# Tổng công ty Hàng không Việt Nam (Vietnam Airlines) brei thau, hu 4 mbang par meng Việt Nam tal Jakarta-Indonesia dalam harei 29/8 piah duh ka urang tapa pachreih ka đội tuyển negar drei. Tui nan: 1 mbang par tapak meng Hà Nội, 1 mbang par tapak meng Đà Nẵng tal Jakarta saong hu sa mbang par nao mai bal raya Hồ Chí Minh - Jakarta. 

# Mesup harei 28/8, Ủy ban mặt trận negar Việt Nam ban raya HCM song Ủy ban jum pataom công giáo Việt Nam ban raya HCM hu pok meyaom 43 kapul song 42 urang công giáo hu rilo rik dong ba dalam bruk bảo trợ xã hội, pato pakai y tế song iek glang urang kan kathaot. Amuk Nguyễn Thị Thư, umo 70 thun, hu jiak 20 thun ni mai halan hatain peih sa cơ sở sit, taduan song iek glang rilo urang njom ruak HIV oh hu labik dok, hu pok meyaom dalam mbang ni, lac: Biak di nyu bruk ngak di hulin biak sit sot, yau sa asar cuah dalam  tasik prong. Tapa nan piah ka drei song menuac urang paglong akaok sahaneng lac, dong hu sa urang ye mboh sambai lo, song menuac urang jeng mboh dalam rai duik ni bak hatai ranam gauk. 

# Tui Gilang pariak karja, tal harei 30-6-2018, dom Tổ chức tín dụng langyah hu 138.290 tỷ đồng sre jhak (oh kuhria tal 61.040 tỷ đồng caga rủi ro piah xử lý sre jhak). Jneg tui gilang pariak ini, bruk tín dụng hu paisam veik. Dom jalan langyah sre jhak hu peih ngak samu gauk gam haong dom jalan pasang iek, pacang caga sre jhak bahrau tamuh tabiak, hu daong paglaong bruk brei mesraiy saong patrun bruk sre jhak di dom Tổ chức tín dụng.

# Peih prong pasang iek duah thau ka bruk xuất cảnh tapa Xin-ga-po di Phan Văn Anh Vũ (ieu lac Vũ “nhôm” di bilan 12/2017, Gah Cảnh sát điều tra Mintri Công an hu tabiak Lệnh cap khik menuac dalam  trường hợp khẩn cấp ong Hoàng Hữu Châu, ndih tapui thun 1963, Urak ni dok di  phường 11, quận Phú Nhuận, ban Hồ Chí Minh. Ong Hoàng Hữu Châu njauk cap khik chip ka bruk pachot  mek drap ar di Phan Văn Anh Vũ yaok rituh ribau Đô-la Mỹ dalam bruk sinya ngak hộ chiếu quốc tịch Mỹ ka Phan Văn Anh Vũ song gauk gar dalam sang Vũ.

# Bruk brei mese trak jien jhung ngan haong dom jalan ngak tinh vi daok rah tabiak ngak srau dhau grauk labik dalam tỉnh Bình Thuận. Công an Bình Thuận hu duah mboh sa kapul nyaom pambuak pagam tal saong daok ngak bruk piah ba tabiak truy tố, xử lý. Đại tá Nguyễn Văn Nhiều, urang brei panuac di Công an tỉnh Bình Thuận brei thau, akaok mereip gah chức năng hu duah mboh sa kapul nyaom hu 9 urang pambuak pagam tal. Dalam nan, 1 urang njauk mek kareik piah duh ka bruk pasang isk, duah thau: “Dom urang ini pambuak pagam tal bruk bảo kê, brei mesre trak laba, taong paoh manuac urang, cap mek manuac urang suan adat hukum atau palai pajoa drap ar. Urak ini hu ginup abih dom chứng cứ, Jabat Cảnh sát Điều tra Công an tỉnh hu khởi tố vụ án saong hu mek kareik dom urang, saong daok ngak brei cambaih laih dom chứng cứ piah peih prong hồ sơ xử lý kapul nyaom ini tui adat hukum.”

Khaw tin dunya:

# Nhật Bản song Trung Quốc dok peih dom bruk ginum biai piah pambuak veik thỏa thuận salih jien padai di gilang pariak trung ương 2 negar song peih prong thỏa thuận ni tagok jang 10 mbang. Tui nan, bruk di thỏa thuận ni meda patagok jeng 3.000 tỷ yen (samu 30 tỷ USD), glong jang rilo dut song  tanut 3 tỷ USD dahlau deih. 

# Ndih takik jang 5 tuk yaok melam mbuan njauk dom janih ruak gah tim mạch di dom urang likei dam. Roh duah kayua dom urang ilamu Thụy Điển bahrau brei thau: dom urang likei dam ndik takik jang 5 tuk yaok melam mbuan njauk ruak tim mạch glaong jang jaik dua mbang dut haong dom urang ndih meng 7 tal 8 tuk. Dom urang takik ndih ye dom ruak glaong huyết áp, me-ik saradang, lamek  jeng hu mboh ralo jang dom urang ndih ginup tuk. Roh duah ini hu peih ngak ngan haong jaik 800 urang likei daok di Thụy Điển, peih tabiak ngak meng di thun 1993, saong tui pasang iek dom urang ini dalam 21 thun. Bruk roh duah ini hu brei thau di harei 27/8 di nyaom biai Tim mạch châu Âu, hu peih tabiak di Munich, Đức. 

# Sa urang kamei  Mỹ, saai Lindsay Gasik, biak takre boh durian , hu ieu lac rất đam mê trái sầu riêng, “Patao boh kayau nhiệt đới” hu peih văn phòng di  Penang, Malaysia. Saai Gasik caik tuk vak nao duah thau dom janih durian bingi abih di châu Á piah pabak ka tuai damuai. Angaok blog di saai  hu angan “Year of the Durian”, saai brei thau ka janih boh pahe bingi ini gam saong dom dalikan chreih chrai ka urang nong pala durian song brei thau dom pajaih dok hu takik menuac thau tal. Saai hu peih dom  tour “du lịch durian” song vak 2 boh tapuk tacei pato du lịch, dalam nan hu baoh tapuk “Tacei pato du lịch durian tal Penang”./.