Khaw tin tuk 10g30-14g30, harei 30/5

          # Patui danak dak mbang nyaom ka 3, QH mbang 14, mesup harei 30/5, QH pang pathau khan langyah, pabak, pasiam veik dự án hukum jalan pasei  (pasiam veik) song ginum biai di  hội trường ka  dự án hukum ni . Beir harei, QH ginum biai di tổ ka Dự án hukum khik ramik  nợ công (pasiam veik) song Dự án hukum tố cáo (pasiam veik).

# Dalam mbang ravang Hoa Kỳ meng harei 29 tal harei 31/5/2017, tui panuac daa di Tổng thống Hoa Kỳ Donald Trump, bair harei 29/5 tui tukvak Viet Nam di New York, Thủ tướng hu taduan raok dom doanh nhân, trí thức asal Việt di Hoa Kỳ. Di dom mbang gaok, Thủ tướng taong yaom glaong dom bruk kham merat, rik daong di dom doanh nhân, trí thức urang Việt Nam di taneh ia langiu tukvak tapa hu rik daong jhul khang talei pambuak bruk Việt Nam – Hoa Kỳ patagok di dom gah, paglaong angan je bhapbini urang Việt Nam di Hoa Kỳ, hu karja saong muanuac sia di libik takre, rik daong dak harei dak praong tame bruk patagok di xa hoi di taneh ia ini.

          # Pagam tal bruk tai biến sốc phản vệ di 18 urang ruak chạy thận nhân tạo di sang iek ruak đa khoa tỉnh Hòa Bình, tal 1 tuk harei 30/5, hu  7 urang metai, 1 urang jaik metai song 10 urang dok veik hu ba tagok sang iek ruak praong. Labaih 100 urang suy thận mãn jeng hu ba mai Hà Nội piah chạy thận nhân tạo meng mesup harei ni. Jeng dalam melam bloh, Phó Thủ tướng Vũ Đam hu mbaok di sang iek ruak Đa khoa Hòa Bình rivang tangi sua dom urang ruak song gauk gar di dom urang ruak.

# Ủy ban Mặt trận negar tỉnh Đắk Lắk peih mbang tabung glaong jak ba bhapbini “ bayan dhair phan” dalam tuk pahadar 70 thun harei Thương binh – Liệt sĩ (27/7). Meng thun dahlau tal ini, kadung jien “ bayan dhar phuan” tỉnh Đắk Lắk jak ba hu labaih 8 tỷ 600 triệu đồng. meng kadung jien ini tỉnh hu ramik pasiam saong padang barau 200 baok sang dhar phuan, alin 25 sổ patak pataom saong daong đột xuất ka sang kan kandah, iek ruak ka pluh mbang urang hu công. Tui pasang iek di gah lao dong , thuong binh saong xa hoi, urak ini dalam tinh daok labaih 340 baok sang di thương bệnh binh, urang hu công gaok kan kandah njuak hu daong dak padang barau saong 150 baok sang njauk ramik pasiam.

        # Dom harei jiak di ni, di dom tỉnh miền Trung gam rah tabiak dom mbang njauk jru mek pandap mbang tập thể. Akaok bilan 4/2017, 21 urang di huyện Bình Sơn, tỉnh Quảng Ngãi njauk jru mek kayua mbang  bánh mì nhiễm khuẩn.Tal akaok bilan 5 ni, 18 urang di tỉnh Quảng Bình tame sang iek ruak hadei di tuk nao mbang likhah. Jiak di ni lac mbang njauk jru mek di ban Đà Nẵng ngak 11 dalam 14 urang tuai meng ban Vũng Tàu hu ba tame sang iek ruak Đà Nẵng iek ruak hadei di tuk mbang  lisei menuk. Bác sỹ Nguyễn Hoàng Sơn, Phó Trưởng Khoa Y học Nhiệt đới sang iek ruak Đà Nẵng brei thau, Langik pandiak, pandpa mbang oh thau asar di nyu, song oh hu khik ramik, oh ngak hacih saat ba tal bruk njauk jru mek.

# Di tỉnh Quảng Trị peih harei pok meyaom adei Phạm Huy, anek saih sang bac Trung học phổ thông thị xã Quảng trị hu mek giải klau di mbang pakacah alamu Kỹ thuật pakat dunya 2017 kayua Intel peih ngak. Ngan saong dự án gah tangin Rô bốt ka urang jaoh jo, adei Phạm Huy hu tagok labaih 1.700 thí sinh mai meng rilo taneh ia di dunya saong ba mai hadah hadai ka palei negar, taneh ia. Ini lac mbang akaok mereip tỉnh Quảng Trị hu anek saih bac daa pakat dunya di gah sáng tạo khoa học kỹ thuật. 

# Di tỉnh Cà Mau, Phó Thủ tướng Trịnh Đình Dũng song kapul ngak bruk rajaei hu ngak bruk song dom tỉnh bhum taneran krong CL ka bruk pacang caga glut jaleih takai tasik, suy thoái glai njom mbak. Piah tagok bruk khik ramik hu siam lagaih dom jalan pacang caga glut jaleih krong ribong takai tasik , di var ngak bruk, Phó thủ tướng Trịnh Đình Dũng hu panuac tacei dom tỉnh, dom mintri, dom gah Trung ương anak meta brei thau cambaih laih bruk glut jaleih, pacang cakak jip dom bruk rah tabiak piah khik caga menuac urang song drap ar di bhap bini. 

Khaw tin dunya

# Dom urang alamu Mỹ barau hu panuac lac taom gaok dom khí thải độc hại saong dhur mịn atah ala 2,5 micrômét biak rilo meda ngak kan kandah tal chất lượng var ndih. Hadei tuk pasang iek rilo yếu tố hu umo, thu bruk jhuk pakao saong saong dom bruk ka hô hấp, kapul roh duah duah mboh kapul taom gaok ngan saong tanut taom gaok di tanut nerak không khí glaong abih di 5 thun mbun si laik tame kapul ndih takik glaong jang kapul takik gaok không khí nerak.

  # Hãng hàng không di I-ta-li-a brei thau hu klak  200 mbang par dunya  song dalam negar kayuayaok ribau urang ngak di hãng padeih ngak bruk, ngak ảnh hưởng tal  80% tuia damuai dalam harei. A-li-ta-li-a jeng lac sa dalam  dom hãng kapan haoh prong abih di châu Âu./.

# Thủ tướng Ấn Độ Na-ren-đra Mô-đi (Narendra Modi) harei 29/5 hu mbang nao 6 harei tal 4 taneh ia Đức, Tây Ban Nha, Nga saong Pháp, piah pachreih bruk dau tu di taneh ia langiu tame Ấn Độ. Pháp meda lac libik padheih takai puac di mbang công du di ông Mô-đi. Di ban ine Paris, urang dang akaok Ấn Độ meda biai saong Tổng thống Pháp Em-ma-nu-en Ma-crông rilo bruk di dua gah gam sangka, piah jhul khang talei pambuak bruk chiến lược Pháp- Ấn Độ./.