** Biar harei kabroi, 28/2, di Hà Nội, Mintri Y tế saong Liên minh Châu Âu (EU) peih nyaom biai pok meyaom 66 amuk mbuai palei naih gheih dalam bruk iek glang pren yava urang amaik saong saong uraniah. Dalam taneh ia urak ini hu jaik 3.000 amuk mbuai puk palei. Dom urang nan, lac dom urang bangsa takik, hu pilih ruah meng bhap bini, meng bangsa. Hadei di tuk hu Sở Y tế dom tỉnh pato pakai dalam 9 bilan, dom amuk mbuai nan mai veik puk palei mbuai ka bhap bini saong daong pabak bruk ngak amaik siam mekre.

* Tỉnh đoàn Yên Bái pambuak bruk saong Hội Doanh nhân trẻ tỉnh peih ngak Dự án khởi nghiệp ka urang dam dara bangsa takik di palei Khuôn Bổ, xã Hồng Ca, huyện Trấn Yên. Ini lac dự án khởi nghiệp akaok mereip hu peih ngak di tỉnh Yên Bái caik ka urang dam dara bangsa takik. Di ini, Tỉnh đoàn Yên Bái saong Hội Doanh nhân trẻ tỉnh hu alin biển daong Dự án khởi nghiệp ka dua urang đoàn Hờ A Sênh saong Hờ A Chở, palei Khuôn Bổ, xã Hồng Ca, huyện Trấn Yên yaom jien 300 triệu đồng.

** Bruk pathau khan, brei thau adat hukum tal bhap bini bangsa takik di tỉnh Tuyên Quang tukvak tapa mek hu rilo siam mekre. Thun 2017, gah công an tỉnh hu pambuak bruk haong dom kapul, nyaom, karja puk palei peih 557 mbang patahu khan adat hukum bhum urang bangsa takik, bhum atah bayah ka labaih 121.300 mbang urang; Ban Dân tộc tỉnh pambuak bruk haong Tỉnh đoàn peih labaih 10 mbang patahu khan adat hukum di dom xã bhum atah bayah, bhum urang bangsa Mông daok.

** Urak ini, yaom ikan pra (tra) di bhum taneran kraong Cửu Long daok tagok labaih 30.000 đồng/sa kg, tui bruk bayan. Ini lac tanut yaom glaong di rilo thun tapa, daong urang raong hu laba. Yaom ikan tra tagok khang tukvak jaik di ini kayua gah ikan tra daok kurang anek pajaih trak. Anak bruk nan lac ikan nguyen lieu duh ka bruk pablei tabiak taneh ia lingiu dalam thun 2018 daok trun. Min, pabak tame lac yaom ikan tra pablei tabiak taneh ia lingiu hu khik di tanut siam saong meda dui atah dalam thun 2018.

**Harei 28-2,  Ủy ban nhân dân tỉnh An Giang hu var ngak bruk haong lambaok Công ty TNHH MGA Việt Nam-pô đầu tư padang ngak công trình rup patau amuk Chúa Xứ angaok ceik Sam (ban sit Châu Đốc), ngak suh sah menuac sia dalam dom harei tapa.

 Lambaok Công ty TNHH MGA Việt Nam hu payua panuac likau ma-af mikva bhap bini tỉnh An Giang ka bruk padang ngak rup patau amuk Chúa Xứ angaok ceik Sam oh njauk quy trình; oh ka duah thau hatai sahneng di bhap bini. Pô đầu tư hu sanya brei yah klaak rup patau amuk jaik ngak salah dalam adit ini.

Khaw tin dunya

** Pathau khan  di jabat thống kê trung ương Indonesia brei mboh, bruk kan kathaot eik lipa saong bất bình đẳng gah jien mek tame di Indonesia di bilan 9/2017 hu trun duk saong sa thun dahlau nan, meng pasang iek hu chỉ số lạm phát saong danakdak daong brei brah di rajaei. Dalam tukvak ini, tui kuhria hu jaik 26,6 triệu urang Indonesia, sumu 10% menuac sia taneh ia ini, daok di tanut chuẩn kathaot, trun takik dut saong jaik 27,8 triệu urang. Tỷ lệ urang kathaot di Indonesia hu trun meng thun  1999, tukvak hu jaik 25% menuac sia taneh ia lac kathot. 

** Anak bruk urang njauk ruak lao lac urang negar lingiu di Japon tagok rilo, Bộ Y tế saong Lao động Japon hu panuac tacei brei dut iek ruak lao dom urang ngak bruk lac urang negar lingiu dahlau di tuk mai tal Japon. Tui bruk cấp thị thực bahrau di rajaei Japon, dom menuac mai meng 6 taneh ia châu Á, dalam nan hu Việt Nam, khin likau thị thực suai livik brei dut iek lao dahlau di tuk tal Japon. Bộ Y tế Japon ngak tui bruk bahrau nan hadei di tuk mek hu thỏa thuận haong 6 taneh ia nan. Taong abih 6 taneh ia nan jeng hu urang ruak lao rilo

**  Taneh ia Anh daok dang anak adit la ar di abih dalam 5 thun tapa ngan saong mbang không khí laar glaong, ngak tuyết laik tapan, dom bruk nao mai gaok padheih saong yaok ratuh sang bac njauk kareik pambang. Mintri Khí tượng Anh harei 27/2 brei thau tuyết daok nduac tapa bhum đông bắc taneh ia Anh saong gah timul  Scốt-len ( Scotland ), ngak jhak tal dom canah jalan saong liên lạc. labaih 400 sang bac njauk kareik pambang.  Cảnh sát kakei urang bhapbini plaih ndik radaih di jalan meyah oh hu bruk hagait praong njauk nao.

 Thúy Linh VOV TPHCM