Khaw  tin tuk 10h30 saong 14h30 harei 10/2

#Mintri ngak nong saong patagok palei pala bahrau tabiak bruk "bilan vệ sinh, pruh jru pametai anek ruak mbang 1 thun 2018" dalam negar, tukvak peih ngak tal abih harei 31/3/2018.  Tui nan, Mintri ngak nong saong patagok palei pala pandar karja puk palei tacei pato, ngak lubang sát trùng di labik jalan sit, đường mòn, jalan biên giới labik drei khik iek…

# Tổng công ty Điện lực bhum gah Brak pambuak bruk saong Công ty Điện lực Sơn La peih jalan menyek Công trình pabak menyek bản Núi Hồng, xã Huy Thượng, huyện Phù Yên, tỉnh Sơn La. Công trình di  Dự án hu pabak menyek ka dom sang oh ka hu menyek di 4 huyện dalam tỉnh Sơn La lac: Thuận Châu, Mường La, Bắc Yên saong Phù Yên. Công trình hu pabak menyek ka 81 sang di bản Núi Hồng. Yau nan, tal urak ini abih tih dom sang di xã Huy Thượng hu pandar jalan menyek negar.

# Urang pala patei mật mốc di xã Tân Long, huyện bhum ceik Hướng Hóa, tỉnh Quảng Trị daok chreih chrai kayau patei hu biak rilo baoh, pablei hu yaom.  Tui yaom urak ini lac meng 50.000 - 400.000 đồng sa /buồng tui patei sit atau praong, siam atau oh. Rilo urang pala patei brei thau, yaom patei thun ini glaong jang thun dahlau, urang blei jeng rilo jang. 

# Piah daong ka urang pala nho di Ninh Thuận gaok khat lihik kayua pandar jru khik caga phun pala (lac jru hareik BecAno 500 SC) oh njauk bruk, Sở ngak nong saong patagok palei pala, Chi cục pala drak saong khik caga phun pala tỉnh Ninh Thuận gam saong Công ty TNHH Bayer Việt Nam saong gah pablei salih jru khik caga phun pala hu pataom tame langyah, njauk hatai gauk bayar jien labaih 300 triệu đồng ka urang pala nho, piah drah samal pala veik. 

# Tukvak ini urang pala quýt đường di xã Tân Lâm, huyện Xuyên Mộc (bhum pala quýt praong abih di tỉnh Bà Rịa-Vũng Tàu) daok yam tame bialn paik quýt Tết. Min oh chreih chrai yau dom thun dahlau, bilan quýt thun ini, dom sang bein daok gaok rilo kan kandah tuk sản lượng quýt trun khang kayua lingik oh lagaih, nan ye hu rilo sang bein oh ka paik baoh bo daok cang hu yaom meng pablei. 

Khaw tin dunya

# Akaok mintri Ngoại giao Trung Quốc Vương Nghị saong akaok Ủy ban Liên minh châu Phi (AU) Moussa Faki Mahamat (Mu-sa Pha-ki Ma-ha-mát) hu peih ginum biai chiến lược Trung Quốc - AU mbang yaka 7 di Bắc Kinh piah duah bruk pambuak gauk khang jang di rilo gah. Piah ngak hu bruk nan, Trung Quốc maong dom taneh ia châu Phi lac dom gah pambuak bruk praong.

# Bruk srau kadau gah chính trị daok rah tabiak di Maldives daok ngak kan kandah trak tal gah du lịch di taneh ia ini tuk dom công ty lữ hành saong dom hãng kapal haoh khan lac klaa rilo đơn hàng.  Rilo taneh ia, dalam nan hu Trung Quốc, Mỹ, Ấn Độ saong dom taneh ia châu Âu hu tabiak panuac kakei bhap bini taneh ia drei ka bruk nao mai

# Brei panuac di mbang nyaom Hội đồng bảo an, ông Miroslav  Jenca (Mi-rô-xláp Gien-ca), Trợ lý Tổng Thư ký Liên hợp quốc ndom lac: yaom lac oh ka hu thau hagait ka dom bruk mesruh gauk, min bruk di Maldives jeng daok căng thẳng saong meda trak rilo jang.