Khaw tin tuk 10g30 saong 14g30 harei 10/10

# Uỷ ban Trung ương Mặt trận negar Việt Nam hu peih var taom gaok song dom urang lambaok dom DN piah yaih khan ka danka dak “ba gauk daong urang kan” thun  2017. Amuk  Trương Thị Ngọc Ánh, Phó Chủ tịch Uỷ ban Trung ương Mặt trận negar  Việt Nam ieu dom doanh nghiệp, urang ngak pahla, urang dok dalam song langiu negar ba gauk tame iek glang ka dom urang kan kandah, rik rik jien tame kadung jien ka bruk patrun kathaot khang kajap.

# mBan tacei pato pacang caga bala saong duah daong urang njauk bala dom tỉnh Quảng Bình, Quảng Ngãi, Quảng Nam saong ban Đà Nẵng jeng hu công điện khẩn pandar dom gah, puk palei peih bruk pacang caga saong áp thấp nhiệt đới. Gah pato megru dom tỉnh, ban chủ dong ka anek saih padheih bac tuk rah tabiak hajan xua.  Ông Trần Đình Nhân, Phó Giám đốc Sở pato megru tỉnh Quảng Bình brei thau: Kol dahlak kakei dom puk palei dalam tinh, dom libik meda hu ribuk meyah hajan praong dui atah. Sở jao quyen ka dom co so pato megru, iek tui bruk anak meta piah brei ka anek saih padheih bac piah khik caga siam ka dom adei saong bruk pato.

 # Tui ông Phan Xuân Vũ, Giám đốc Sở Văn hóa-Thể thao song  Du lịch tỉnh Gia Lai, Sở dok pambuak bruk song  Ubbhpa bini huyện Chư Păh caga peih “harei pataom  bingu  Dã Quỳ- Chư Đăng Ya 2017”. Ni lac harei pataom mbang camereip ka bingu dã quỳ, janih bingu dane angan di Gia Lai song  Tây Nguyên. Tui kuhria, harei pataoma hu peih tabiak meng harei  24 tal harei  26-11-2017 di palei Ia Gri, di ala takai ceik Chư Đăng Ya, xã Chư Đăng Ya, huyện Chư Păh.

#Harei 9/10, Ủy ban bhapnini tỉnh Bình Dương hu pahadar harei Doanh nhân Việt Nam (13/10) saong pok meyaom 186 hadah trah tỉnh Bình Dương thun 2017. Urak ini, dalam tỉnh hu 29.500 doanh nghiệp dalam taneh ia tut angan pablei salih. Dom doanh nghiệp dalam tỉnh mek hu đơn hàng ngak pandap tal puac thun  2017 saong quý I di thun 2018.

# Meng thun 2013 - 2017, peih danak dak pathau khan song duik rai ka bruk “ Padang jalan pacang caga, pasiam veik song lagaih song bala meng langik tasik song  biến đổi khí hậu" kayua kapul Liên hiệp urang kamei tỉnh  Bến Tre peih ngak , hu labaih 17.000 boh sang di bhum tasik  ngak siam bruk patrun bala meng langik tasik song lagaih song biến đổi khí hậu. 

# Tui Sở Công thương tỉnh Cà Mau,  bilan 9 barau blaoh, yaom hadang pablei tabiak taneh ia lingiu di tỉnh mek hu jaik 120 triệu USD. Darak pasal pablei tabiak praong di tỉnh hu dom taneh ia : Mỹ, Nhật Bản; Hàn Quốc, Canada.

# Piah khik ramik ba pandap mbang hacih saat tal urang pandar. Ban raya Hồ Chí Minh dok peih bruk pandap mbang hacih saat. Amuk  Huỳnh Thị Kim Cúc, Phó Trưởng ban khik ramik hacih saat pandap mbang  ban raya Hồ Chí Minh lac: “Khol hulin pasang iek pandap mbang oh hu jru mek, ia menyum ka menuk ada , athur menyum,  ia ka bruk rong pala kaya ikan. Tapen di nan, hulin mek pandap nao pasang iek hu jru mek, kháng sinh... halei oh

Khaw tin dunya

# Campuchia meda patabiak rilo sarak pacheih urang bhapnini menek piah patagok dân số di tukvak tal. Meng bilan 1 thun 2018, dom urang ndih tapui lac urang jakar công chức, dom kapul dom urang par phao ndao tuk ndih tapui hu rajaei daong 800 rabau ria (sumu 4 triệu đồng Việt Nam). Meyah menek sinh đôi atau sinh 3 yaok urang anek hu daong  800 rabau ria. 

# Harei  9/10, sa sruh  kapan haoh hãng mblang kapan haoh Mỹ (American Airlines) njauk apui khuah di sa mblang kapal haok pakat dunya di Hồng Kông (Trung Quốc).Tui khau tin di labik ni , mbang khauh nan hu sa urang njauk rambuac./.

# Po patao Thái Lan Rama X barau phê chuẩn bộ luật hữu cơ quy định ka dom đảng phái chính trị saong ba tabiak meng harei 8/10. Bộ luật quy định dom đảng phái chính trị hu 11 phần saong 152 điều khoản. Kuhria caga, Ủy ban soạn thảo Hiến pháp meda ngak blaoh dự thảo dom bộ luật daok veik dahlau harei 2/12.