Khaw tin tuk 6h30 harei 11/10

         # Urak ni, rilo boh sang mik va bangsa takik dok di dom xã bhum ceik di tỉnh Sơn La daok salih  taneh pala oh kein liba tapa pala phun sơn tra. Urak ni, tỉnh hu labaih 7.000 ha phun sơn tra, pala di dom huyện: Bắc Yên, Mường La, Thuận Châu. Pandap ngak meng boh sơn tra hu menuac blei takre.  

# Ủy ban bhapnini tỉnh Phú Thọ barau tabiak bruk brei kaoh kadung jien karja tỉnh  4 tỷ 700 triệu đồng daong ka dom sang raong ikan lồng gaok khat lihik trak kayua mbang xả lũ dom danao thủy điện rah tabiak di bilan 7 barau blaoh dalam  tỉnh. Dalam nan, huyện Thanh Thủy hu daong 4 tỷ đồng, Thanh Sơn 400 triệu đồng saong Đoan Hùng 310 triệu đồng.

         #  Tui gilang pariak sarak karja dhar tỉnh Khánh Hòa, phun jien brei mesraiy dak harei dak pabak hu bruk caong mesraiy di rilo boh sang kathaot saong urang dalam sarak karja, song yaom jien brei mesraiy abih tih labaih  2.225 tỷ đồng, tagok 20 mbang dut song thun 2003.

# Harei 10/10 kapul Sinh viên Tây Ninh (hu dom ayut ranaih umo daok ngak bruk saong bac megru di ban raya Hồ Chí Minh) hu peih danakdak “ Urang raraih umo Tay Ninh pamaong tal palei negar. Mbang ini kapul sinh vien Tây Ninh alin 110 paok pandap ka dom sang sarak, sang kathoat saong anek saih yam tapa kan kandah bac da-a naih joi. Kuhria tabiak yaom jien abih tih 65 triệu đồng.

         # Harei 10/10, di pasak dịch vụ bruk ngak  Đồng Nai rah tabiak  sàn giao dịch bruk ngak  mbang ka 137. Hu 19 doanh nghiệp, đơn vị tut angan tame palih ruah urang ngak song pato pakai bruk ngak 

# Công ty CP pablei salih Khí gah meraong urak ini daok brei saoh lưới nhựa khik caga bình gas (janih bình 12kg) ka urang ngak ikan libik tasik Vũng Tàu, Nha Trang, Bình Định.  Bruk brei saoh lưới nhựa khik caga bình gas piah trun takik bruk rah tabiak bruk patuh khuah.

         #Tui  ong Trần Thanh Đức, Phó Chủ tịch Ub bhap bini  tỉnh Tiền Giang, meng akaok thun tal ni, bruk dui pachreih dom danak dak xã hội hóa dalam tỉnh hu siam lagaih, ngan song  35 danak dak hu yaom jien abih tih jiak  2.000 tỷ đồng. Dalam nan, hu dom danka dak prong yau Khu xử lý chất thải rắn di gah pai, hu yaom phun jien abih tih labaih 920 tỷ đồng, danak dak mblang bein nghĩa trang Vạn Phước Viên di  huyện Châu Thành yaom labaih 460 tỷ đồng…

# Meng ini tal thun 2020, tỉnh Kiên Giang peih ngak chuỗi pambuak gauk raong ikan lồng bè angaok tasik di xã đảo Hòn Nghệ, huyện Kiên Lương. Piah ngak hu bruk ini, Sở ngak nong saong patagok palei pala tỉnh Kiên Giang gam saong dom puk palei peih ngak jeng libik rqaong ikan lồng bè tập trung. Taphia nan, khik khoảng cách siam mekre di dom bè raong, eng nyu ngak hacih alam môi trường

Khaw tin dunya

 # Dom mbang khuah glai pambak khang kayua hangin khang nao tapa labik gah brak  bang Ca-li-phoóc-nia, Mỹ. Takik di abih 10 urang metai , song yaok rituh boh sang song  cửa hàng njauk apui khuah song labaih 20 ribau urang hu ba nao labik karei dok.

 # Đại sứ Vê-nê-xu-ê-la tại Cộng hòa Đô-mi-ni-ca-na (Dominicana) A-li U-xca-tê-gai (Ali Uzcategui) barau brei thau, rajaei saong gah đối lập di Vê-nê-xu-ê-la meda pambuak veik bruk ginum biai di adit tal di Cộng hòa Đô-mi-ni-ca-na, hadei mbang pilih ruah puk palei di Vê-nê-xu-ê-la tui kuhria rah tabiak di harei 15/10.

#  Tui khau tin di puk palei,  harei  10/10, sa tên lửa đạn đạo Ca-hơ 2 (Qaher 2) cuh meng  Yê-men laik trun  labik  Tây Nam di A-rập Xê-út. Urak ni oh ka hu panuac khan ka bruk metai lihik atau khut khat meng bruk ni.