# Jien mek tame di yaok sa baoh sang di palei pala hu tagok khang, meng 75,8 triệu đồng thun 2012 tagok 130 triệu đồng thun 2017, rik daong praong ka bruk patruh eik patrun kathaot, paglaong raidiuk bhap bini daok di bhum palei pala. Nan lac sa dalam dom jak jeng praong di 10 thun peih ngak dom sarak bahrau gah ngak nong, urang nong, palei pala hu khan brei thau dalam nyaom biai pataom iek veik 10 thun peih ngak sarak Trung ương 7, mbang 10 ka ngak nong, urang nong, palaei pala kayua  Mintri ngak nong saong patagok palei pala peih ngak di mesup harei 7/9 di Hà Nội.

# Urak ini, urang nong tỉnh Ninh Thuận daok yam tame tuk yuak padai Hè Thu thun 2018. Ini lac vụ padai hu năng suất glaong abih, jaik 6,5 tấn/sa ha, glaong jang 1,5 tấn/sa ha duk saong bilan Hè Thu dom thun dahlau. Daok dom mô hình pala padai mblang hamu praong,  năng suất mek hu labaih 7 tấn/sa ha. Oh lac pala njauk, yaom pablei jeng daok di tanut glaong jaik 4.700 đồng/sa kg padai pasah saong 5.800 đồng/sa kg padai thu; kuhria rah tapa, urang pala padai laba jaik 30 triệu đồng/sa ha. Bilan Hè Thu 2018, dalam tỉnh Ninh Thuận drak 14.448 ha padai; tal harei 6/9, hu yuak blaoh jaik 10.000 ha. 

         # Tapa 4 mbang gam gam khik hu tani tanat, yaom xăng hu ramik veik brei tagok 300 đồng yaok lít meng 15 tuk harei 6-9. Tui nan, yaom pablei xang menyek tagok 300 đ yaok lit, cambaih laih lac: Xăng E5 RON 92 tagok jeng 19.911 đồng/lít; xăng RON 95-III tagok jeng 21.477 đồng/lít. Menyek diesel 0.05S tagok jeng18.069 đồng/lít; menyek khas tagok jeng 16.559 đồng/lít.

 # Chi cục Kiểm lâm Lâm Đồng hu nao pasang iek bruk jah tak glai thông 30 thun rah tabiak di Tiểu khu 270, labik glai kayua mban khik ramik glai Nam Ban (ban sit Nam Ban, huyện Lâm Hà (Lâm Đồng) khik ramik. Tui kuhria di gah kiểm lâm, takik abih 45 phun thông diuk jaik 30 thun gaok cagaik kaoh, dalam nan 32 phun gaok pagaik min oh ka jaleih. Dom phun thông nan hu đường kính goc meng 35 - 45cm, glaong meng 20 - 30m. bruk njauk ndom nan lac, mbang jagaik kaoh glai thông daok jaik tabhia libik bhapbini daok, tok atah di uy mban bhapbini ban sit Nam Ban jaik 1 km min oh hu duah mboh saong pacang cakak drah samal.

# Tỉnh Bình Phước brei thau, dalam tỉnh urak ini hu 14 sang bac ngan saong 67 tal bac daok peih bruk pato saong bac Tiếng Việt ka anek saih tal 1 tui tài liệu Tiếng Việt 1 Công nghệ giáo dục. Tui taong yaom di Sở Pato Megru tỉnh Bình Phước, bruk peih pato Tiếng Việt 1 Công nghệ giáo dục hu ngak lagaih tui yaok thun. Tapa nan, anek saih bac môn Tiếng Việt 1 Công nghệ giáo dục dak harei dak gheih. Abih di nyu nan lac, anek saih bac môn Tiếng Việt 1 Công nghệ giáo dục hu siam lagaih jang ngan saong anek saih bangsa takik bac môn Tiếng Việt tui danak dak urak ini.

Khaw tin dunya

         # Tổng thống Hàn Quốc Moon Jae-in brei thau, Hàn Quốc daok duah jalan  padheih dom bruk thù địch saong Triều Tiên dahlau puac thun ini piah padang hòa bình suai livik oh meda salih karei hu. Tổng thống Moon khan brei thau di mbang javap calei báo Kompas di Indonesia di harei 7/9, brei thau cambaih bruk ngak praong abih dalam sarak di karja Hàn Quốc lac oh tuk halei hu sa mbang mesruh metak veik angaok Bán đảo Triều Tiên”.

         # Takik di abih 166 urang metai hu duah mboh dalam sa lubang  praong di mbang gah timur Vê-ra-cút (Veracruz) di Mê-hi-cô. Ini meda lac dom urang metai pambuak tal kol pablei salih ma túy di taneh ia ini

# Hãng kapal ahaok British Airways (BA) di Anh barau brei thau rilo asal kadha cá nhân saong dữ liệu jien padai di dom urang tuai blei vé dom mbang par di hãng di tukvak meng harei 21/8-5/9 gaok klaik mek di sa mbang klaik mek dữ liệu pambuak tal tal 380.000 thẻ thanh toán./.