# Page harei 30/8, di jabat raja-ei, Thủ tướng Nguyễn Xuân Phúc dang akaok nyaom biai raja-ei bilan 8, pataom tame ginum biai padang ngak thể chế saong bruk ngak mbang kinh tế xã hội. Tapa langyah, Thủ tướng taong yaom, 12 chỉ tiêu kinh tế xã hội, quốc phòng, an ninh, đối ngoại thun 2018 meda ngak hu abih gah. Dalam nan, GDP meda mek hu labaih 6,7%; kadung jien karja mek tame tapa tanut ba tabiak meng 3 tal 5%; bruk blei tame pablei tabiak negar langiu, abih di nyu lac bruk pablei tabiak negar langiu tapa tanut ba tabiak; lạm phát hu pasang iek ala 4%. 

# Thứ trưởng mintri ngak nong song patagok palei pala Hoàng Văn Thắng - Phó Trưởng ban Thường trực Ban tacei jalan Trung ương hu panuac ieu dom tỉnh bhum ia ndik  ia sua yau An Giang, Đồng Tháp meng di urak ni njauk tagok bruk pathau khan tacei pato dom jalan pacang cakak ia sua pacang palung ia ka uranaih, ba anek naih nao bac, labik khik iek uranaih pasang iek catang song bhian pathau khan ka Văn phòng thường trực Ban tacei jalan Trung ương ka bruk pacang caga bala meng langik tasik. Urak ni di bhum ia sua Hồng Ngự, dom harei tapa, ia ndik biak samar, tagok tal báo động 2. Yaom lac hu peih bruk tathuak ia, min ia ndik biak khang ngak ka rilo ar pacang glut jaleih, kan kandah tal bruk  pala drak di mikva.

# Tui Mentri ngak nong saong patagok palei pala, meng jaik 70% bhap bani daok di palei pala, yaok thun tamuh tabiak jaik 20 triệu tấn hareik thải sinh hoạt saong jaik 1.300 triệu m3 aia thải sinh hoạt, jaik 7.500 tấn kanduh bao bì jru khik caga phun pala. Dalam nan, labaih 80% dom hareik thải, aia thải sinh hoạt saong jaik abih kanduh bao bì jru khik caga phun pala jeng daok parah klaak bal glai bal klo, ngak kanjah jhal tal môi trường di ralo bhum palei pala.

# Bruk rong hadang siêu thâm canh dok tagok khang di Cà Mau. Năng suất tui kuhria  hu meng 30 – 50 tấn sa ha sa vụ. Bruk ngak ni hu dong pabak labaih 15% tổng sản lượng hadang rong dalam tỉnh. Tui bruk ba tabiak, bruk rong hadang siêu thâm canh di Cà Mau meda hu 5.000 ha di thun 2020, song 10.000 ha di thun 2030.

  # Blah rup thaot hamu takai kanjal Yên Bái di urang thaot Lý Hoàng Long bahrau hu palih ruah lac blah rup thaot gheih di abih dalam mbang pakacah rup thaot “Earth Photo” (thaot binguk Baoh taneh) bahrau rah tabiak di bal ine London, negar Anh. Blah rup thaot ini jeng hu palih ruah meyaih khan di mbang parang iek dalam jabat di Cộng đồng Địa lý Hoàng gia Anh daok pak London (Anh).

    Khaw tin dunya:

# Urang jakar khik ramik môi trường di  Mê-hi-cô dok kham merat duah thau makna di bruk hu labaih 300 drei kara kanduh tasik quý hiếm metai seik di bhum tasik gah merong negar ni, atah di ni dom harei. Dom drei kara kanduh tasik Ô-li-vơ Rít-li (Olive Ridley) hu ba tame janih nguy cấp, mbuan lihik abih, bahrau duah mboh nyu gar dalam sa halam tong chap ikan, yaom lac bruk pandar janih tong chap ni oh brei ngak. Rajaei Mê-hi-cô dok kham merat ngak bruk piah khik caga janih kara kanduh tasik Ô-li-vơ Rít-li.

  # Harei 29-8, yaok rituh tuai damuai hu panduan ba nao chip tuk sa sruh phà pajeng tuai di Hy Lạp khuah saong njauk payeng akaok mai veik pabah lamnge. Gah cảnh sát tasik Hy Lạp brei thau phà Eleftherios Venizelos pajeng 875 tuai damuai saong 141 thủy thủ daok angaok jalan nao meng pabah lange Piraeus tal bal Chania, angaok pulao Crete ye njauk apui khuah. Makna akaok mereip hu brei thau lac kayua dalah apui meng sa sruh radaih tải angaok phà. Phà hadei di nan hu payeng akaok mai veik pabah lamnge Piraeus, hu bruk nao tui khik iek di 2 sruh gilai cảnh sát tasik, dom sruh gilau katung saong 2 sruh phà karei. 

# Jabat hacih saat pandap mbang menyum song jru tavoa Hàn Quốc (MFDS) brei thau, dalam dự thảo hukum pasiam veik sa binah di Luật Ðặc biệt ka bruk khik ramik hacih saat pandap mbang menyum ka dom uraniah hu asar kadha oh brei pablei cà phê di dom sang bac di Hàn Quốc. Urak ni dom janih pandap hu hàm lượng caffeine glong oh brei pablei di dom sang bac di Hàn Quốc. Min, cà phê jeng daok hu pablei di dom jamriak pablei cà phê dalam sang bac ka gru pato. Caffeine nyu  kích thích hệ thần kinh trung ương, ngak ka glaow akaok tỉnh táo, patrun gleih glar, min nyu hu tác dụng phụ meyah menyum rilo ./.