# Bruk tual hala dok ASEAN hu rah tabiak mesup harei  8/8 di  trụ sở Mintri Ngoại giao (Hà Nội) di tuk pahadar  51 thun harei padang ASEAN. Hu mbaok di Phó Thủ tướng rajaei – Akaok mintri  Ngoại giao Phạm Bình Minh, Thứ trưởng mintri Ngoại giao Nguyễn Quốc Dũng, song dom đại sứ, đại biện, lambaok ka Đại sứ quán dom negar  ASEAN song dom gah pambuak bruk di ASEAN daok di Hà Nội. Bruk tual hala dok yaok thun  di tuk pahadar harei padang  ASEAN hu jeng bruk bhian randap ngak hadah mbaok meta di tong abih dom negar ASEAN, piah pok meyaom song sinya jhul pakhang talei rohim jum pataom song pambuak bruk di ASEAN ala sa boh sang lac   ASEAN kayua siam mekre song kaya meda  di khu vực.

# Harei 7/8, Ủy ban Ka dom bruk ka xa hoi di Quoc hoi hu peih mbang nyaom langyah ka chất lượng jeng yau bruk ngak hu di dom y tế phường, xã bhum palei. Pathau khan di var langyah nan, Akok  Mentri  Y tế Nguyễn Thị Kim Tiến brei thau, jak jeng praong abih di abih gah y tế dalam tukvak tapa lac pasiam hu dom bruk oh ka lagaih, pakhang pakajap saong patagok dom y tế phường, xã. Dalam negar drei hu 600 sang iek ruak, pasak y tế huyện  ngan saong labaih 70.000 laneng ghe ndik iek ruak. Yau nan min,  maong rah tapa, y tế bhum palei oh ka tui sumu bruk khin iek ruak di bhap bini, chất luộng, bruk iek ruak oh ka glaong. Bhap bini oh ka jia tame bruk iek ruak di dom sang iek ruak xã yau nan ye bhian tagok sang iek ruak praong gah angok oh njauk ruak, oh njauk nao tal.

# Bruk ban raya Hồ Chí Minh roh duah peih 2 jalan  ưu tiên ka radeih  buýt di dom jalan Võ Thị Sáu song Điện Biên Phủ dok pachreih bruk sangka di menuac sia. Tui kuhria, tuk radeih  buýt nao di 2 jalan ni dong patrun bruk gar radeih, trun takik di abih  30% tuk vak radeih peih.Anak bruk thất bại di radeih buýt samar BRT di Hà Nội ye bruk caik tabiak sa jalan brei  ka radeih buýt di ban raya Hồ Chí Minh meda patrun hu bruk gar jalan  di ban raya ni halei oh ? Ông Phạm Sanh – Chuyên gia giao thông di ban raya  Hồ Chí Minh ndom lac:

 (Urak ni bruk gar radeih,  jalan daok kurang song kan peih prong yau nan, bruk peih jalan karei ka radeih buýt di ban raya  Hồ Chí Minh lac kan ba mai siam mekre hu. Kayua radeih buýt oh peih gam gam, jiak meteh tuk meng hu peih sa mbang  . Bloh  tuk radeih buýt peih tabiak truh  2 jalan ni ye oh lac jalan ka radaih buýt tra, bloh yau nan nyu gar radeih veik song jeng lac jalan ngak oh lagaih.

          # 6 bilan tapa,  Công đoàn Tổng C.ty Điện lực Bna rara HCM hu rilo bruk daong, sangka khik caga quyền saong kein laba tui hukum ka urang đoàn, urang ngak. Dalam nan hu dom bruk  ngak yau ye “ Pang cong nhan ndem – Ndem ka cong nhân pang”, “ Paglaong chất lượng menuac ngak”, “ 45 harei samar ngak salah”, “ Yaok công đoàn cơ sở - sa kein laba di urang đoàn”…Di nyaom biai pataom iek bruk ngak dalam 6 bilan akok thun 2018, hu 4 urang di Tổng Công ty Điện lực TPHCM taduan hu harak meyaom di Thủ tướng Rajaei. Ini lac, dom kỹ sư, cong nhan umo daok ranaih hu dom danak dak ba tame ngak tabiak yaom kinh te glaong ka gah điện jeng yau rik daong ka taneh ia.

# Mesup 8/8, kapan cứu nạn SAR 413 di pasak pambuak bruk dong duah urang gaok bala Hàng hải bhum III hu ba sruh kapal song 17 urang tong ikan angaok kapan  BV 5631 TS gaok bala di angaok tasik tame ar hu siam mekre.

Dahlau di nan, harei 7/8, kapan ikan  BV 5631 TS di  tỉnh BRVT tuk dok tong chap kaya ikan di angaok tasik atah di  mũi Vũng tàu labaih  35 hải lý, kayua riyak praong, hangin khang, kapan njauk ia tame, jaik kram. Tuk nan thuyền trưởng kapan ikan  hu payua  tín hiệu cấp cứu khẩn cấp tal pasak pambuak bruk dong duah urang gaok bala  hàng hải Việt Nam.Pasak samar ba kapan dong duah urang gaok bala SAR 413 di  Vũng Tàu samar tabiak tasik dong. 

# Biar harei melam 7/8, di mblang tasik menei di Mỹ Khê, xã Tịnh Khê, thành phố Quảng Ngãi, tỉnh Quảng Ngãi rah tabiak bruk mblung ia biak pandik harao. Hu 5 urng likei dam jak gauk trun menei ia tasik Mỹ Khê, njauk riyak tasik ba theik nao. Mikva urang daok jaik taphia nan hu thau saong daong chip hu 2 urang, 3 urang daok veik metai, bahrau sraong tagok hu Trần Thị Mỹ Hiền (18 tuổi); Trần Lê Nhựt (18 tuổi), daokTrần Minh Chiến oh ka duah mboh.

  Khaw tin dunya:

   # Takik di abih  65 ribau menuac dak tui talei atah  8 ki-lô-mét dui atah meng Cung điện pakat negar  tal dom labik pablei salih  di gah merong  ban ine Gia-các-ta (In-đô-nê-sia) dalam  bruk lac harei oh hu radeih  ô tô . Dom urang hu mbaok cong khin dong ngak ka brei patagok  ilamu siam gheih  di  In-đô-nê-sia tapa lagu chat   Pô-cô Pô-cô, dalam tuk  In-đô-nê-sia dok caga ka bruk thể thao prong abih di châu Á.

# Ong An-tô-ni-ô Xa-ca (Antonio Saca) dahlau diah ngak Tổng thống En Xan-va-đo (El Salvador) birau tabiak tòa taduan bruk ngak suan hukum kayua hahua mabng jien padai saong rao jien tui kuhria tagok tal trieu đôla Mỹ tuk daok ngak tổng thống. Ong Xa- ca, umo 53 thun, njauk chap mek di bilan 10 thun 2016 dalam ndam lakhah di sa dalam dom  urang anek likei ong.

   # Cảnh sát ban Zu-rích ( Zurich), Thụy Sĩ dok hu panuac ieu dom urang rong saw blei tagaok ka anek saw di drei piah khik ka takai di nyu dalam tuk langik pandiak. Châu Âu dok dang anak bruk pandiak dui atah ngan song bruk  Thụy Sĩ rah tapa sa dalam dom bilan hè pandiak di abih dalam dak rai. Bruk khik anek saw ranam di cảnh sát Zu-rích dok taduan hu bruk pachreih tui di rilo menuac urang./.