# Page harei 29/8, akaok negar Trần Đại Quang, hadiuk di gait saong kapul urang lambaok pakat glaong Việt Nam hu mai tal bal ine Hà Nội, tamat mbang nao rivang pakat karja tal Ethiopia saong Ai Cập, meng harei 23-29/8/2018. Tamat mbang nao rivang, di Ethiopia saong Ai Cập, dua gah hu tabiak Tuyên bố chung, ba tabiak dom jalan ngak prong, tui nan piah jhul patagok jang talei pambuak bruk dua gah Việt Nam - Ethiopia, Việt Nam - Ai Cập dalam tuk vak anak tal.

    # Salam uan 73 thun  harei cách mạng bilan 8 jak jeng song harei negar 2-9, tỉnh Bến Tre hu peih nyaom darak pablei salih dunyaparang iek pandap panda  Việt Nam - Thái Lan 2018. Nyaom darak pasa rah tabiak meng harei ni tal harei  3-9, pachreih hu 200 gian hàng parang tabiak dom janih pandap panda lac: kaya nong pandap mbang, thủ công mỹ nghệ,  điện - điện tử, văn phòng phẩm, trang trí nội thất... Abih di nyu nan lac, nyaom drak pasa mbang ni hu 80 gian hàng di dom doanh nghiệp meng Thái Lan song dom pandap pablei biak siam di palei Chùa Vàng. Daok dom doanh nghiệp, cơ sở sản xuất dalam negar hu parang tabiak rilo pandap takik mboh bo siam di abih lac dom pandap pandap ngak meng kayua siam hu yaom yaok tỷ đồng.

# Tui dom chuyên gia y tế, pak Việt Nam hu jaik 88% urang njauk ung thư gan bo makna di nyu lac kayua njauk viêm gan B saong C. Yaok thun di Việt Nam hu tal labaih 125.000 urang njauk ruak ung thư bahrau saong labaih 90.000 urang ruak metai kayua ung thư. Ndom ka makna ba tal ruak viêm gan B saong C, PGS.TS.BS Nguyễn Tấn Cường – Akaok Y Khoa - BS blac riah jalan tung pruac gan mật tụy Sang iek ruak Quốc tế City brei thau, labaih 90% dom urang njaom mbak bahrau nan kayua pambak meng amaik tapa anek dalam tukvak daok sit. Lingiu di nan, dom urang bhian menyum alak menyum mbia, njuk pakao hala, hu jalan diuk rai oh khang kadang yau pandar gam kim tiêm, mbang njauk dom janih pandap hu aflatoxin, chất Steroid atau pandar ralo aia njaom asen dalam suai livik, urang quan hệ tình dục đồng giới likei, urang pandar gam dụng cụ xăm atau châm cứu, urang nan lac hadiuk atau pasang di urang njauk ruak viêm gan B... jeng meda njauk ruak viêm gan.

  # Hu gac sa danak dak “Truac hadah jalan palei” bahrau hu ngak salah bloh song ba tame pandar di bhum atah bayah huyện Krông Pắk, tỉnh Đắk Lắk, (palagaih) DAONG ka bruk nao mai di bhap bini, abih di nyu lac anek saih hu mbuan lagaih. Danak dak kayua  kapul dam dara  xã Vụ Bổn, huyện Krông Pắk, tỉnh Đắk Lắk pambuak bruk song kalup kapul tu tapuk pachreih bac ban raya  Hồ Chí Minh peih ngak di palei Thanh Sơn, xã Vụ Bổn. Danak dak atah abih tih 1,8km dalam nan hu jalan talei điện, gom song gheng ndok, yaom jien ngak abih tih labaih 25 triệu đồng. 

     # Caga tame thun bac bahrau, Công ty TNHH MTV Thành Thành Công Gia Lai bahrau peih bruk alin 1.200 baoh siphau haong 172 blah ao mbong brei ka dom anek saih bangsa takik (DTTS) buôn Panh, phường Cheo Reo, bal sit Ayun Pa (Gia Lai). Ini lac bruk ngak daok dalam danak dak “Ao mbong anit ranam gam haong dom adei nao tal sang bac” di Tập đoàn Thành Thành Công peih tabiak piah klah rabha saong daong ka dom anek saih kan kathaot, bhum urang bangsa takik, kan kandah oh hu nao bac. Langiu di nan, công ty jeng hu caga peih ngak danak dak “melam nyaom aia bulan bak baoh” brei ka uranaih dalam buôn bui sambai uan raoj Tết Trung thu jaik mai tal...

# Ubbhap bini ban raya HCM njauk hatai brei pabha 122 nền taneh  kayua Ubbhap bini  huyện Nhà Bè dok khik ramik  piah tái định cư ka dom danak dak công ích, njauk ngak chip di huyện. UBND TPHCM njauk hatai brei pabha 24 nền taneh (23 nền taneh di khu tái định cư 30ha Vĩnh Lộc B, 1 nền di khu dân cư Phi Long 5) song 11 boh sang (di  khu tái định cư 30ha Vĩnh Lộc B) piah tái định cư ka dom boh sang , menuac urang  njauk panduan nao kayua dom danak dak pasiam veik đô thị, công ích di huyện Bình Chánh. 

Khaw tin dunya: 

# Labik ngak ô tô Tôyota (Toyota Motor) di Nhật Bản brei thau meda buh tabiak 500 triệu đô la tame hãng công nghệ iew radaih Uber di Mỹ piah pambuak bruk cakrok patagok radaih ô tô peih eng. Tui Tôyota, harak pambuak bruk đầu tư meda daong ka công ty peih prong đối tác pambuak bruk dalam tuk bruk pakacah thương mại hóa janih radaih peih eng dak harei dak catang jang. Dom urang phân tích brei thau bruk ngak ini brei mboh Toyota daok jhul pakhang bruk patagok radaih oh hu menuac peih di anak tal oh suai livik ngan haong dom hãng prong gah công nghệ yau Google saong Alibaba. Labik ngak radaih ô tô brei thau jalan ngak di công ty nan lac thương mại hóa công nghệ radaih peih eng dalam thun 2020. 

  # Malaysia daok peih bruk phê chuẩn Hiệp định pambuak bruk tong abih gah song  tiến bộ xuyên Thái Bình Dương (CPTPP), ni lac panuac ndom di Thủ tướng Malaysia Mahathir Mohamad. Malaysia gam song 10 negar karei, lac Australia, Brunei, Canada, Chile, Nhật Bản, Mexico, New Zealand, Peru, Singapore song  Việt Nam, hu mbaoh tangin tame CPTPP di bilan 3. Patui di nan, dahlau di tuk  CPTPP hu ba tabiak ngak tui lac tuk 6 dalam 11 negar phê chuẩn thỏa thuận.

  # Bruk pandar tia laser piah ngak palahik u nguyên bào thần kinh đệm (glioblastoma) – sa janih ung thư não biak nguy hiểm, meda daong dui atah jang rai diuk di urang ruak hu jang 2 bilan dut haong bruk iek ruak meng hóa trị thông thường. Kadha ini bahrau hu dom urang roh duah dalam sang bac Đại học Y khoa Washington brei thau angaok tạp chí Neurosurgery. Tapa tukvak pataom mek dữ liệu, dom urang roh duah hu mboh hadei di tuk iek ruak meng tia laser, dom urang ruak hu u tamuh veik meda diuk hu 11,5 tháng, dalam tuk nan meyah hu iek ruak meng dom janih jru hóa trị bevacizumab atau temozolomide, dom urang njauk ruak u nguyên bào thần kinh đệm tok diuk hu jaik 9 bilan. Kadha njauk biai nan lac, jaik abih dom urang njauk ruak hu iek ruak meng laser jeng meda tabiak truh sang iek ruak dalam sa atau dua harei./.