# Tui kuhria mboh di gah pajeng ba, 7 bilan tap, dalam negar hu labaih 10 ribau mbang radeih ginuh gauk, ngak ka labaih 4.700 urang metai. Abih di nyu lac barhau ni, sa bala khang angaok jalan Roya 1Alabik nao tapa tỉnh Quảng Nam ngak ka 13 urang metai, 4 urang njauk rambuac trak. Tapa nan brei mboh, bruk khik siam mekre angaok jalan mbak jeng daok lac bruk praong di negar drei. Ndom ka bruk nan, ong Khuất Việt Hùng, Phó Chủ tịch chuyên trách Ủy ban An toàn giao thông pakat negar ndom lac, peih ngak catang hukun nao mai angaok jalan mbak mbak song paglong trách nhiệm dân sự di po radeih cơ giới, gam saong bruk pan njauk tui ilamu di angaok jalan mbak lac dom jalan ngak prong piah patrun bruk radeih ginuh gauk dalam tuk vak anak tal.

# 5 urang đoàn ưu tú di Đoàn sang bac Đại học Công nghệ ban raya HCM - HUTECH lac sinh viên halan hatian bilan hè hijao thun 2018 hu ba tame Đảng page harei 2-8, di huyện Phú Thiện (tỉnh Gia Lai). Kapul urang jakar ban raya HCM kayua amuk Võ Thị Dung, Phó Bí thư Thành ủy ban raya HCM, pan akaok kapul dalam mbang ravang dom urang halan hatian bilan hè hijao di tỉnh Gia Lai hu mbaok tuk kết nạp. Brei panuac tadau yuh dom urang đảng barau hu kết nạp pak di labik peih bruk halan hatian bilan hè hijao thun 2018, Amuk Võ Thị Dung ndom lac dom bruk ngak rilo makna di dam dara ban raya HCM tuk halei jeng hu mbaok di dom libik kan kandah; caong lac dom urang đảng barau tuk halei jeng kham merat, pasram megru saong ngak siam abih bruk bo Đảng jao brei.

# Beir harei 2/8, Sở pato megru tỉnh Bình Phước brei thau lac hadei di tuk chấm phúc khảo 281 kadha pakacah dom janih pakacah di mbang pakacah THPT, tỉnh oh duah mboh kadha pakacah halei trun điểm. Min, njau kcaik hatai sangka hu 25 kadha pakacah tagok meng bài 0,25 tal 3,6 điểm. Dahlau di nan, Sở pato megru tỉnh Bình Phước jeng hu panuac lac bruk chấm thi mbang pakacah THPT pakat negar njauk tui jalan tacei ba song njauk adat di mintri pato megru.

# Sở KH-ĐT tỉnh Bình Định brei thau, jabat ini barau ba tagok uy mban bhapbini t. Bình Định pasang iek mek veik bruk đầu tư dự án Khu phức hợp Khách sạn, pablei salih saong Căn hộ pakat glaong Thiên Hưng di ban sit Quy Nhơn. Dự án di labik taneh đô thị, pablei salih, dịch vụ gah pai jalan An Dương Vương (ban sit Quy Nhơn) ngan saong taneh praong jaik 10.840m², abih tih jien buh tame ngak lac labaih 2.900 tỷ đồng. Tui sanya di pô đầu tư, bruk padang ngak lac meng quý 3-2017 tal quý 3-2020 lac ngak blaoh. Yau nan min, tal tukvak ini jeng oh ka mboh ngak hagait.

# Pambuak tal bala di  Quảng Nam ngak 13 urang metai song 4 urang njau rambuac trak dok iek ruak di sang iek ruak Đa khoa Đà Nẵng, TS.BS Lê Đức Nhân, Akaok sang iek ruak Đa khoa Đà Nẵng brei thau urak ni dom urang ruak pren yava dok siam tagok. Kayua dom urang njauk rambuac di rilo labik di angaok rup, nan ye sang iek ruak hu pataom rilo bác sĩ naih gheih mai iek ka dom urang dalam mbang gaok bala. Tal abih harei 1-8, pok jien dong ka dom urang ruak  tagok tal 1,4 tỷ đồng.

Khaw tin dunya

# Tập đoàn công nghệ di Mỹ Apple Inc hu jeng công ty akaok meti di dunya hu yaom vốn hóa tagok tal 1.000 tỷ USD. Tui panuac khan, doanh thu di Apple dalam quý III tài khóa urak ini di Mỹ tagok 17% duk saong dom bilan ini thun dahlau, mek hu 53,3 tỷ USD, rilo meng lac kayua tagok yaom dom pandap iPhone, dom dịch vụ online saong dom pandap cuk tangin điện tử. Apple pablei hu 41,3 triệu điện thoại IPhone dalam quý 2 meng blao,h bair jang duk saong tanut kuhria mboh dahlau lac 42 triệu baoh di dom urang phân tích darak pasar. 

    # Mintri Tư pháp Mỹ harei  2-8 brei thau 3 urang Ukraine njauk chap kreik kayua tấn công mạng máy tính di labaih 100 công ty Mỹ song klaik yaok triệu số thẻ tín dụng song thẻ ghi nợ. Dmytro Fedorov (umo 44 thun), Fedir Hladyr umo 33 thun song Andrii Kolpakov (umo 30 thun) lac menuac di sa nyaom tội phạm mạng dunya  FIN7, hu rilo menuac di dunya.

    # Tui hãng tin AP, ngan saong 79 phiếu thuận, 10 phiếu chống, Thượng viện Mỹ hu brei tapa dự luật chi tiêu quốc phòng 716 tỷ USD dalam tài khóa 2019, hadei di tuk hu brei tapa di Hạ viện harei 26-7. Dự luật hu ba tagok Nhà Trắng piah Tổng thống Donald Trump mbaoh tangin patabiak. Sa asal kadha karei dalam dự luật nan hu ba tabiak dom jalan ngak piah patrun bruk patakik kapul urang lin Mỹ daok di Hàn Quốc./.