Khaw tin tuk 10h30 saong 14h30 harei 25/5

* Harei 24/5 Phó Thủ tướng, Akaok  mintri Ngoại giao Phạm Bình Minh hu mbaok saong pan akaok mbang nyaom peih mbaok Diễn đàn kinh tế Việt Nam – Tây Ban Nha hu angan “Jak ba gauk: Jalan pambuak bruk di doanh nghiệp Việt Nam song Tây Ban Nha” mbang rivang di  Tây Ban Nha. Pok panuac di mbang Diễn đàn, Phó Thủ tướng, akaok mintri  Ngoại giao Phạm Bình Minh ndom lac Việt Nam pagam hu “ba ổn định” về chính trị - an ninh; chính sách taduan hu phun ưu đãi  đầu tư; song luac di abih nan lac tani tanat dalam sarak oh salih bahrau, salih bahrau chính sách kinh tế di rajaei.

 *   Harei kabroi 24/5, Ủy ban bhapbini tỉnh Đăk Nông patabiak harak phạt  Công ty Cổ phần Kỹ nghệ gỗ MDF BISON (angan klak lac Công ty Cổ phần Kỹ nghệ gỗ MDF Long Việt) ngak nerak alam môi trường di xã Thuận Hạnh,  huyện Đăk Song ngan saong paok jien phạt 140 triệu đồng. Langiu nan, Ủy ban bhapbini tỉnh Đăk Nông daok pandar công ty ini njauk brei thau bruk ramik pasiam nerak ka Sở Tài nguyên Môi trường dahlau harei 30/5 piah dut iek bruk peih ngak.

*    Di ban Đà Nẵng, Liên hiệp hội ka urang jaoh jo Việt Nam hu peih  nyaom biai ka quyền urang jaoh jo. Urak ni negar drei hu labaih  8 triệu urang jaoh jo hu labaih 8,7% menuac urang. Dom urang hu mbaok di nyaom biai cong khin karja sangka peih bruk  salih bahrau dom quyền di urang jaoh jo; hu sarak dong ka urang jaoh jo yau dong ba xã hội, ie kglang pren yava, mesraiy phun jien tagok bruk ngak mbang dong duah bruk ngak.

 * Daok dalam dom bruk ngak di bilan Công nhân thun 2017, Liên đoàn Lao động tỉnh Phú Yên hu pambuak bruk saong Công đoàn gah Y tế peih bruk iek ruak phụ khoa, siêu âm dut iek tầm soát ung thư saong khám thai ka jaik 300 công nhân kumei daok ngak bruk di Xí nghiệp jhik An Phát, di Công ty Cổ phần An Hưng di huyện Tây Hòa. Harei ini, urang dang akaok Liên đoàn Lao động tỉnh Phú Yên hu ranyi ravang saong alin 20 paok pandap ka công nhân sang kan kandah, gaok ruak hiểm nghèo daok ngak bruk di ini, yaok paok pandap yaom jien 300.000 đồng.

*  Chi cục  Thú  y tỉnh Cà Mau brei thau makna ngak ka hàu di Hợp tác xã (HTX) rong hàu lồng xã Đất Mũi metai. Kết quả dut iek mẫu oh duah mboh janih vi sinh halei ngak metai hàu. Angaok bruk nan urang hu panuac khan , hàu bhian metai dalam tuk vak hajan,  jalan ia taba tatuhak tabiak tasik nao tapak tapa dom  bè hàu di mik va, yau nan ye, makna  hàu metai lac kayua  sốc môi trường..

* Thun ini, tỉnh Tiền Giang saong Bến Tre hu jaik 24.000 thí sinh hu tut angan pataom tame pakacah trung học phổ thông pakat negar thun bac 2016-2017. Dalam nan, Tiền Giang hu labaih 13.000 thí sinh, Bến Tre hu 10.900 thí sinh. Piah daong dom adei pakacah hu ket qua glaong, dom sang bac daok peih pasram, patagok tiet bac ka dom adei; maong tame dalam cấu trúc dạng đề peih pakacah thử ka dom anek saih tan bac 12.  

* Dalam var ngak bruk song tỉnh Đồng Tháp harei  24/5, ka bruk khik caga, an toàn giao thông dok dalam tỉnh Kapul ngak bruk Ủy ban An toàn giao thông pakat negar hu panuac ieu  dom puk palei tagok bruk pathau khan, pato pakai adat hukum, song peih bruk tui iek, caik dom biển báo giao thông song tuk vak giảm tốc ngan song dom jalan mbak puk palei. Dalam 5  ra bilan akaok thun ni di  Đồng Tháp hu rah tabiak 74 mbang tai radeih phaoh gauk d iangaok jalan, ngak ka 60 urang metai, 54 urang njauk rambuac. 

Khaw tin dunya

* Harei kabroi 24/5, sa baok gilai pajeng 200 urang di cư hu gaok pableih langiu tasik Libi, dalam nan, labaih 30 urang, rilo jang lac uranaih metai. Dom urang di cư ini jeng hu ao phao tuk baok gilai pajeng dom urang nan gaok pableih. Dom kapal daong bala oh mai tal drak samal piah dom adei oh pataoh jamo ini. Dalm thun ini hu labaih 1 rabau 300 urang metai di jalan tapa Địa Trung Hải khut meng Trung Đông – Bắc Phi piah nao tal châu Âu.

* Tui Đô đốc Ca-xu-tô-si Ca-goa-nô- urang dang akaok  cơ quan phòng vệ Nhật Bản- bruk njauk duh hatai di abih urak ni lac thiết bị hạt nhân di Triều Tiên hu ngak sit tal tanut meda ba tame đầu đạn di tên lửa. Đô đốc Ca-xu-tô-si Ca-goa-nô ndom lac, Nhật Bản dok kuhria tal bruk peih ngak hệ thống tên lửa tong cakak bahrau song patagok kapan gaiy mesruh A-git (Aegis) song  hệ thống tên lửa phòng thủ Pa-tri-ốt PAC 3 (Patriot Pac-3).

*Tổng thống Pháp Ê-ma-nu-en Ma-crông (Emanuelle Macron) daok cân nhắc peih praong bruk khẩn cấp dalam taneh ia tal bilan 11 thun ini hadei tuk quy định patabiak tal harei 15/7 tal. Bruk ngak di rajaei Pháp ba tabiak 2 harei hadei tuk taneh ia Anh rah tabiak bruk khủng bố di ban Man-chét-xtơ (Manchester). Meyah đề xuất hu Quốc hội Pháp phê chuẩn ini lac mbang yaka 6 Pháp peih praong bruk  khẩn cấp./.