Khaw tin tuk 10g30-14g30, harei 11/10

            # Harei 10/10, di  sang Quốc hội, Ủy ban Thường vụ Quốc hội hu peih mbang nyaom ka 15. Rah tabiak meng harei 10/10 tal harei 13/10, di nyaom biai ni, Ủy ban Thường vụ Quốc hội brei panuac tame rilo kadha prong caga ka nyaom biai ka 4 di Quốc hội tui kuhria hu peih ngak meng  23  bilan 10 tal

# Ủy ban bhapnini tỉnh Lâm Đồng barau brei ka Công ty trách nhiệm hữu hạn Dalat Hasfarm (ban sit Đà Lạt, Lâm Đồng) peih ngak dự án đầu tư pala njam, bingu saong pala pajaih bingu công nghệ glaong ngan saong jien buh tame ngak abih tih 338 tỷ đồng (sumu 15 triệu USD). 

# Di ban Cần Thơ, Cục jalan krong palei pala Việt Nam pambuak bruk song  Hội An toàn giao thông Việt Nam peih nyaom biai pasram megru “Paglong pren khang khik ramik siam mekre jalan krong palei pala gah merong thun 2017”. Nyaom biai lac jalan piah dom đơn vị patagok ilamu akaok sahaneng khik caga siam mekre salamad jalan krong ribong palei pala.

# Di ban raya Hồ Chí Minh, Tổ chức Chứng nhận dunya Control Union hu brei harak brei thau Global G.A.P ka Công ty cổ phần Anova Farm (thành viên Tập đoàn Anova). Ini lac trang trại raong pabui ralo akaok mereip saong dahlau abih di Việt Nam mek hu chuẩn Global G.A.P, peih tabiak jalan piah ralo pabui Việt Nam meda pablei tabiak taneh ia lingiu di harei hadei.

         # Nyaom biai : “Patagok pandap panda puk palei pambuak song pren khang công nghệ” rah tabiak di Bến Tre dalam harei 26/10 tanak tal . Nyaom biai meda ginum jiak  25 kadha prong, taom dar bruk ngak yau habar patagok pandap panda palei pala di bhum taneran krong Cửu Long.  Amuk Vũ Kim Hạnh, Giám đốc Pasak roh duah pablei salih song dong ba Doanh nghiệp (BSA) brei thau: Ni lac mbang camereip khol hulin pambuak bruk song dom kapuk dunya peihngak bruk ni. Dalam nan hu rilo urang đồng tổ chức lac dom doanh nghiệp FDI, Amcham, VTFA dok pambuak bruk

  # Urak ini, di tỉnh Tiền Giang saong rilo puk palei dalam taneh ia, bruk lihik cân bằng giới tính tuk ndih tapui di tanut báo động. Tapa kuhria tỉ số giới tính tuk ndih tapui di tỉnh Tiền Giang lac 114 uranaih likei /100 uranaih kumei. Lihik  cân bằng giới tính meda ngak tabiak hậu quả trak tal bruk patagok kinh tế – xã hội di taneh ia saong ngak jhak tal raidiuk di urang kumei, likei saong bhapnini.

# Chi cục Thủy lợi tỉnh An Giang hu peih bruk jnuk pruh ia pabak ka bruk pala padai  vụ Thu Đông 2017. Ngan song tong abih  1.811 bilai jnuk điện, Chi cục dok pabak bruk pruh ia  ka labaih 192.461 ha padai njam patam song pacang ia sua ka labaih 185.500 ha padai njam patam dom janih. 

Khaw tin dunya

         # Thủ tướng Thái Lan Pra-ut Chan-ô-cha (Prayuth Chan-ocha)  brei thau, Thái Lan meda peih bruk tổng tuyển cử di bilan 11 thun 2018. Brei panuac saong báo chí di Tòa sang rajaei, ông Pra-út Chan-ô-cha ndom lac, harei peih bruk pilih ruah meda hu ba tabiak di bilan 6 thun 2018. 

#  Yaok rituh lin  cứu hỏa hu ba mai piah cakak song dom mbang khuah glai di  bang Ca-li-phoóc-nia. Tổng thống Mỹ Đô-nan Trăm hu panuac lac dom mbang khuah glai di labik ni lac bala biak prong. Dom urang dang akaok puk palei cong khin langik tasik siam jang meda dong ka gah chức năng langyah hu dom mbang khuah dok pambak prong  . 

# Harei 10/10, sa mbang megiay taneh khang 6,3 độ rích-te ngak jhak tal gah Brak Chi-lê. Jabat dut iek Địa chất Mỹ  brei thau, tâm chấn động taneh di độ dalam 82 km, atah di ban duyên hải A-ri-ca (Arica) 73 km di gah timul. Pasak kakei brei thau sóng thần Thái Bình Dương ndom lac mbang megaiy taneh oh ngak tabiak sóng thần.