah di dua thun tapa .