Khaw tin tuk 10g 30- 14g30 harei 29/5

          # Patui danak dak ngak bruk di nyaom mbang ka 3, Quốc hội mbang 14, mesup harei ( 29/5), Quốc hội pang  pathau khan, pabak, pasiam veik dự án hukum khik ramik, pandar drap ar  karja (pasiam veik), ginum biai DI hội trường ka dom kadha dok tangi sua karei di gauk di  dự án hukum khik ramik, pandar drap ar karja (pasiam veik). Beir harei nan, Quốc hội pan pathau khan langyah, pabak khik ramik dự án hukum du lịch (pasiam veik) song ginum biai di hội trường ka dom kadha dok tangi sua karei di gauk di  dự án hukum  du lịch (pasiam veik).

      # Mintri ngak nong saong patagok palei pala barau hu van ban pandar dom tinh, ban di trung ương ka bruk paglaong pacang caga jit ruak di tapol athur. Dalam nan sangka pathau khan ka bruk patuh jit ruak pambak ruak khut di tapol athur ye : jit ruak saloah cambuai papaok kakau di athur, tangi hijao di pabui, jit tả pabui…taphia nan, jhul khang bruk klauk caga ruak dinh ky, klauk caga pabak dom janih vacxin caga ruak ka tapol athur tui quy dinh saong khik caga bruk pajang ba sik rilo athuar an toan pandap mbang.

       # Festival tasik Nha Trang- Khánh Hòa hu rah tabiak meng harei 10 tal 13/6, ni lac bruk ngak ilamu du lịch siam gheih di  tỉnh Khánh Hòa, tui kuhria meda taduan hu rilo tuai damuia . Festival tasik thun ni hu angan lac “Peih prong kon tangin ayuh sahabah ”, song labaih 50 bruk ngak.Langiu di tuai dok dalam negar dok hu rilo tuai  Trung Quốc song  Nga.  Gah du lịch hu panuac ieu dom doanh nghiệp tagok  chất lượng pabak  jang yau ba rilo pandap bahrau tame peih ngak dalam  Festival 2017.

         # Đoàn sang bac Đại học Tây Nguyên barau peih nyaom roya urang jakar mbang yaka 17 tukvak 2017-2019. Ngan saong kadha “ Sinh viên Đại học Tây Nguyên joi chuyên môn, kajap di chính trị, hadah hatai, rup pabhap khang” tukvak tapa, urang ranaih umo Đại học Tây Nguyên hu ngak blaoh dom chỉ tiêu, bruk ba tabiak. Cambaih laih, hu peih ngak 15 tabung glaong “ harei thanecar halan hatian” harei adit hijao, pataom hareih nerak, ngak hacih labaih 11 rabau mbang urang đoàn pataom tame. Labaih 6.200 sinh viên hu pataom tame halan hatian brei darah. Dom bruk ngak chreih bui ye “ bilan hè hijao” daong pren bilan pakacah” xuan halan hatian…hu urang đoàn, dam dara  pachreih tui.

       #  Harei patom boh kayau bingi pahe, hacih saat mbang ka 16 rah tabiak di  huyện Chợ Lách, tỉnh Bến Tre meng ni tal harei 31/5, taduan hu rilo po bein di dom tỉnh bhum taneran krong CL hu mbaok. Harei patom hu rilo bruk ilamu, pablei salih siam gheih yau: Nyaom pakacah boh kayau bingi, jalan khik ramik boh kayau dalam tuk vak langik njom mbak, pakacah kiểng bonsai… Abih di nyu nan lac di harei patom hu labik parang main yaok rituh gian hang dom janih boh kayua  đặc sản, chất lượng glong, parang iek dom sinh vật lạ… di dom po bein  tỉnh Bến Tre song dom palei pala jiak tapen palih ruah.

       # Dalam dom harei meng 28 tal 30/5 (lac harei  3 tal harei 5/5 saka ia bilan ban Can Tho peih harei pataom du lich beir phun mbang baoh  Tân Lộc 2017 di Cù lao Tân Lộc di kraong Hậu di quận Thốt Nốt. "Harei pataom beir baoh kayau Tân Lộc" hu karja saong bhapbini cù lao Tân Lộc peih ngak yaok thun di harei Tết Đoan Ngọ piah thau dhar phuan taneh riya lingik tasik saong pok je bruk ngak mbang di dom rairah bhapbini Cù lao hu ngak jeng dom beir phun mbang baoh hijao,li-an bingi, bak baoh luac thun. 

        # Jiak 10 ribau sinh viên di ban raya Hồ Chí Minh hu mbaok tame harei patom “Phỏng vấn – Tuyển dụng” thun 2017 kayua pasak dong ba  anek saih, sinh viên ban raya peih ngak. Hu mbaok di harei pataom, sinh viên hu cơ hội duah thau dom danak dak  phỏng vấn giả định song dom chuyên gia nhân sự song hu dongba piah ngak salah bloh hồ sơ ứng tuyển jang yau bruk javap  phỏng vấn. Dom ayuh  sinh viên dok hu mbaok tame  chuyên đề kỹ năng “Chinh phục nhà tuyển dụng” piah duah thau bruk  ngak hồ sơ ứng tuyển chuyên nghiệp jang yau dom kadha bo doanh nghiệp khin di dom ứng viên. 

      Khaw tin dunya

     # Ủy ban patagok Xã hội saong Kinh tế negar Thái Lan barau patabiak tỷ lệ thất nghiệp quý 1 thun ini lac 1,2%, sumu 400 rabau urang, tagok veik 1% duk saong quý 4 thun dahlau. Makna ngak ka tỷ lệ thất nghiệp tagok glaong di quý ini lac kayua tự động hóa di ngak nong saong tua riya. Dom gah hu tỷ lệ thất nghiệp glaong lac gah ngak nong, xuất khẩu saong gah xây dựng. Tok kuhria gah ngak nong, di 4 thun tapa hu trun 1,3 triệu urang ngak kayua tự động hóa pala drak, tua riya saong yaom kaya nong trun.

      # Nga song Thổ Nhỹ Kỳ cong khin patagok talei pambuak bruk di 2 negar . Ni lac panuac  di  Tổng thống Nga Vla-đi-mia Pu-tin song Tổng thống Thổ Nhĩ Kỳ Tay-íp Éc-đô-gan dalam mbang ginum biai bahrau ni. 2 urang dang akaok hu ginum biai ka dom thỏa thuận piah tah klak domtavak tavaiy gah kinh tế di 2 negar jang yau dự án padang ngak jalan nding ba khí đốt “Dòng chảy Thổ Nhĩ Kỳ” (TurkStream) song dom dự án năng lượng Ấc-kư-yu.

     # Bun-ga-ri brei thau meda peih bruk dut iek dom pandap mbang menyum hu asal meng dom công ty đa quốc gia daok hu pablei di taneh ia ini, taphia nan so sánh dom pandap ini saong pandap greih yau nan hu pablei di dom taneh ia Tây Âu meda jang dalam tuk mblo tagok do lo ngại ka chat luong dom pandap. Bruk taong yaom ini jaik tal jeng hu pandar di dom taneh ia ye Ba Lan, Xlô-va-ki-a, Cộng hòa Séc saong Hungary- dom taneh ia jeng barau tagok sap chỉ trích dom công ty pandap mbang menyum quy mô toàn cầu ka bruk ini./.