# Patui veik mbang nyaom ka 26, harei ini 13/8) Ủy ban Thường vụ Quốc hội sua tanghi akaok mentri, Chủ nhiệm Ủy ban Bangsa Đỗ Văn Chiến saong Akaok mentri  Công an Tô Lâm. Mbang sua tangi hu papar binguk, papar sap tapak. Akaok mentri, Chủ nhiệm Ủy ban Dân tộc Đỗ Văn Chiến javap jaleiy ka bruk peih ngak dom sarak brei ka bhap bani bangsa takik, abih di nyu lac dalam bruk ngak dom dịch vụ xã hội cơ bản (yau pato megru, y tế…), hạ tầng xã hội, daong cakrok patagok bruk ngak mbang, pato bruk ngak, langyah bruk ngak; bruk ngak patrun kathaot khang kajap, paglaong rai diuk  ka bhap bani bangsa takik

 # Dalam dom thun tapa, Phòng Giao dịch Gilang pariak sarak karja huyện Thuận Bắc, tỉnh Ninh Thuận  hu jhul khang bruk ủy thác, ba phun jien brei mesraiy ưu đãi tal urang kan kathaot, sang sarak karja, daong ka mikva hu jien ngak mbang patagok kinh tế, tani tanat raidiuk. Ong Nguyễn Ngọc Ba, Phó Giám đốc Phòng Giao dịch NHCSXH huyện Thuận Bắc brei thau: piah ka jien brei mesraiy nao tal tangin urang mesraiy, Jabat hu pambuak bruk haong dom gah, dom puk palei, dom kapul nyaom hu pilih ruah tani tanat bloh meng brei mesraiy. Bruk tui iek urang mesraiy pandar phun jien jeng hu dom puk palei, dom kapul nyaom ngak biak siam. Meng nan, phun jien mesraiy pandar hu siam, rik daong peih ngak siam danak dak bruk ngak negar ka patruh eik patrun kathaot di puk palei.

   # Ong Trần Anh Tuấn, Phaok vụ trưởng Vụ Pato megru Đại học, Mentri Pato megru brei thau, tal harei ini jaik abih dom sang bac đại học hu palih ruah ginup chỉ tiêu. Dom ngành bahrau takik manuac tui bac meda palih ruah dalam mbang hadei. Hadei di mbang tha, mbang palih ruah pabak hu peih ngak meng harei 13/8, pambak tui chỉ tiêu ngành nghề, meyah daok kurang, dom sang bac meda brei thau dalam palih ruah ka 2. Thí sinh njauk palih ruah dalam mbang ka tha, meyah caong khin salih nguyện vọng hu quyền oh taduan mek harak brei tame bac. Yau nan min, ong Trần Anh Tuấn jeng kakei lac thí sinh njauk sahneng kuhria ka nyu cambaih laih.

   # Gah chức năng tỉnh Tiền Giang daok duah, pambuak bruk haong karja, kapul nyaom dom puk palei, dom sang pathau khan, jak ba học viên nduac klaak labik cai nghiện mai veik. Ông Phạm Minh Trí, Giám đốc Sở Lao động- Thương binh saong xã hội tỉnh Tiền Giang brei thau, tal biar harei 12/8, bruk ngak di labik cai nghien hu tani tanat veik. Dahlau di nan, page mesup 11/8 , 242 học viên labik cai nghiện ma túy di xã Tam Hiệp (huyện Châu Thành) yah paga, ba gauk nduac tabiak. Dom urang nan nduac tabiak jalan roya 1, preo iu ngak ka urang nao jalan mboh huac. Hu urang daok mek khan ao di bhap bini cuk tame piah meluk haong bhap bini, mek radaih juak nduac dauk…

 # Harei 12/8, Công an quận 2, TPHCM brei thau, taduan mek hu panuac khan saong daok ngak hồ sơ xử lý mbang taong gauk di kapul urang khik iek saong urang ngak hu bhap bani ba tagok facebook, daok ngak ka manuac sia duh hatai. Makna ba tal bruk taong paoh ini nan kayua dom urang ngak nao tame công trình daok padang ngak oh tuak mũ thi công (me-om ndol nao ngak). Dom urang khik iek hu nhắc nhở ye dua gah khang sap haong gauk blaoh ba tal taong paoh gauk. Urak ini Công an daok ngak  hồ sơ piah xử lý tui njauk adat hukum

Khaw tin dunya

# Hu labaih 80.000 menuac, ginup abih dom tầng lớp xã hội di Ôxtrâylia hu mbaok tame bruk nduac pakacah hu angan ieu lac Xi-ti tu Sắp  hu peih tabiak yaok thun di ban Xít-ni (Sydney), piah ieu  bhap bini rik pataom jien ngak pahla. Jalan pakacah  atah labaih 14 kilômét, meng mblang bein Hai (Hyde Park) di pasak ban Xít-ni tal mblang tasik Bon-đi (Bondi), gah timur ban Xít-ni. Bruk nduac hu makna Xi-ti tu Sắp mbang akaok meti hu peih tabiak di thun 1971, piah daong bhap bini mai jaik gauk jang. Di mbang pakacah thun bloh, mban peih bruk pataom mek hu 4 triệu đôla Ôxtrâylia (AUD), samu 71 tỷ đồng jien rik pataom.

   #Harei 12/8, sa mbang megei baoh taneh khang 6,5 độ rích-re rah tabiak di bhum Tây Nam A-lát-xca  (Alaska) di negar Mỹ. Tui jabat pasang iek địa chất di Mỹ, mbang megei baoh taneh rah tabiak atah di labik Cát-tô-vích (Kaktovik) jaik 64 ki-lô-mét gah Tây Nam. Pasak di mbang megei baoh taneh dalam jaik  9,9 ki-lô-mét. Hadei di mbang megei baoh taneh, hu jang 13 mbang dư chấn karei meng 3,1 độ rích-te tal 4,9 độ rích te rah tabiak di A-lát-xca. Oh hu cảnh báo sóng thần ba tabiak hadei di mbang megei baoh taneh.

# 4h page mesup harei 13/8 tui tukvak di Đài Loan, rah tabiak sa mbang khuah di sa sang iek ruak di ban sit Tân Bắc, Đài Loan, Trung Quốc. Gah chức năng hu ba 76 radaih padam khuah saong 219 urang lin padam khauh nao tal labik piah daong dom urang njauk bala. Tui panuac khan di tuk camereip, mbang khuah nan ngak khat lihik biak trak, ngak brei 14 urang ruak daok cấp cứu pak ini laik tame kan kandah, mbuan metai. Urak ini, gah chức năng jeng daok duah thau makna di mbang khuah nan./.