# Hadei di tuk Mỹ tabiak bruk kak je tanut bahrau 25% ngan haong labaih 800 janih pandap blei meng Trung Quốc saong hu peih ngak meng harei 06/07 thun ini, dom chuyên gia kinh tế hu ba tabiak dom kadha njauk caik hatai ka dom bruk pambak tal kinh tế Việt Nam. Dalam nan, chuyên gia thương mại, Phaok Giáo sư, Tiến sỹ Phạm Tất Thắng ndom lac, bruk Mỹ pandar tanut thuế bahrau ini meda ngak patagok khả năng xuất siêu di Trung Quốc pak darak pasa Việt Nam.

# Bruk Hội đồng bhap bini ban sit Đà Nẵng brei tapa  sarak daong, pachreih urang jakar, urang ngak bruk karja, urang dang akaok gah khik ramik halan hatian padeih bruk piah ba urang jakar ranaih umo thun tame ngak, dalam nan hu tabiak bruk lac, daong jien glaong di abih 200 triệu đồng ka urang jakar padeih hưu dahlau umo, daok pachreih hu bruk sangka di menuac sia. Tiến sỹ - Luật sư Hoàng Ngọc Giao, Viện trưởng Viện Chính sách pháp luật saong Phát triển ndom lac, bruk ini nyu lagaih haong bruk salih bharau hành chính, tinh giản bộ máy. Tmin bruk buh jien kadung karja tabiak piah pachreih urang padeih hưu dahlau umo thun, lac bruk njauk iek veik kayua nyu oh tui sa adat hukum halei.

# Danak dak Đắk Nông bilan bơ tathak thun 2018 rah tabiak meng harei 18 tal harei 23-7, hu 5 bruk ngak prong; dalam nan hu nyaom darak pablei salih pambuak haong cung cầu bơ saong dom janih pandap ngak nong; nyaom pakacah baoh bơ bingi saong rivang iek, trải nghiệm dom mô hình ngak nong. Ini lac sự kiện iek prong baoh bơ mbang akaok meti hu peih ngak di Đắk Nông piah meyaih khan baoh bơ Đắk Nông tal urang pandar, paglaong yaom di baoh bơ ngan haong urang pala saong pablei salih. Đắk Nông urak ini lac sa dalam dom tỉnh hu mblang taneh saong sản lượng bơ prong di negar, ngan haong jaik 2.600ha.

# Dalam huyện bhum ceik Hương Sơn, tỉnh Hà Tĩnh, abih tih tapon hươu urak ini hu 33.450 drei, sản lượng nhung hươu lac labaih 12 tấn. Tui yaom pablei glaong, meng 10-12 triệu đồng/kg), nhung hươu ba jien tame labaih 120 tỷ đồng. Tui kuhrai tal abih thun 2018, dalam huyện Hương Sơn meda hu 2.050 drei hươu bahrau. Meng raong hươu mek lộc nhung saong pablei anek pajaih nan ye yaok rabau sang bhap bini di huyện Hương Sơn meng kan kandah urak ini samar tabiak truh kan kathaot, yam tagok ngak kaya meda.

# Pambuak pagam tal mbang xét xử urang dahlau diah ngak nhân viên Gilang pariak Eximbank di Nghệ An “klaik” labaih 50 tỉ đồng di  khách hàng payua tiết kiệm pak ini, Eximbank brei thau Gilang pariak oh từ chối trách nhiệm di drei min caong khin khách hàng tuyệt đối oh  ký khống dahlau dom harak ba-ar meng suak jien saong jao ka nhân viên gilang pariak dom harak ba-ar ini tui bất kỳ hình thức halei piah plaih rủi ro.

Khaw tin dunya:

# Thun 2017 lac thun hu biak ralo menuac negar lingiu nao tal Hàn Quốc me-in livik harei, ,jeng ye urang Hàn Quốc tabiak mravang me-in negar lingiu. Tui nan, thun bloh, abih tih menuac negar lingiu mai tal Hàn Quốc saong urang Hàn Quốc tabiak negar lingiu daok me-in veik meng 90 harei tagok, lac labaih 1,41 triệu menuac, tagok 4,2% dut saong thun 2016. Bruk ini oh kuhria gam dom tuai daok takik harei (ala 90 harei), lac urang negar lingiu tal Hàn Quốc saong urang Hàn Quốc tabiak taneh ia lingiu. Trung Quốc thun bloh hu 157 menuac mai tal Hàn Quốc, lac taneh ia hu rilo tuai di abih mai tal HQ,. patui di nan lac Đài Loan (Trung Quốc) hu 72 ribau menuac.

# Mentri Y tế bang Illinois saong Iowa di Mỹ bahrau peih mbang điều tra makna tamuh ruak ký sinh trùng jalan tung pruac ngak rối loạn tiêu hóa saong món salad dalam chuỗi nhà hàng pandap mbang samar daneiy angan McDonald's nan meda lac thủ phạm. Urang jakar y tế Illinois brei thau hu mboh 90 urang njaom mbak ruak ký sinh trùng cyclospora kuhria meng kreh bilan 5 meng blaoh, dalam tuk bang Iowa brei thau lac hu 15 urang njaom mbaok ruak meng puac bilan 6. Duah thau akaok mereip brei thau jaik 25% taong abih urang njauk ruak njaom mbak ký sinh trùng di bang Illinois hu mbang món salad di nhà hàng McDonald's dom harei dahlau tuk hu mboh dom triệu chứng. McDonald jeng brei taduan mek veik món salad di dom nhà hàng saong pasak phân phối di drei saong salih meng món salad di dom labik cung cấp karei. Tui CNBC, hadei di mbang điều tra hu brei thau, cổ phiếu tập đoàn McDonald lahik 1,4% giá trị.

# Nao tal Kê-ni-a (Kenya) piah ba drei tame bruk du lịch thiên nhiên hoang dã biak chreih chrai saong hu angan di châu Phi, drei jhui var vaih tame ravang Bảo tàng Sa mạc – labik parang iek biak rilo dom inem krung ilamu di dom bangsa takik daok di bhum gah brak atah bayah di taneh ia gheih mekre ini. Tuk camereip bảo tàng khik piah dom bộ sưu tập meng 4 bangsa bản địa dalam bhum. Hadei di uk rajaei Italia jao quyền khik iek bảo tàng ka karja Kê-ni-a di thun 2011, bảo tàng hu peih praong bruk khik piah dom inem krung ilamu di 10 nhóm bangsa takik karei di gauk, meng sap ndom, panuac puac, khan ao, pandap mbang menyum, tal taong abih janih pambuak tal ilamu, adat cambat, tanarakun di bhap bản địa pak ini./.