Khaw tin tuk 10h30 saong 14h30, harei 13/10

# Peih ngak danak dak taom gaok  cử tridahlau  mbang nyaom ka 4 Quốc hội mbang14, harei kroi  (12/10), Tổng Bí thư Nguyễn Phú Trọng song dom urang  quốc hội ban Hà Nội đơn vị ka 1 peih bruk taom gaok cử tri dom quận Ba Đình, Tây Hồ song  Hoàn Kiếm. Ndom nyai song cử tri  ka bruk pacang caga tham nhũng, Tổng Bí thư ndom lac, bruk langyah urang jakar ngak suan hukum, piah ka urang nan mboh song giác ngộ, tiến lên, urang karei thau piah klah nyaih bruk nan

# Pagaiy ini (13/10), di Hà Nội, Ủy ban Trung ương Mặt trận negar Việt Nam peih nyaom biai pok meyaom 442 akaok Uỷ ban Mặt trận negar Việt Nam pakat xã saong akaok mban ngak bruk hadah trah pakat negar tukvak 2014-2017. Ini jeng lac tuk  piah Đảng, karja saong Mặt trận negar Việt Nam pok meyaom dom bruk ngak hu praong di dom urang jakar nan.

#Kurhia tal tuk vak, mbang ia sua meng bloh di  Sơn La hu  6 urang metai, 2 urang lihik song 3 urang njauk rambuac. Hajan ia sua ngak khut jaleih ba theik 429  boh sang, labaih 660 héc ta padai song njam patam khut kha, rilo danak dak jalan mbak  điện, sang bac, bilai song jalan krong ribong njauk khut trak. Tui kuhria tong abih khat lihik camereip labaih  59 tỷ đồng. Bruk pasiam mbang hajan ia sua di rilo labik dok kan kandah kayua oh nao mai hu, rilo labik oh hu  điện, jalan talei thông tin oh ka pambuak hu.

#Harei 12/10, Ban Thường trực Ủy ban Trung ương Mặt trận negar Việt Nam hu patabiak dom Quyết định daong 2 tỷ đồng tal dom sang gaok khat lihik kayua hajan xua dalam dom tỉnh Hòa Bình, Yên Bái, Sơn La, Thanh Hóa, Nghệ An, Hà Tĩnh. Tui nan, tỉnh Hòa Bình hu daong 1 tỷ đồng; dom tỉnh Yên Bái, Sơn La, Thanh Hóa, Nghệ An, Hà Tĩnh, yaok tỉnh 200 triệu đồng. Daong dom sang hu urang metai lihik (5 triệu đồng/sa urang), hu urang njauk rambuic trak ndih iek ruak 3 triệu đồng/sa urang, dom sang jaleih, dauk ia abih caik dahlau ka dom sang sarak kayua hajan xua dalam puk palei.

#Tỉnh Tây Ninh hu jiak  40.000 giáo dân, 25 giáo xứ, 6 giáo điểm, 1 tu viện, 25 nhà thờ song 2 nhà nguyện. 5 thun tapa, Ủy ban jum pataom Công giáo Việt Nam tỉnh Tây Ninh hu rilo dong ba dalam bruk pakacah gauk anit ranam taneh ia di mik va Công giáo dalam tỉnh. Rai duik di mik va Công giáo dak harei dak tagok glong, hu rilo kreik camin ngak kinh tế joi, mô hình gheih, hu peih prong. Bruk ngak pahla hu giáo dân sangka, song dom cơ sở dưỡng lão, ngak sang anit ranam, sang jum pataom hu yaom labaih 4 tỷ đồng. 

# Tỉnh Kon Tum daok peih ngak đề án “paglaong chất lượng pato megru ka anek saih bangsa takik tukvak 2016-2020” saong tuk akaok mereip ngak hu biak siam. Akaok thun bac 2017-2018, tỉnh hu peih phân hiệu sang bac Phổ thông bangsa gam bac gam daok di huyện Ia H’Drai, peih veik tan bac di dom xã di sang bac Phổ thông bangsa gam daok gam bac huyện Kon Plông, Sa Thầy; padang sang bac Phổ thông bangsa gam bac gam daok -Trung học cơ sở di xã Đăk Long (huyện Đăk Hà), xã Đăk Tơ Lung (huyện Kon Rẫy). 

# Ung thư lac sa dalam dom non trak  y tế dunya, song labaih 23 triệu urang ruak urak ni di dunya. Dalam nan yaok thun hu labaih  14,1 triệu urang ruak bahrau  song 8,2 triệu urang metai. Di negar drei, dom urang ruak ung thư  tagok samar meng 60.000 mbang (thun 2000) tagok 126.000 urang ruak thun 2010 song tui kuhria yam tapa 189.000 mbang dalam thun  2020. Yaok thun, Việt Nam hu labaih  94.000 urang metai kayua ung thư samu song  257 urang metai yaok harei. 

Khaw tin dunya

# Harei 12/10, Ủy ban Thường vụ Quốc hội Campuchia njauk hatai ba panuac brei  ramik pasiam, pabak 4 adat hukum pilih ruah kayua Ủy ban Pháp luật saong Tư pháp di Quốc hội pasang iek, roh duah. Di mbang nyaom di Ủy ban Thường vụ Quốc hội Campuchia pagaiy harei nan, jabat ini jeng njauk hatai ba panuac brei ramik pasiam 4 adat hukum pilih ruah di nhóm nghị sỹ đảng Nhân dân (CPP) cầm quyền ka Ủy ban Pháp luật saong Tư pháp di Quốc hội pasang iek, roh duah ba tagok Ủy ban Thường vụ Quốc hội brei panuac dahlau si ba tabiak mbang nyaom  di Quốc hội brei tabiak. 

# Panuac lac tabiak truh kapul patao pakai  -khoa học-ilamu  di Liên hiệp quốc - UNESCO hu rajaei Mỹ ba tabiak dalam beir harei 12/10, dalam tuk  UNESCO dok hu  mbang nyaom ka  202  di  Hội đồng chấp hành UNESCO hu  58 negar, dalam nan hu Mỹ. Langyah ka brku ngka di drei, gah Mỹ brei thau oh hu mbaok di  UNESCO kayua kapul ni hu dom jalan ngak cagar veik karja Israel, sa dalam dom đồng minh jiak abih  di Mỹ./.

# Meyah negar Anh ba tabiak dom đề nghị barau thoả đáng jang ka paok jien njauk bayan piah tabiak truh Liên minh châu Âu, 27 taneh ia thành viên  Liên minh meda njauk hatai ginum biai saong Anh ka thoả thuận kinh tế meng bilan 12 tal. Ini lac asal kadha praong hu ba tabiak meng sa harak ba ar barau hu urang jakar châu Âu payua ka dom taneh ia thành viên di harei 12/10./.