Khaw tin tuk  
10h30 saong 14h30 harei 1/2

# Pahadar 88 thun harei padang Đảng (3/2/1930 - 3/2/2018), 50 thun bruk brok tagok Xuân Mậu Thân 1968 saong caga raok Tết Mậu Tuất thun sak sau 2018, biar harei 31/1, di huyện Củ Chi, ban raya HCM, ong Trần Đại Quang – akaok negar saong kapul ngak bruk di Trung ương hu mbaok di danak dak brei pandap “Tết ka urang kan kathaot saong urang njauk jru mek klik kruac”, alin pandap brei 100 sang sarak karja, sang kan kathaot dalam huyện.

# Ngak bruk saong mban bangsa tỉnh Bắc Giang ka bruk peih ngak dom danakdak, sarak bangsa thun 2017, ông Đỗ Văn Chiến, Ủy viên T.Ư Đảng, akaok mintri, Chủ nhiệm Ủy ban bangsa kakei: Bắc Giang njauk sangka tacei pato ngak tui cơ sở dữ liệu bhum bhapbini bangsa takik; peih ngak siam Quyết định 402/QĐ-TTg phê duyệt Đề án patagok dom urang jakar công chức, viên chức urang bangsa takik dalam tukvak barau.\

# Di Học viện Dân tộc , mBan pan akaok danak dak ngak iek bruk padang bhap bini palei pala bahrau peih ginum biai taong yaom bruk ngak saong ba tabiak jalan pambak praong. Hadei di 2 thun peih ngak, hu 50 sang urang bangsa takik pataom tame sản xuất, ngak kinh tế, kein laba rilo jang 15% dut saong urang daok ngak mbang lingiu, sang kathaot trun samar jang bình quân dalam bhum 20%, oh hu sang kan kathaot veik.

# Lâm Đồng lac tỉnh bhum ceik gah meraong Tây Nguyên, hu labaih 1,28 triệu urang, ngan saong 43 bangsa diukrai, dalam nan bangsa takik meblah labaih 24% menuac dalam tỉnh. Ngan saong bruk dak padang Lâm Đồng tal thun 2020 jeng tỉnh patagok di bhum Tây Nguyên, Lâm Đồng tuk halei jeng maong pato pakai, patagok saong paglaong chất lượng menuac urang lac bruk ngak gam gam, bruk ngak praong saong suai livik.

# Sở Lao động - Thương binh saong Xã hội tỉnh Ðác Lắc bahrau brei thau, tapa pasang iek sang kathaot puac thun 2017, dalam tỉnh daok hu 66.380 sang kathaot, takik jang 10.054 sang duk saong thun 2016, trun samu 2,59%. Dalam nan, sang kathaot dalam bhap bini bangsa takik trun hu 4,19% dut saong thun 2016, meng 34,02% trun daok 29,83%. Piah ngak hu yau nan, dalam thun 2017, tỉnh Ðắc Lắc hu brei ka 47.200 sang kathaot saong dom urang dalam sarak karja mesraiy phun jien 1.251 tỷ đồng. 

Khaw tin dunya

# Di jabat Thủ tướng di ban ine Băng-cốc (Bangkok), Thủ tướng Thái Lan ra-dút Chan-ô-cha (Prayut Chan-o-cha) barau taduan raok Đại sứ Nguyễn Hải Bằng mai salam. Di var taduan raok, Thủ tướng Pra-dút (Prayut) ndom lac talei pambuak bruk Việt Nam – Thái Lan daok di tukvak patagok siam mekre abih meng kan mai tal ini di abih gah.

#  Mintri Ngoại giao Trung Quốc bahrau pachreih Mỹ klaak hatai sahneng yau Yuan lac “chiến tranh lạnh”, iek praong saong pataom tame pambuak bruk, pasang iek dom kadha oh ka njauk gauk saong khik ramik talei pambuak bruk Mỹ- Trung cakrok patagok tani tanat saong khang kajap. Panuac nan hu ba tabiak hadei di tuk Tổng thống Mỹ Đô-nan Trăm ( Donald Trump) ndom tal dalam Thông điệp liên bang akaok meti lac, dom gah yau Nga saong Trung Quốc daok ngak kan kandah tal kinh tế saong kein laba di Mỹ.

# Kayua lingik la ar tuh trun gah meraong Nhật Bản, meng melam kabroi 31/1 tal harei 1/2, dom tỉnh ban ye Cư-ma-mô-tô (Kumamoto), Ôi-ta (Oita) meda hu tuyết laik rilo, ngak duh hatai tal bruk ngak mbang daok dang. Di Tokyo, meng melam 1/2 hu tuyết laik gam tui hajan. Tui Cục pacang caga khuah, bala Tokyo, hadei di tuk tuyết laik, bruk jangan labuh kayua tuyết đóng băng saong ralai rilo jang, yau nan ye, Cục hu ieu yaok urang bhapbini tabiak lingiu njauk cuk takhok saong ao tapha ấm./.