Khaw tin tuk 10h30 saong 14h30 harei 24-5

# Dalam dom bruk di mbang nao rivang Tây Ban Nha, beir harei23/5  Phó Thủ tướng, Bộ trưởng Ngoại giao Phạm Bình Minh hu taom gaok patao Tây Ban Nha Phê-líp-pê 6 (Felipe VI).  Tapa nan, patao Phê-líp-pê tong yaom glong dom jak jeng dalam bruk patagok kinh tế - xã hội song ba drei tame dunya bo Việt Nam mek hu dalam tuk vak salaih bahrau , brei thau Tây Ban Nha pachreih daong Việt Nam pataogk jang labik dang saong angan je di khu vực song di dunya. 

#Meng akaok thun tal ini, dalam tỉnh Bình Dương hu labaih 1.000 urang ruak pandiak tabiak darah. Ruak ini rah tabiak di dom huyen, ban sit dalam tỉnh. Makna ba tal ruak pandiak tabiak darah lac kayua urak ini tame bilan hajan, mbuan ngak ka jamaok pambak ruak pandiak tabiak darah saong Zika tamuh khang.

# Công an huyện bhum ceik Sông Hinh, tỉnh Phú Yên dok samar duah thau bruk tah yaok rituh phun cao su, ngak khat lihik yaok rituh triệu đồng ka bhap bini. Bruk rah tabiak di bein cao su 5 thun di angaok taneh prong jiak 2 héc ta di ong Phan Thanh Hải di pale Hòa Sơn, xã Sông Hinh, huyện bhum ceik Sông Hinh, tỉnh Phú Yên. Tuk vak jiak di ni, dii huyện bhum ceik Sông Hinh rah tabiak rilo  mbang tah phun cao su, ngak ka urang duh hatai.

#  Bair harei 23/5, tỉnh Bà Rịa – Vũng Tàu hu peih nyaom biai duah jalan trun takik kapal ikan tame libik tasik taneh ia langiu taong cap kaya ikan suan hukum. Meng harei 1-1-2013 tal harei 31-3-2017, dom kapal ikan saong urang ngak ikan di tỉnh ini gaok taneh ia lingiu mek lac 134 kapal ikan di 1.014 urang ngak ikan. Dalam nan, Indonesia taong cap 132 kapal, 997 urang ngak ikan; Malaysia mek 2 kapal di 17 urang ngak ikan; 27 kapal di 161 urang ngak ikan hu taneh ia langiu palao saong nduac mai tame Việt Nam. Paih trun takik kapal ikan di tỉnh Bà Rịa – Vũng Tàu lih tame bhum tasik taneh ia langiu, dom gah pambuak tal di tỉnh caong khin rajaei saong dom mintri njauk mboah tangin tame hiệp định parabha dom bhum tasik di Việt Nam saong dom taneh ia hu chung libik tasik; kapul hải quân, cảnh sát tasik, urang ngak ikan hu mbaok rilo di libik tasik giáp ranh piah khik caga urang ngak ikan.

#Quý I/2018 ban Cần Thơ hu peih bruk padang ngak tatua  Trần Hoàng Na (quận Ninh Kiều) tapa krong  Cần Thơ, labik kreik tatua Quang Trung song tatua Hưng Lợi,  gam  quận Ninh Kiều song quận Cái Răng.  Tong abih phun jien di danak dak labaih 839 tỷ đồng meng phun jien ODA. Tatua hu thiết kế vĩnh cửu; atah 587m, pagar tatua  23m, hu dom labik peih prong  lề nao kabak piah pabak ka bruk du lịch mong iek angaok krong.

#Bair harei 23/5, mBan bangsa ban raya Hồ Chí Minh pambuak bruk saong Ủy ban bhapbini quận 8 peih var taom gaok saong alin pandap ka bhapbini Cam Islam kan kandah dalam quận tame bilan eik Ramadan 2017. Ban bangsa ban raya hu alin 100 paok pandap ka 100 sang kan kandah, tadhau yuh mikva Cam mbang eik Ramadan siam mekre. Dalam bilan eik Ramadan thun ini, mbang bangsa ban raya Hồ Chí Minh hu alin labaih 304 paok pandap ka dom sang bhapbini Cam kan kandah dalam ban. Yaok paok pandap hu yaom jien lac  400 rabau đồng. 

#Urak ni, yaom liu thu di tỉnh Bến Tre tagok biak glaong, meng 110-120.000 đồng sa pluh (12 baoh), tagok jiak 2 mbang dut song tuk vak ni thun dahlau.  Hu  yaom glong min sang duah hu jien takik kayua  năng suất phun li u trun  labaih  60% dut song thun dahlau .Makna lac kayua pandiak mbak meng thun bloh, dom mblang bein liu dok hu halak mbang nan ye năng suất trun.  

Khaw tin dunya

# Hội đồng Bảo an Liên hợp quốc harei kabroi 23/05 hu nyaom khẩn cấp ka bruk hạt nhân Triều Tiên, min jeng oh mek hu kết quả cambiah halei greih yau mbang nyaom adit dahlau. Di mbang nyaom, Trung Quốc, đồng minh saong đối tác pablei salih praong di Triều Tiên, hu khan cambaih lac njauk ngak dahlau bruk jhul khang dom mbang ginum biai  ngoại giao, salih ka áp đặt veik bruk trừng phạt. Trung Quốc jeng padrak dom taneh ia ginum biai saong Triều Tiên, taphia nan, ngak ginup dom lệnh trừng phạt hu blaoh di Liên hợp quốc ka Triều Tiên taphia dom bruk papar thử tên lửa saong hạt nhân di taneh ia ini.

#Ủy ban châu Âu dok kham merat ngak ka jien  ơ-rô hấp dẫn jang ngan song dom negar  thành viên Liên minh châu Âu karei dok dang langiu khu vực jien châu Âu. Ni lac khau tin hu Cao ủy Kinh tế Liên minh châu Âu (EU) Pi-e-rơ Mốt-cô-vi-xi (Pierre Moscovic) khan haong gah ngak báo harei  23/05.

# Kim ngạch nhập khẩu pandap panda meng Triều Tiên di Trung Quốc di bilan 4 hu trun tanut bair abih di jaik 3 thun, ngak hu ala 100 triệu đôla Mỹ. Dom bilan jaik ini, Trung Quốc trun khang pandap panda blei tame meng Triều Tiên, đặc biệt padhieh blei tame than đá. Bruk Trung Quốc khan brei thau padheih blei dang meng Triều Tiên lac sa bruk kham merat piah ngak tui lệnh trừng phạt Triều Tiên di Liên hợp quốc../.