# Tal urak ini, hadei di 32 thun kuhria meng harei khai mek menyek tami akaok meti (26/6/1986), abih di nyu lac hadei di tuk duah mek hu menyek meng tầng đá móng (06/9/1988) Liên doanh Việt - Nga Vietsovpetro duah mek hu labaih 230 triệu tấn menyek (dalam nan menyek mek meng tầng đá móng meblah labaih 85% sản lượng), ba tame baoh taneh labaih 34 tỷ m3 khí đồng hành, jien mek tame meng bruk pablei menyek hu jaik 78 tỷ USD, rik tame kadung jien Karja Việt Nam labaih 48 tỷ USD, rik daong biak prong tame bruk pacang lạm phát, grap tanat kinh tế vĩ mô saong patagok kinh tế di taneh aia, grap tanat an ninh năng lượng, saong brei mboh ka chủ quyền taneh aia angaok tasik.

   # Parang iek pakat dunya dang akaok ka gah rong glang song kaya ikan hu peih ngak di pasak nyaom darak pasa song parang iek  Sài Gòn, ban raya HCM meng17 tal  19-10-2018. Urak ni hu  350 gian hàng di dom doanh nghiệp mai meng dom negar di dunya tut angan tame. Tui kuhira hu labaih 12.000  mbang tuai Việt Nam song grauk labik di dunya mai rivang mbang parang iek ni piah duah dom pandap panda bahrau, công nghệ bahrau

#  Vở cải lương Rai diuk di amaik hu peih parang me-in di harei patoam Cải lương pakat negar 2018 kayua Cục Nghệ thuật biểu diễn (Mentri Ilamo, padhih saong rivang ma-in) pambuak haong Hội Nghệ sĩ Sân khấu Việt Nam, Sở Ilamo, padhih saong rivang ma-in dom tỉnh, bal peih ngak di sang daoh Đoàn Cải lương Long An (TP Tân An, tỉnh Long An) di melam 5-9. Vở diễn di Đoàn Cải lương Long An, tác giả: Hoàng Song Việt - NSƯT Triệu Trung Kiên; đạo diễn: NSƯT Hồ Ngọc Trinh - NSƯT Triệu Trung Kiên, khan brei thau ka rai ngak bruk di urang kamei chiến sĩ cách mạng Nguyễn Thị Út – sa urang anek gheih ghang di tỉnh Long An. Harei pataom Cải lương pakat negar 2018 di Long An nan lac bruk ngak hu makna salam uan 100 thun cải lương dak padang saong cakrok patagok di bhum taneh gah meraong.

    # Harei  5-9, saai Nguyễn Xuân Hải ( kỹ sư xây dựng umo 37 thun , sang daok di ngõ Trại Cá, quận Hai Bà Trưng, ban  Hà Nội) dalam mbang nao ngak bruk di palao Phú Quốc (tỉnh Kiên Giang oh patuak gaok bala song  metai  não. Tuk thau sai  Hải oh duik hu , sang di saai khan song dom bác sĩ di sang iek ruak Đa khoa Kiên Giang ka hatai khin brei  mô, tạng. Dom bác sĩ sang iek ruak Chợ Rẫy (TPHCM)  hu taduan mek mô tạng song  2 thận, 2 giác mạc di saai  Hải ba mai sang iek ruak Chợ Rẫy ghép chip ka 4 urang ruak. Piah pok paglaong bruk hu makna praong nan, Pasak Điều phối pakat negar gha  ghép bộ phận cơ thể menuac urang hu pambuak bruk song sang iek ruak Chợ Rẫy ngak harak likau akaok mintri  Y tế alin brei kỷ niệm chương kayua pren yava bhap bini ka saai Nguyễn Xuân Hải.

# Công ty cổ phần pajeng ba jalan pasei Bei Gon pambuak haong liên doanh nhà thầu FPT peih pabak trang mạng pablei vé bahrau www.vetau.com.vn piah duh ka tuai damuai blei vé nao hu siam jang, ba  mbuan laghaih ka bruk blei vé (dahlau di nan, lac blah www.dsvn.vn). Hệ thống pablei vé hu thiết kế phần mềm hu brei palih ruah tuk nao saong tuk mai di dom ga nao saong ga mai. Langiu di nan, blah web ini daok brei thau ka yaok sruh radaih pui, daong ka urang blei mbuan laghaih dalam bruk so sánh yaom harak saong palih ruah labik daok ka nyu labaih.  Dom danak dak khuyến mãi jeng brei thau hadei di tuk tuai damuai palih ruah sruh radaih pui saong harei nao.

Khaw tin dunya

 # Di mbang nyaom HĐBA LHQ harei 6-9 , Anh hu pok tagok Hội đồng Bảo an Liên hợp quốc dom kadha  pagam tal bruk  đầu độc urang dahlau deih ngak điệp viên hai mang urang negar  Nga Sergei Skripal song anek kamei angan Yulia di Salisbury (Anh) di bilan  3-2018 meng bloh. Mbiah tal uak ni , Nga jeng tah klak abih dom dom cáo buộc song hu panuac lac  trục xuất dom nhân viên ngoại giao samu gauk di rilo negar dalam Liên minh châu Âu (EU) song Tổ chức Hiệp ước Bắc Đại Tây Dương (NATO). Urak ni, 2 ame anek  Sergei Skripal jeng oh hu panuac halei ndom tal bruk nan. 

# Dom urang khảo cổ Uruguay bahrau duah mboh hóa thạch di sa drei athur hu tagei (Glyptodon) huu meng 16.000 thun dahlau, di bal gah Tây Nam Carmelo. Ini lac anek athur mbang hareik prong daok dalam bui pajaih Glyptodontidae diuk di Kỷ Băng hà atah di ini 50.000 thun. Uruguay urak ini hu 6 bộ talang daok tamo di janih Glyptodon, daok hu parang iek di dom bang dalam negar ini. 

          # Sa janih siêu vi trùng pacang dom janih jru kháng sinh, meda ba tal nhiễm khuẩn “trak” atau ngak brei metai, dok pambak praong song kan duah mboh di dom sang iek ruak di dunya. Ni lac bruk hu thau meng sa roh duah bahrau hu khan di angaok tạp chí Vi trùng học tự nhiên tabiak harei  3-9 di dom  chuyên gia di Đại học Melbourne Australia. Tui nyaom roh duah, janih siêu vi trùng nan pambak samar kayua pandar biak rilo kháng sinh dalam dom cơ sở y tế, labik urang ruak biak yếu saong bruk pandar kháng sinh piah iek ruak hu jeng bhian randap…..gah Y tế dunya  (WHO) meng lavik mai hu panuac brei thau bruk pandar biak rilo jru  kháng sinh meda ngak brei tamuh  dom chủng vi khuẩn bahrau kháng kháng sinh song ngak metai menuac ./.