# Bahrau ni rajaei Nhật Bản brei peih prong bruk taduan urang ngak gah thực tập sinh hộ lý di Việt Nam song dom negar karei ba mai. Tui Hiệp định pambuak bruk kinh tế, peih dom tal pato pakai  urang điều dưỡng song hộ lý tapa Nhật Bản ngak bruk, tal harei ni Việt Nam hu ba 892 urang điều dưỡng song  hộ lý tapa Nhật. Urak ini Nhật Bản lac sa dalam dom darak pasa hu labik ngak bruk song duah hu jien glong, hu urang ngak Việt Nam biak takre. Abih tih thực tập sinh Việt Nam urak ni dok thực tập di Nhật Bản lac labaih 126 ribau urang.

# Dự án jalan Hồ Chí Minh nao tapa Tây Nguyên atah abih tih jaik 436km, ngan saong yaom jien buh tame ngak labaih 10.000 tỷ đồng. Dự án ngak blaoh saong ba tame pandar di kreh thun 2015, min tal urak ini, jalan hu maong lac biak mekre nao tapa Tây Nguyên daok mbaih mbaoh rilo libik, mbuan ba tal bala angaok jalan.

  # Pambuak pagam tal bruk salih labaih 26.000ha taneh ngak nong tapa  oh ngak nong song dom jalan ngak karei, Akaok Ubbhap bini ban raya HCM Nguyễn Thành Phong meda brei thau cambaih ka jalan ngak piah salih dalam yaok thun. Urak ni ban raya hu labaih 3.440 dự án di tong abih dom bruk hu peih ngak di 26.000ha taneh ni. Ong Nguyễn Thành Phong ndom lac hu khan tantu cambaih laih dom bruk ini piah bhap bini thau, tui iek.

# Mintri ilimo –padhih saong Du lịch barau brei thau angan kapul thể thao Việt Nam hu mbaok di ASIAD 2018. Hu 523 urang, rilo di abih dut saong dom mbang hu mbaok dalam ASIAD di thể thao Việt Nam. Dalam nan, hu 400 urang hu karja bayar jien. Dom urang daok veik nao tui jalan xã hội hóa, kayua doanh nghiệp daong brei. Harei 9/8, kapul tabiak mbaok saong tagok jalan tapa Indonesia pakacah di harei 14/8. Akaok mintri ilimo, padhih saong DL Nguyễn Ngọc Thiện jao bruk brei kapul thể thao Việt Nam meblah takik di abih 3 Huy chương ameh di ASIAD 2018.

# Nhạc trưởng naih gheih Lê Phi Phi meda mai veik meng Macedonia piah chỉ huy danka dak hòa nhạc yaih khan dom kadha siam gheih di nhà soạn nhạc hu angan je Johann Sebastian Bach. Melam nhac hu rah tabiak di melam 9/8 di Nhà  hát ban raya Hồ Chí Minh. Hu mbaok tame danak dak mbang ni hu nghệ sỹ violin naih gheih Lidya Dobrevska – duik di nhạc trưởng Lê Phi Phi; urang kamei  nghệ sỹ kèn oboe naih gheih urang Macedonia lac Gordana Josifova Nedelkovska. Bac tamat di Nhạc viện Tchaikovsky song mek hu jak jeng glong, Lê Phi Phi hu daa ngak chỉ huy di Dàn nhạc giao hưởng negar Cộng hoà Macedonia jang yau ngak bruk song rilo  dàn nhạc hu angan je di dunya. Yaom lac biak jak jeng di negar langiu, min Lê Phi Phi bhian mai rivang Việt Nam, pambuak bruk song dom dàn nhạc dalam negar.

Khaw tin dunya

# Tui roh duah di dom urang alamu Australia barau brei thau angaok tạp chí Science Translational Medicine (sai train-lay-so-nan Me-di-xơn), dom janih dung dịch, japon rao tangin sát trùng hu cồn meda pacang cakak hu vi khuẩn kháng jru kháng sinh hu angan ieu lac Tụ cầu vàng kháng methicillin. Min, dom urang nan mboh lac bruk patagok di sa janih vi khuẩn karei hu dalam hatung ieu lac E faecium saong janih khuẩn cầu hatung pruac ini meda njom mbak tapa ống thông tiểu, mac thở. Tui dom urang roh duah, bruk nhiễm khuẩn cầu hatung pruac E faecium daok glaong yaom lac hu pandar jru sát trùng saong ini lac makna glaong ba tal nhiễm trùng di sang iek ruak urak ini . 

# Urang jakar ngak praong di châu Âu dok dong ka urang nong dalam bilan Hè ni, tuk urang dok dang anak dom kandah kandah kayua langik pandiak bhang. Ủy ban châu Âu (EC) brei thau urang nong taduan hu dahlau dom pok jien ka bruk patagok palei pala song pandar dom mblang taneh dahlau daih oh pandar ka bruk sản xuất, piah rong athur. Urang nong taduan hu 70% dom pok jien tapak song 85% pok jien dong patagok palei pala 10 meda lac tal bilan 12 yau yaok thun.

# Di Nyapm roya pakat dunya (ICM) di Hiệp hội Toán học dunya (IMU) hu peih tabiak di ban ine Rio de Janeiro (Brazil), giải thưởng Fields hu alin ka 4 urang toán học. Dalam dom urang nan, urang toán học Peter Scholze (30 thun) urang ranaih umo abih dalam 4 urang alamu hu alin giải mbang ini. P.Scholze jeng lac giáo sư ranaih umo thun abih dalam sajarah di Đức, saong bahrau ini hu pok brei ngak Giám đốc Viện Toán Max Planc di Bonn, pasak toán học meng kan mai hu angan je abih di Đức./.