# Pamong tal pahadar 71 thun harei Thương binh - Liệt sĩ (27/7/1947-27/7/2018), page harei 19/7, Mentri Lao động Thương binh saong xã hội pambuak haong Báo Nhân Dân, Bộ Quốc phòng, Bộ Công an saong Ủy ban nhân dân tỉnh Bà Rịa - Vũng Tàu peih nyaom biai pok meyaom urang buh pren ka cách mạng naih gheih pakat negar thun 2018. 355 urang lambaok ka jaik 1,5 triệu urang buh pren ka cách mạng dalam negar hu mbaok dalam nyaom biai. Tapa nan, lambaok ka urang pal akaok Đảng, Karja, Akaok negar Trần Đại Quang taong yaom glaong saong pok meyaom dom amaik Việt Nam Anh hùng, Anh hùng tapon nyom bol pan phao kraong bhap bani, Anh hùng Lao động, dom thương binh, bệnh binh, gauk gar liệt sĩ, baoh sang urang buh pren ka cách mạng hu patagok ilamu siam gheih, kham merat yam tagok, daok rik daong praong tame bruk salih bahrau, dak padang saong khik iek palei negar. Akaok negar pandar dalam tukvak anak tal, dom pakat ủy Đảng, karja, Mặt trận negar, dom kapul nyaom chính trị - xã hội njauk patagok bruk pal akaok, tacei pato, patui veik peih ngak, pathau khan prong dalam jang jalan ba di Ðảng, sarak, hukum di Karja ngan haong thương binh, bệnh binh, gauk gar liệt sĩ, urang buh pren ka cách mạng dalam urang jakar, urang đảng saong bhap bani.

# Tui kuhria mboh di Hiệp hội Viễn thông GSMA, tal abih  quý II/2018, Việt Nam bahrau hu 41% urang hu phone tangin pandar internet (3G/4G). Dut song dom negar dalam  bhum, bruk ni dok di tanut trung bình. Meng hatai Cong khin urang halei jeng hu pandar internet angaok phone tangin piah pabak song duah thau rilo kein lagaih dalam rai duik yaom lac daok pak halei, tukvak halei, Viettel nao dahlau dalam bruk ba internet brei saoh ka labaih 30 triệu urang song danak dak “30 triệu GB data ka yaok urang”, peih ngak meng harei  18/7-18/10/2018.

# Hadei di labaih sa bilan ba tame ngak, tapa pasang iek darak pasar saong tui panuac di dom tuai damuai, Tổng công ty Vận tải Hà Nội (Transerco) brei pabak janih vé lap jang tuyến buýt 2 tầng City Tour saong brei nduac gam melam (night tour). Tui urang dang akaok Transerco, meng harei 20/7 tal, Tổng công ty meda brei pabak janih vé 2 tuk yaom 196.000 đồng (ngan haong tuai damuai caong khin nao luac, oh trun tagok dom labik di jalan). 

# Tổng công ty hàng không Việt Nam (Vietnam Airlines) bahrau taduan hu gac harak chứng chỉ hãng kapan haoh dunya 4 patuh kayua  Gah tong yaom song  xếp hạng hàng không Anh Skytrax jao brei. Ni lac thun ka 3 gam gam Vietnam Airlines taduan hu chứng chỉ ni.

# Giải caloi aia Vô địch ranaih pakat negar 2018 hu tamat blaoh saong kapul dom VĐV po sang TP.HCM hu dang akaok ngan haong 8 HCV. Dalam nan, VĐV Đỗ Trần Hoàng Lộc meblah HCV saong phá kỷ lục 50m ngửa likei umo meng 11 thun tagok ngan haong thành tích 32 giây 64. VĐV Nguyễn Diệp Phương Trâm mek chuẩn B Olympic ranaih, taphia di nan phá kỷ lục ranaih 50m tự do kamei bo Nguyễn Thị Ánh Viên padang tagok meng thun 2014 tuk mek hu thành tích 26 giây 58.

Khaw tin dunya:

# Akaok mintri jien padai  Hàn Quốc Kim Dông-Gi-ơn (Kim Dong-yeon) hu panuac lac sa bruk mesruh gauk gah pablei salih di  Mỹ song Trung Quốc ngak jhak tal  kinh tế negar ni. Akaok mintri  Kim Dông-Gi-ơn hu patrun tanut dự báo patagok kinh tế dalam thun ni di  Hàn Quốc ala 2,9%, trun dut song tanut  dự báo 3% hu ba tabiak dahlau di nan, kayua bruk pablei salih dalam song langiu negar dok suai, gam song bruk thất nghiệp tagok rilo. Tui pathau khan bahrau di abih hu ba tabiak tuk 2 gah pambuak bruk pablei salih dang akaok di  Hàn Quốc lac Trung Quốc song Mỹ dok laik tame bruk meriak gauk pablei salih  song bruk kak je tagok pandap panda di gauk.

# Di Israel, Quốc hội negar ini meda brei tapa dự luật patrun quyền lực di dom labik blei tame meng negar langiu độc quyền, urak ini mboh lac daok ngak kan kandah ka bruk merak gauk công bằng dalam darak pasa Israel. Akaok Mentri Kinh tế Israel Eli Cohen brei thau hukum nan brei adat Jabat pacang cakak độc quyền Israel mek pacap dom labik blei tame meng negar langiu độc quyền njauk hu dom bruk ngak tapak piah pacang drei lạm dụng quyền lực saong kiểm soát darak pasa tui jalan pacang cakak bruk blei tame gam gam atau blei tame cá nhân. Ngan haong adat ini, dom labik blei tame meng negar langiu độc quyền meda gaok ralo kan kandah jang dalam bruk pandar quyền lực di dom urang nan piah pacang cakak dom labik blei tame meng negar langiu karei taom gaok dom kênh phân phối pablei lẻ. 

# Jiak sa thun hadei di mbang megei boh taneh ngak brei 200 urang metai  di  Mexico, dalam tuk pasang iek dom khat lahik, dom urang roh duah hu duah mboh sa bimon dok gah dalam  kim tự tháp di inem krung khảo cổ Teopanzolco, atah di ban Mexico labaih 70 km nao gah merong. Dom urang roh duah ilamu di Viện Nhân chủng học song dak rai pakat negar Mexico (INAH) brei thau, Bimon ini meng ilamu Tlahuica hu  meng di thun 1.150, hu padang ngak kayua urang Aztec dok di gah kreih negar  Mexico. Dom urang roh duah brei thau, baoh bimon klaak jiak 1.000 thun nan nyu atah labaih 6m, gar 4m song gah dalam dok hu sa lư hương song rilo candiah lan pacah./.