#  Dalam bui sambai chreih chai di harei peih thun bac bahrau 2018 - 2019, Akaok negar Trần Đại Quang hu payua harak tadhau ayuh tal dom cei gru, anai gru, urang jakar ngak bruk gah pato megru, dom urang ngak amaik ngak ame saong dom anek saih, sinh viên.

    Yam tame thun bac bahrau, akaok negar pandar gah pato negru njauk patagok dom siam mekre mek hu, peih ngak samu gauk dom bruk, dom jalan salih bahrau, taong abih dalam bruk pato megru, pabak siam abih hatai caong khin pato pakai urang ngak hu chất lượng glaong, duh ka bruk công nghiệp hóa, hiện đại hóa saong mbeik drei yam tame dunya di taneh aia; caik hatai tal bruk pato megru di bhum atah bayah, bhum urang bangsa takik; sangka ralo jang tal dom anek kamuan dalam baoh sang sarak karja, ba mai jalan pato pakai siam mekre ka taong abih bhap bani.

    Akaok negar lac: “dahlak caong khin dom anai gru, cei gru khik kajap hatai takre bruk pato pakai, oh padeih salih bahrau, sahneng duah dalam bruk pato; dom adei sinh viên, anek saoh patagok ilamu pachreih bac di bangsa, raong ba hatai caong khin, hatai kham merat yam tagok, pakacah gauk bac megru siam, pathram gheih piah harei hadei buh pren ka taneh aia. 

-Likau tapa dom khau tin karei karei njauk caik hatai:

     # Taduan panuac daa di  Tổng thống Liên bang Nga Vladimir Putin, Tổng Bí thư Nguyễn Phú Trọng nao rivang Liên bang Nga meng harei  5 tal harei 8/9/2018. Javap jalei panuac tangi di  Hãng thông tấn TASS (Liên bang Nga) dahlau di mbang nao rivang, Tổng Bí thư Nguyễn Phú Trọng brei thau: Mbang nao rivang  ni piah kak kajap jang talei rohim Việt - Nga, kak kajap jang talei pambuak bruk di taong abih gah..

      # Piah daong ka bhap bani patruh kathaot khang kajap, tỉnh Kon Tum daok peih ngak ralo sarak daong urang pala sâm Ngọc Linh saong dom phun jru karei. Tui nan dalam labaih 17.000ha dalam bhum taneh sâm củ Ngọc Linh daok di 9 xã, dalam 2 huyện Tu Mơ Rông saong Đăk Glei, tỉnh Kon Tum quy hoạch meng 2.000 tal 2.500ha taneh ala phun glai tamo piah ka bhap bani pambuak bruk haong doanh nghiệp pala sâm Ngọc Linh. 

# Ong Phan Thanh Hải, Phó Viện trưởng Viện Kiểm sát bhap bini tỉnh Đắk Nông brei thau, gah công an tỉnh bahrau duah thau bloh bruk phế phẩm cà phê, cuah randiak srau   song  lõi pin di xã Đắk Wer, huyện Đắk R’Lấp, tỉnh Đắk Nông di bilan 4/2018. Gah  Công an hu panuac ieu  truy tố 5 urang pagam tal. Urak ni,  Viện Kiểm sát bhap bini tỉnh Đắk Nông dok peih ngak cáo trạng saong dom thủ tục piah truy tố, ba tabiak langyah.

Khaw tin dunya:

     # Tui kuhria mboh di Liên hợp quốc, ia hajan dalam bilan 6 saong bilan 7 meng blaoh di labik biar jang ralo dut haong tanut trung bình, saong dom kadha ba tal thu lagu glaong jang dut haong trung bình. Kadha ini rah tabiak dalam tukvak tame vụ mùa chính, atau daok iew lac vụ “xuân” di Trung Mỹ. Năng suất biar atau pala oh njauk jeng hu makna lac urang nong saong baoh sang meda oh daok ginup pandap mbang khik piah dalam dom bilan hadei. Pathau khan di gah Lương Nông Liên hợp quốc ( FAO) brei thau jaik 3,5 triệu urang daok gaok kan kandah ka pandap mbang di Guatemala, El Salvador, Honduras, dalam nan, 2,8 triệu urang daok pagam pambak tame  bruk daong brei pandap panda piah diuk. 

    # Rajaei Li-bi brei thau, melam  3-9 hu labaih 1.800 boh sang panduan nao  meng  7 labik di ban ine    Tri-pô-li tal dom bhum palei karei siam mekre, kayua dom bruk mesruh gauk  di gah Rajaei song dom  urang lin đối lập. Rajaei negar ni  jeng kuhria mboh dahlau lac, takik di abih hu sa ribau boh sang tra njauk panduan nao labik karei tuk dom bruk mesruh gauk tagok khang song urang njauk rambuac meda hu rilo. Srau kadau di gah merong ban ine  Tri-pô-li dok tagok meng di harei  27/8 di gah rajaei song dom gah dân quân vũ trang,  ngak brei 41 urang metai song   123 njauk rambuac. Li-bi laik tame bruk srau kadau hadei di mbang pajaleih urang pal akaok  Mô-am-mơ Ga-đa-phi (Moamar Gadhafi) thun 2011.

# Sa urang njaom vi-rút Tây sông Nin (Nile) hu dom chuyên gia y tế brei thau di harei 3/9 nan lac sa urang likei daok di bal P-lô-đíp (Plodiv), bal prong ka dua di  Bun-ga-ri. Tuk tame sang iek ruak dahlau ini 10 harei, urang ruak daok hôn mê. Tui Pasak pacang caga saong pasang iek jit ruak châu Âu, kuhria tal tuk vak ini hu labaih  700 mbang urang njaom vi-rút Tây krong Nin hu mboh di 9 negar dalam Liên minh châu Âu, nan lac I-ta-lia, Hy Lạp, Ru-ma-ni, Hung-ga-ri, Pháp, Áo, C-rô-át-tia, X-lô-vê-nia, saong Bun-ga-ri. Jeng hu labaih 40 urang metai, dalam nan taneh aia hu ralo urang metai di abih nan lac Hy Lạp./.