# Gilang pariak karja hu công văn ka 3091 pandar dom gah tín dụng lang talaih kan kandah ka gah raong glaong anakbruk  yaom ralo pabui daok trun khang. Tui nan, dom gah tín dụng mong tame khả năng jien padai saong dom quy định adat hukum urak ini piah peih dom bruk lang talaih kan kandah ka urang mesraiy ye : ramik veik tukvak bayan sraiy ka nyu lagaih saong pren bayan sraiy di urang mesraiy; pasang iek dom bruk daong karei ( hu gam bruk oh mek jien laba, trun yaom jien laba mesraiy, jien laba tapa hạn), piah daong urang mesraiy patrun kan kandah, pasiam veik bruk ngak mbang, raong glang.

/ 4 bilan tapa, dalam tỉnh Quảng Ngãi hu 8 mbang khuah, patuh, ngak ka  sa urang metai, khat lahik labaih 4 tỷ 300 triệu đồng. Gah cảnh sát pacang khuah padam khuah tỉnh Quảng Ngãi barau nao pasang iek labaih 100 mbang cơ sở, đơn vị dalam tỉnh. Tapa nan, langyah hành chính labaih 10 mbang ngak suan dom quy định ka an toàn pacang khuah padam khuah.

# Tui kuhria, tal thun 2020, Việt Nam meda hu takik abih 190.000 mbang urang ruak ung thư barau yaok thun. 5 janih ung thư bhian gaok abih di urang kumei hu : Ung thư tasau, ung thư tung taha, ung thư phổi, ung thư cổ tử cung saong ung thư dạ dày. Tui Viện roh duah ung thư, bruk mbang menyum saong njuk pakao hala lac 2 makna dang akaok di ruak ung thư daok di jalan patagok samal di taneh ia drei.

/ Tổng Công ty công nghiệp Xi măng Việt Nam hu jao công trình sang bac tiểu học Trà Cang ka Uỷ ban bhap bini  huyện Nam Trà My, tỉnh Quảng Nam. Baoh sang bac barau khang kajap hu daong ka gru saong anek saih sang bac tiểu học Trà Cang oh daok duh hatai bruk pato saong bac dalam sang taik tahak, rik daong tame bruk pato megru di puk palei.

# Uỷ ban bhapbini tỉnh Bình Định hu ginum biai saong dom sở, ngành, chức năng duah jalan jhul khang bruk pablei ralo pabui ka urang raong glang. Meng akaok thun tal ini, athur raong tagok glaong duk saong pablei tabiak, pabui pablei tapa Trung Quốc tui jalan tiểu ngạch trun ngak ka yaom pabui dalam tỉnh Bình Định trun khang. Ông Trần Châu, Phó akaok Uỷ ban bhapbini tỉnh Bình Định caong lac :“Caong Sở Công thương dang tabiak pambuak bruk saong dom gah chức năng karei nao pasang iek, pandar trun yaom pandap mbang ka raong glang, trun yaom pablei lẻ di dom darak, sieu thi dalam tukvak tal.

/ Di tỉnh Phú Yên, urak ini lac tukvak urang pala tamekai yam tame bilan paik baoh min urang nông oh sambai kayua tamekai takik baoh, yaom lap. Ong Lê Văn Chấn, palei Nam Bình 1, xã Hoà Xuân Tây, huyện Đông Hoà brei thau: “Urak ini pablei hu 2 ribau lime rituh sa ký. Thun bloh pak, lime ribau. Drei pablei oh hu, bo langik tasik thun ini oh lagaih nan ye tamekai laik yaom ralo”. 

# Pachreih tui “bilan ngak bruk kayua an toan pandap mbang menyum thun 2017", tỉnh Tiền Giang peih ngak rilo bruk dut iek chất lượng pandap mbang menyum,  caga plaih ngộ độc pandap mbang menyum di dom ging mbang  tập thể. Tui nan, di dom ging mbang tập thể saong labik pabak suất mbang ngak blaoh, langiu di pasang iek bruk ngak tui qui định gah an toàn hacih saat pandap mbang menyum, gah chức năng di tỉnh brei menuac tui iek tapak bruk chế biến, pandar pandap mbang menyum.

Patui di ini dom khau tin dunya:

/ Mintri Ngoại giao Xyri brei thau, rajaei taneh ia ini pachreih tui sa đề xuất di Nga padang 4 labik patrun căng thẳng piah padeih bruk mesruh metak di Xyri.

# Harei 4/5, yaok ratuh rabau bhapbini Hàn Quốc nao buh phiếu sớm di mbang pilih ruah Tổng thống, tui kuhria  rah tabiak di harei 9/5 tal. Ini lac mbang pilih ruah Tổng thống hu  cử tri ralo di abih dalam sajarah Hàn Quốc. Piah daong patagok cử tri, Ủy ban pilih ruah brei thau hu padang dom hòm buh phiếu di dom cảng, mblang par praong ye mblang par dunya In-chê-on (Incheon), bến kapal praong di Xơ-un.

/ Dom urang ngak praong gah Y tế TQ brei thau, sa urang likei ruak, umo 62 thun barau metai kayua njom vi rút cúm menuk ada H7N9 di tỉnh Thiểm Tây, Tây bắc taneh ia ini này. Ini lac urang njom cúm H7N9 akaok meti di Thiểm Tây./.