# Meng harei 15-7, thông tư 15 di Mentri Y tế patabiak salih ka Thông tư 37 brei thau ka yam khám, iak ruak Bảo hiểm y tế di dom sang iek ruak gam sa hạng dalam negar hu ba tame pandar. Tui nan, 88 dịch vụ y tế hu trun yaom, dalam nan hu yaom khám ruak. Cambaih laih, yaom khám di sang iek ruak hạng đặc biệt, hạng 1 trun daok 33.100 đồng, yaom urak ini 39.000 đồng. Yaom khám iek ruak di sang iek ruak hạng 2 daok 29.600 đồng salih ka 35.000 đồng urak ini. Yaom khám di balai y tế xã, sang iek ruak hạng 4 jeng trun, meng 29.000 daok 23.300 đồng.

# Meng akaok thun  2018 tal ni, bhum taneran krong CL hu 4 urang metai  kayua cúm A/H1N1. Dalam nan, 1 urang metai di Vĩnh Long, 1 urang di  Cà Mau song 2 urang di  Bến Tre. Rilo  tỉnh ban yau  Tiền Giang, Hậu Giang jeng hu dom mbang njom cúm A/H1N1. Bruk njauk duh hatai lac bhum taneran krong CL dok dalam bilan hajan, jeng lac tuk jit cúm A mbuan si tamuh khang. Cúm A/H1N1 bhian rah tabiak lành tính yau pandiak, patuh, pandik cambaoh  dalam sa adit bloh abih. Min, sangka dom urang taha umo labaih 65 thun, uranaih umo ala 5 thun, urang kamei metian, dom urang ruak mãn tính meyah njauk ruak ye trak jang. Dom urang ni, brei klauk pacang, langiu di nan, dom urang medhi  njauk cúm brei nao tal dom cơ sở y tế iek ruak, chẩn đoán, tacei jalan iek ruak.

# Mbang ribuk khang di biar harei 15-7 ngak ralo ghang điện angaok jalan roya 51 labik nao tapa phường Mỹ Xuân, bal sit Phú Mỹ, tỉnh Bà Rịa - Vũng Tàu jaoh jaleih. Biak patuah oh hu manuac urang metai tuk nao tapa labik jalan ini, yau nan min bruk ini ngak ka manuac urang patuak drei. Pak di nan, ralo ghang điện hu ralo talei njauk jaoh cagar, ndih pandang angaok jalan. Dom jabat nghiệp vụ pambuak pagam tal dalam điện lực Phú Mỹ, UB bhap bani phường Mỹ Xuân hu samar pasiam veik yaok ghang điện angaok jalan roya 51 piah page harei 16/7 nao mai hu veik.

# Mintri Công an kuhria mboh dahlau lac  bruk  tội phạm dom bilan puac thun meda hu rilo jang, abih di nyu nan lac  tội phạm lừa đảo, cướp giật, co klaik drap ar; pametai menuac... bruk ngak di dom  băng nhóm tội phạm pambuak tal bruk "tín dụng đen", brei mesraiy mek laba trak, siết nợ, ndok sre mbang pah tagok rilo. Anak bruk nan, akaok mintri Công an hu panuac ieu công an dom đơn vị, puk palei samar pambuak song dom pakat ủy, karja palei acei ba dom ban, dom gah, kapul nyaom song bhap bini hu mbaok tame bruk mesruh pacang caga tội phạm; paglaong hatai sangka; kham merat duah thau, tố giác tội phạm, pasiam, pato pakai menuac urang pak di puk palei.

# Công an Q.12 (TP.HCM) brei thau lac hu tabiak quyết định taong phạt 2,5 triệu đồng saong mek veik harak adat peih radaih 2 bilan ngan haong ong Đồng Xuân Nguyên (daok di H.Hóc Môn, TP.HCM - peih radaih ô tô BS 51F - 938.39) kayua oh brei jalan ka radaih ưu tiên. Ong Nguyên nan lac urang dang angan ô tô ndom angaok nan, jeng lac urang peih radaih ini dalam tukvak oh brei jalan ka radaih padam khuah angaok jalan Lê Văn Khương di page 9.7. Tapa ngak bruk, ong Nguyên hu mboh bruk ngak suan di drei. 

Khaw tin dunya

# Harei kabroi, apui khuah di sa mỏ đồng ala mbaok haluk di tỉnh Lim-pô-pô (Limpopo), Nam Phi ngak brei 5 urang metai.Tui pathau khan di mỏ đồng Pa-la-bô-ra (Palabora), pui khuah tabiak di sa dalam dom băng tải di mỏ ala mbaok haluk ngak brei 2 urang metai song 4 urang dok gar veik. Hadei di dom mbang daong, gah cứu hộ hu ba tabiak 3 urang metai dok gar tabiak gah langiu, nan ye menuac metai dalam mbang khuah lac 5 urang. Urak ni dom urang jakar dok duah thau makna di bala dalam tuk mỏ đồng Pa-la-bô-ra brei padeih ngak dalam tukvak duah thau.

# Đức brei thau negar ini njauk hatai haong Italy taduan mek 50 dalam 450 urang di cư njauk gar veik angaok 2 sruh gilai khik iek tapen negar di Liên minh châu Âu (EU). Pháp saong Man-ta dahlau di nan jeng tabiak bruk yau nan, Bruk ngak ini di raja-ei Đức hu ba tabiak hadei di tuk I-ta-li-a ieu dom taneh aia EU klah rabha trách nhiệm dalam bruk 450 urang di cư gar veik di takai tasik I-ta-li-a hadei di tuk oh hu negar halei  brei tame. Urang tabiak panuac di kapul “Njauk daong veih uranaih”, Bê-nê-đét-tô (Giovanna di Benedetto)  jeng pok sap iew dom gah taduan mek rilo jang dom urang di cư .

# Tok dok labaih 84 drei báo Amur dalam glai. Ni lac panuac khan bahrau di abih hu dom urang ilamu Nga, Trung Quốc song Mỹ brei thau hadei di tuk pataom iek veik dom thaot binguk meng dom máy quay caik di bhum glai ceik di Nga song Trung Quốc. Bruk ngak ni dok dalam kham merat pambuak bruk dunya piah khik caga báo quý hiếm dok dang anak bruk mbuan si lahik di abih ni. Bruk lih mek glai di anek menuac, bruk man pateok bắn trộm, jahk tak glai song khí hậu salih karei ba tal bruk patrun số lượng di janih báo quý hiếm ini./.