Khaw tin tuk 10g30-14g30, harei 31/5

          # Patui danak dak mbang nyaom ka 3, harei 31/5, dom urang Quốc hội ginum biai di hội trường ka dự án hukum trách nhiệm bayar brei di karja (pasiam veik) song pang pathau khan ngak cambaih laih bruk hu urang Quốc hội ba tabiak. Beir harei, QH ngak bruk di hội trường, ginum biai Dự kiến danak dak padang ngak hukum pháp lệnh thun 2018 song dự kiến danak dak peih ngak bruk pasang iek di  Quốc hội thun 2018.  

     # Dalam tuk pahadar harei dunya oh njuk pakao hala (31/5) adat pacang caga kanyak jhak di pakao hala urak ini hu quy dinh cambaih ka dom libik pakauk njuk pakao hala. Luat hu ba tabiak labah 4 thun, min urak ini bruk njuk pakao hala di libik công cộng jeng daok rah tabiak rilo jang. Ini lac bruk tavak taviay praong dalam bruk peih ngak muc tieu alam  moi truong oh thak pakao hala di taneh ia drei. Amuk Phan Thị Hải, Phó Giám đốc Quỹ pacang caga kanjak jhak di pakao hala ( mintri y te) brei thau : “Biak nao bruk taong phat di dom urang ngak suan adat pakauk njuk pakao hala di libik cong cọng, kol drei jeng hu xử phạt pluh mbang. Min, kol drei jeng gaok rilo kan kandah, tuk maong mboh dom urang nan njuk pakao hala suan di libik công cộng, min tuk khan brei ka jabat chuc nang mai xử phạt lac dom urang nan nao lihik atau maong mboh blaoh, dom urang nan klak nao lac bruk xử phạt jeng kan kandah kayua oh hu bằng chứng piah xử phạt ngak suan.

         # Harei 30/5, yaok pluh urang ngak Công ty LG Display ba nao cấp cứu di sang iek ruak Đa khoa huyện An Dương, ban Hải Phòng, tui  chuẩn đoán camereip, dom urang ruak njauk jru mek pandap mbang. Hadei di tuk taduan urang ruak, dom  bác sỹ peih bruk dut iek drah, ia meeik,  truyền dịch, brei menyum  men tiêu hóa songkháng sinh…Tapa chẩn đoán camereip, dom urang ruak hu triệu chứng njauk jru mek pandap mbang.

        # Di sang iek ruak meta tỉnh Bình Định, kapul Orbis dunya di Việt Nam pambuak bruk saong Ủy ban bhapbini tỉnh Bình Định peih pakak danakdak sang iek ruak Bay Orbis mbang akaok mereip hu peih ngak di tỉnh ini. Sang iek ruak Bay Orbis lac mô hình duy nhất di dunya pakacah nhãn khoa di kapal ahaok biak bài bản, chuyên sâu, hu công nhân tui tiêu chuẩn y khoa dunya

       # Jaik 13 tuk harei  (30/5), di bon Đắk Snao, xã Quảng Sơn (huyện Đắk Glong, tỉnh Đắk Nông) rah tabia bruk blung ia, 2 adei gaok bala lac adei  Nông Lý Khoa (SN 2008) song adei  Dương Trọng Nghĩa (SN 2009).2 adei ni lac anek saih sang bac tiểu học Lý Tự Trọng, xã Quảng Sơn. Tal melam 30/5, gah chức năng song boh sang urang gaok bala  strong hu  adei  Nông Lý Khoa, dok adei Dương Trọng Nghĩa oh ka duah mboh. Makna ba tal bruk blung ia lac kayua dom adei nao psram caluai ia  di danao Đắk Snao 2 di công ty cà phê 15, xã Quảng Sơn min oh hu bruk tui iek di urang prong.

     # Di ban Cần Thơ, labaih 1000 urang Đoàn, damdara hu mbaok tame bruk halan hatian hè thun 2017. Bruk dam dara halan hatian hè thun ini pataom tame dom bruk dak padang đô thị hadah hadai, padang ngak palei pala barau saong ba gauk pasang iek thanh thiếu nhi di dom huyện, xã, ban sit kan kandah ngan saong chỉ tiêu dak padang takik abih 20 đội hình dam dara halan hatian.

          # Tuk vak ni, urang nong  tỉnh Hậu giang yam tame bilan juak padai hè thu. Min năng suất padai song yaom pablei patrun ngak ka mik va gaok kan kandah. Bilan padai hè thu ni, di tỉnh Hậu Giang trun pajaih labaih 77.000 hecta. Urak ni urang ong juak hu labaih 15.000 hecta rilo meng lac di huyện Vị Thủy, huyện Châu Thành A song ban Vị Thanh. Tui duah thau, hu labaih 25.000 hecta                   

 Khaw tin dunya 

#Tui pathau khan di mintri Y tế - Lao động – Phúc lợi Nhật Bản barau ini, tỷ lệ ba brei bruk ngak di bilan 4 hu 1,48 điểm, glaong abih di 4o thun tapa. Baok số ini brei mboh lac hu 148 libik ngak bruk halan hatian ka 100 urang duah bruk. Ini lac dấu hiệu brei mboh dom công ty Nhật Bản daok pariak gauk piah pachreih urang ngak. Dang anak bruk menuac sia dak harei dak glaong, rajaei di Thủ tướng Xin-dô A-bê (Shinzo Abe) hu duah bruk pachreih urang kumei pataom tame kapul urang ngak saong patagok nang suat tapa cải cách lao động.

           # Ia sua song glut jaleih taneh, hadei di dom mbang hajan khang ngak ka 183 metai di Sri Lanka. Menuac di 7 quận huyện lac hu rilo menuac abih di  gah merong song gah kreik negar Sri Lanka hu panduan ba tabiak truh dom mbon ceik, caga ka bruk glut jaleih taneh. Jiak 75 ribau urang di dom quận huyện gaok ảnh hưởng trak di abih  hu nao sơ tán tal dom khu lều bạt. Di ban tapen tasik Ga-lơ (Galle), gah merong, dalam  3 haerei tapa, hajan dut hu  223 milimet.

# Gah Y tế dunya brei thau, jit tả ngak ka 471 urang metai dalam sa bilan di Y-ê-men, libik bruk vệ sinh daok dak harei dak jhak jang dalam tuk taneh ia ini daok di mbang mesruh dui atah.