# Akok negar Trần Đại Quang saong diuk di ong daok rivang pakat Karja di Cộng hòa Ả-rập Ai Cập meng harei 25 tal harei 29/8/2018, tui panuac da-a di Tổng thống Ai Cập Áp-đen Pha-ta An Xi-xi (Abdel Fattah Al Sisi ). Biar harei 26 bilan 8 tui tukvak negar ini lac melam di Ha Noi, akok negar Trần Đại Quang saong kapol urang ngak praong negar drei hu taom gaok, ndem meyai saong urang jakar daok ngak bruk di Đại sứ quán saong urang lambaok vakil bhap bini Viet Nam daok di Ai Cập.

# Phó Thủ tướng Trịnh Đình Dũng bahrau njauk hatai pasiam veik abih tih bruk Quy hoạch padang Khu kinh tế (KKT) Đông Nam Nghệ An. KKT ni hu taneh prong labaih 20 ribau ha, hadei di labaih 10 thun peih tabiak ngak pataom hu yaok rituh doanh nghiệp song dom urang ngak mbang, pabak pren khang dalam bruk tagok kinh tế - xã hội tỉnh Nghệ An. Phó Thủ tướng jao ka mintri Padang ngak ủy quyền ka Ubbhap bini tỉnh ni peih ngak đồ án pasiam veik Quy hoạch; pasang iek bruk ngak song đồ án pasiam veik. Ubbhap bini tỉnh Nghệ An dang tabiak, pambuak bruk song mintri Padang ngak hong dom jabat pagam tal song pok puac likau ngak đồ án pasiam veik tui njauk adat hukum.

# Mbiah tal urak ini, hu labaih 50 gah daong jien ngak mbang di dua gah atau rilo gah daok ngak bruk, pabak phun jien ODA saong phun jien mesre laba lap ka dom gah, kinh tế, xã hội di negar drei. Yaom lac yau nan, min bruk pandar phun jien ini oh ka hu kein laba, rilo danak dak daok ngak khat lahik, palai payua. Tui Harak pathau khan di QH mboh lac, hu 10% phun jien ODA meng gilang pariak Dunya iew lac WB saong 20% phun jien ODA mai meng gilang pariak patagok Chau A pandar phun jien oh kein laba, daok ngak palai pajoa. Ong Phúng Quốc Hiển, Phó Akok Quốc hội lac: “Njauk ngak brei  cambaic laic bruk ngak di dom jabat chức năng di dom tỉnh ban jeng saong brei tacei tabiak cambaih laih piah hu jalan pato, kakei dahlau bruk pandar phun jien ODA piah dom tinh, ban, jeng yau dom Mentri, dom gah tuk pandar phuin jien ini”.

# Mesup harei 27/8, Ủy ban bhpa bini ban raya HCM peih bruk dong bhap bini dom tỉnh di bhum ceik gah brak  saong Bắc Trung bộ njauk khat lihik kayua hajan ia sua. Tapa nan, ban raya hu dong yaom jien 362.000.000 triệu đồng kayua dom urang jakar, công chức, viên chức song urang ngak di trụ sở Ủy ban song Công ty Cổ phần Tập đoàn C.T rik dong. Tong abih tih yaom jien nan hu jao ka Ban Thường trực Ủy ban Mặt trận negar Việt Nam ban raya HCM piah samar ba tal tangin bhap bini bhum ia sua, dong ka mik va yam tapa kan kandah anak meta, tani tanat rai duik song bruk ngak mbang, pala drak.

# Tui Gilang pariak sarak karja tỉnh Ninh Thuận, abih tih jien brei mesraiy di dom danak dak brei mesre laba lap dalam tỉnh ni tal bilan 8 thun 2018 hu 1.800 tỷ đồng ngan saong jaik 74 ribau urang mesre. Tapa phun jien nan, baoh sang urang kathaot, baoh sarak karja di taong abih palei, bhum atah bayah, bhum ceik car, huyen kan kathaot saong dom xa kan kandah… hu jien ngak mbang pala drak, dauh hu bruk ngak, rik daong ka bruk patruh iek patrun kan kathaot, padang ngak palei pala birau di tỉnh.

Khaw tin dunya

# Gah Y tế dunya brei thau, jiak 900 triệu uranaih dang anak bruk kurang cơ sở vệ sinh di sang bac ngak ka dom adei daok dang anak bruk mbuan njauk ruak kik song rilo dei njauk klaak bac. Tui kuhria jiak 1 dalam 3 sang bac tiểu học song trung học kurang ia menyum hacih saat, ngak kan kandah tal jiak 570 triệu uranaih. Labaih 1 dalam 3 dom sang bac kurang cơ sở vệ sinh, ngak kan kandah tal 620 triệu uranaih. Anak bruk nan, dom urangngak praong pan akaok di dunya hu panuac sinya tal thun 2030 hu pabak ia hacih song hu cơ sở vệ sinh ginup di dom sang bac saong khik ka dom adei hu pato pakai tong abih gah.

# Jien duah hu kuhria rah tapa di 350 urang aok điều hành iew lac CEO dom doanh nghiep praong abih negar Mỹ tagok 17,6% meng thun 2016-2017, dalam tuk nan jien duah hu di sa urqang ngak apah di Mỹ bahrau tagok hu 0,3%. Bruk ini kayua Viện Chính sách kinh tế lac sa kapol phi lợi nhuận hu labik ngak bruk di Washington (Mỹ), birau brei thau. Jeng tui viện ini, sa urang CEO jien mek tame galong jang 312 mbang dut saong urang ngak apah, dalam tuk bruk ini dalam dom thun 1960 lac rilo jang 20 mbang min.

# Bhap bini Thái Lan ndom lac, Thủ tướng Pra-dút Chan-ô-cha (Prayut Chan-o-cha) hu ngak siam bruk di drei dalam 4 thun tapa, abih di nyu nan lac  dalam brku khik caga an ninh trật tự song pacang caga tham nhũng. Mbang pasang iek hu peih ngak meng harei 20-23/8, hu mbaok jiak 1.300 bhap bini, hu umo meng 18 thun tagok, lac urang ngak dom bruk karei di gauk dok dalam negar, piah duah thau panuac brei ka Thủ tướng Prayut Chan-o-cha dalam 4 thun pal bruk./.