# Dalam 6 bilan akaok thun, dom jabat dalam Mentri Ngak nong saong patagok palei pala hu nao pasang iek tui bruk ba tabiak saong đột xuất 140 cơ sở vật tư ngak nong, duah mboh saong taong phạt 102 cơ sở vi phạm ka chất lượng vật tư ngak nong. Dom tỉnh, bal hu nao pasang iek tui bruk ba tabiak saong đột xuất 14.259 cơ sở, duah mboh saong taong phạt 1.021 cơ sở ngak suan adat hukum. Gah chất lượng an toàn pandap panda, dom jabat hu nao thanh tra tui bruk ba tabiak saong đột xuất 21 cơ sở, duah mboh saong taong phạt 13 cơ sở ngak suan. Dom puk palei hu pasang iek 25.493 cơ sở, duah mboh saong taong phạt 1.379 cơ sở ngak suan…

# Brei mesraiy pandar cai dok lac darak pasa hu pren khang di Việt Nam, sa negar hu menuac urang ranaih umo, urang ginup meda tagok samar, kinh tế tagok khang. Tui kuhria mboh, brei mesraiy pandar cai tagok jiak 5 mbang dalam 5 thun tapa. tui nan, meyah puac thun 2012, abih tih jien brei sre pandar cai labaih 230 ribau tỷ đồng, Samu 8% yaom jien brei sre gah  kinh tế, ye tal puac thun 2017, abih tih pok jien brei sraiy pandar cai lac labaih 1,1 triệu tỷ đồng, meblah labaih 18%  pok jien sre  di gah kinh tế. Langyah di chuyên gia tacei lac, bruk tagok dịch vụ brei sraiy jien pandar cai di dom công ty jien ndua lac sa dalam dom jalan ngak siam lagaih piah jhul patagok gah blei rai, trun bruk tín dụng đen.

# Harei 16-7, Akaok Cục Báo chí, Mentri Thông tin saong truyền thông Lưu Đình Phúc hu mboh tangin tame quyết định taong phạt vi phạm hành chính dalam gah báo chí, xuất bản ngan haong báo Tuổi Trẻ Online. Tui quyết định ini,  báo Tuổi Trẻ Online brei thau suan ka bruk biak, ngak ảnh hưởng biak trak dalam kadha vak "Akaok negar njauk hatai brei patabiak Hukum biểu tình" dalam harei 19-6-2018 saong thông tin ngak lahik bruk gul pataom bangsa dalam bình luận (comment) di kadha vak "Habar dalam quy hoạch oh ka mboh cao tốc ka miền Tây" tabiak  harei 26-5-2017. Quyết định pandar báo Tuổi Trẻ Online cải chính, likau ma-ah ampul ngan haong dom thông tin suan bruk biak di nyu, ngak lahik bruk gul pataom bangsa; mek veik harak brei adat peih ngak di báo điện tử kayua Mentri Thông tin saong truyền thông cấp dalam 3 bilan. Taphia di nan, báo Tuổi Trẻ Online njauk nộp phạt yaom jien abih tih 220.000.000 đồng.

#  Taduan hu panuac khan meng pasak  Dự báo khí tượng thủy văn pakat negar, angaok tasik di dom tỉnh meng Nghệ An tal Hà Tĩnh hu áp thấp nhiệt đới khang pakat 6 (40 tal 50km/sa tuk ), handaok pakat 8. Mesup 17/7, tỉnh Hà Tĩnh hu panuac ieu 250 kapan di langiu tasik tame pataok nyaik áp thấp nhiệt đới meda ba tal khat lihik trak. Dalam nan hu 45 kapan di dom tỉnh Nghệ An, Quảng Ngãi, Quảng Nam song Thanh Hóa, 111 kapan di  xã Thạch Kim;  urak ni hu 3 kapan dok angaok jalan mai .

  # Page harei 17.7, TAND tỉnh Bà Rịa - Vũng Tàu peih mbang tòa sơ thẩm xét xử bruk pachot meblah mek drap ar saong ngak suan bruk khik iek taneh riya rah tabiak dalam dự án Metropolitan (TP.Vũng Tàu) kayua Công ty CP địa ốc An Khang (Công ty An Khang) ngak po đầu tư. Dalam dom bị cáo hu  Phan Hòa Bình (umo 59 thun, urang dahlau diah ngak Chủ tịch UBND TP.Vũng Tàu), Trương Văn Trí (umo 44 thun, urang dahlau diah ngak Phó chủ tịch UBND TP.Vũng Tàu), Vũ Quốc Tuấn (umo 49 thun, urang dahlau diah ngak trưởng Phòng TN-MT TP.Vũng Tàu), Nguyễn Trung Quốc (umo 45 thun, urang dahlau diah ngak urang jakar Phòng TN-MT TP.Vũng Tàu), Nguyễn Thanh Sơn (umo 54 thun, urang dahlau diah ngak trưởng Phòng Quản lý đô thị TP.Vũng Tàu) njauk  truy tố ka tội ngak siam dom quy định khik iek taneh riya. Jabat CSĐT Mentri Công an hu ngak cambaih laih tuk mek hu công văn di Công ty An Khang gam haong hồ sơ likau salih mục đích pandar taneh, jalan thiết kế quy hoạch, Tuấn, Quốc saong Sơn oh thẩm định hồ sơ, hiện trạng taneh bo ba tagok ka Bình saong Trí mboh tangin tame quyết định panduan salih mục đích pandar labaih 86.000 m2 taneh ngak nong jeng taneh daok oh njauk tui jalan ngak di adat hukum. Bruk ngak ini hu palaghaih ka Phượng saong dom đồng phạm pachot meblah mek drap ar di ralo urang karei.

Patui di ni dom khau tin dunya:

         # Tui  Yonhap, mintri  Quốc phòng Hàn Quốc brei thau, harei  17/7, Hàn Quốc song  Triều Tiên hu ngak pasiam veik abih talei phone gah quân sự di 2 negar di labik gah pai palao Triều Tiên, sa bruk ngak piah padang hatai jia song patrun bruk catang tagok di 2 gah Triều Tiên. 

# Bruk meriak gauk pablei salih Mỹ - Trung patuh tabiak gam haong bruk  Trung Quốc trun tỷ giá nhân dân tệ meda ngak ka pandap panda Trung Quốc yaom lap tuh tame Việt Nam, ba tal ralo áp lực ka darak pasar dalam negar saong ngak brei tagok tỷ trọng nhập siêu meng Trung Quốc. Tổng thống Trump bahrau brei thau meda pandar thuế blei tame meng negar langiu tagok jang 200 tỉ USD pandap panda di Trung Quốc. Bruk ngak ini jhul bruk meriak gauk pablei salih di dua nền kinh tế prong abih dunya yam tagok sa takai kanyar bahrau.

# Ngoại trưởng Iran Mô-ham-mát Gia-vát Da-ríp (Javad Zarif) harei 16/7 hu panuac, Iran lac darak pasa njauk caik hatai jia tame song siam mekre di abih piah buh jien tame ngak mbang di negar langiu. Ndom tal bruk kan kandah gah jien ndua song kinh tế bo Mỹ daok kateik greik tagok Iran, Ngoại trưởng Da-ríp ndom lac, negar IRAN yam tapa rilo kan kandah kuhria meng ja jah di bruk Cách mạng Hồi giáo thun 1979 song bhap bini  Iran dok khang hatai rik dong ka taneh ia, oh huac kanda hagaih.