# Pambuak tal bruk yah klak đình 300 thun song padang ngak bahrau di palei  Lương Xá, xã Liên Bạt, huyện Ứng Hòa (ban Hà Nội) ngak srau kadau menuac urang dom harei tapa, dalam pathau khan payua ka  UB bhap bini ban Hà Nội, urang pal akaok Ubbhap bini  huyện Ứng Hòa brei thau lac meda brei kiểm điểm, ngak ka cambaih laih song hu jalan langyah ngan song dom kapul nyaom, menuac urang pagam tal luai caik rah tabiak bruk ngak suan. Bruk rah tabiak ngan saong inem krung đình Lương Xá lac biak damen, kayua bruk padang bahrau  meng bê tông ngak lahik  makna gah  kiến trúc di  đình làng meng kan.

# Trại hè âm nhạc Ban raya HCM 2018 daok rah tabiak meng harei1 tal harei 8/8. Trại hè ini kayua Nhạc viện Ban raya HCM peih ngak, hu mbaok pato tacei, parang me-in di rilo urang gru pato âm nhạc Viet Nam saong dunya.  Ini lac mbang ka dua Nhạc viện Ban raya HCM peih trại hè ka anek saih, sinh vien takre am nhạc mai meng dom tỉnh, ban dalam taneh saong dunya, piah patagok bruk bruk ngak di nhạc viện dalam tuk vak yaom tame dunya. Trại hè iek praong bruk pato pakai, daong ka anek saih Viet Nam hu bac tui dom jalan pato gheih, bahrau di dunya.

# Dalam  2 harei 5 song  6/8, dom mbang hajan khang tuh trun ban  sit Biên Hòa, tỉnh Đồng Nai ngak ka rilo jalan di ban sit ni dauh dalam  . Di jalan roya 51, jalan Võ Nguyên Giáp song jalan Bùi Văn Hòa, jalan Đồng Khởi… rilo labik ia dauh meng dom pluh phân tal sa mét, radeih patuh, ô tô sit  oh nao mai hu. Rilo menuac ndom lac, ini mbang dauh khang abih di Biên Hòa kuhria meng akaok bilan hajan tal ni.

# Page harei 7/8, Công an TP Vũng Tàu, tỉnh Bà Rịa-Vũng Tàu brei thau lac daok pambuak bruk saong Jabat Cảnh sát hình sự ( PC45), Công an tỉnh brei ngak veik hiện trường, pasang iek, duah thau bruk meblah gilang pariak. 17h30 biar harei 6/8, Cao Xuân Thắng, ndih tapui thun 2003, sang daok di jalan Lưu Chí Hiếu, phường 10, TP. Vũng Tàu ba tui dom to, phao cuh bi nhựa…buh dalam balo tame  Ngân hàng PVcomBank di jalan Nam Kỳ Khởi Nghĩa, phường Thắng Tam. Tui panuac khan di sa urang kumei daok di quầy giao dịch, Thắng mek to tabiak gham urang ini, eiw buh jien tame balo, daok gham urang kare tra. Mboh rilo urang prew khang sap,  nan ye Thắng huac bloh chap balo nduah klah tabiak gah lingiu. Dalam melam nan, gah chức năng chap hu  Cao Xuân Thắng tuk daok nduac dauk di sa labik rivang main dulich di phường 10, TP Vũng Tàu.

 # Tukvak 19 tuk melam 6/8, Jabat pacang caga  ju pheil song  Tội phạm- Bộ đội Biên phòng tỉnh Quảng Trị pambuak bruk song  Kapul pasang iek pacang caga jru phiel  Cục Hải quan tỉnh Quảng Trị chap mek hu sa mbang pajeng ba jru pheil. Nguyễn Trương Thiên Lý, umo 26 thun, dok di  xã Triệu Độ, huyện Triệu Phong, tỉnh Quảng Trị pajeng labaih 200 asar ma túy tổng hợp meng Lào mai Việt Nam pablei.  Lý khan lac, jru phiel ni hu sa urang likei di ban  Đông Hà pah pajeng. Hu thau, dahlau di nan, Lý hu urang pah pajeng jru phiel  di labik tapen negar .

Khaw tin dunya:

# Rajaei tỉnh Quý Châu di Trung Quốc harei 07/08 brei thau, 4 urang metai saong 9 urang karei lahik dalam sa bala hầm mỏ dhang  di tỉnh ini mong 21 tuk 10 minit harei 6/8. Bruk duah thau kayua halei ba tal bala daok hu pasang iek saong bruk daong dom urang njauk bala jeng daok hu peih ngak.

# Hội đồng bảo an Liên hợp quốc harei kroi brei tapa dom tacei ba piah pacadu bruk daong  pahla ka Cộng hòa dân chủ bhap bini Triều Tiên.Tui dom khau tin, tong abih 15 negar thành viên Hội đồng bảo an Liên hợp quốc jeng hu pachreih tui  jalan ngak ni song dom tacei pato ini hu ba tabiak pandar dalam tong abih 193 negar thành viên Liên hợp quốc.Liên hợp quốc kuhria mboh lac, jiak sa meteh bhap bini Triều Tiên, samu  10 triệu menuac, daok caong dong pandap mbang menyum. Negar ni jeng dok dang anak bruk kurang pandap y tế.

# Braxin harei kabroi  brei kareih pabah mbang gah barah negar ngan saong Vê-nê-xuê-la piah pacang menuac meng negar Nam Mỹ nduac tame taneh ia ini. Tui kuhria mboh hu labih 500 urang Vê-nê-xuê-la tapa jalan negar tame Braxin yaok harei. Bruk brei adat kareih pabah mbang negar nan oh hu tukvak. Yau nan min,karja Braxin yau daok duah jalan piah padeih atau tableik veik bruk nan. Tổng thống Braxin Mi-sen Tê-mê  hu rilo mbang lac , jalan taphia negar haong Vê-nê-xuê-la meda oh brei kareih pambah mbang./.