1# Mbang akaok meti di TP Hồ Chí Minh, Festival brei ka nghệ thuật tamia rối hu angan “Giấc mơ hijao” peih ngak meng harei 16 tal 18/8. Danak dak nan lac bruk pataom mbaok di dom sang daoh tamia rối dalam negar saong dom jabat nghệ thuật hu  bộ môn tamia rối yau: Sang daoh tamia rối Việt Nam, Sang daoh tamia nghệ thuật Phương Nam, Sang daoh tamia rối Hải Phòng, Sang daoh nghệ thuật Cánh Diều, Sang daoh nghệ thuật đương đại Đồng Nai.. FESTIVAL tamia rối “Giấc mơ hijao” oh njauk lac harei nyaom di dom urang ngak nghề, bo tapa ini daok peih tabiak salan nao ka dom loại hình nghệ thuật bangsa karei. Kayua lac caong khin nghệ thuật bangsa oh lahik nao, daok diuk hamiat haong thun bilan, taphia di bruk kham merat di dom nghệ sĩ, njauk hu môi trường piah ka nghệ thuật bangsa patagok, taphia di nan njauk hu bruk sangka, daong ba di dom jabat chức năng jeng yau dom kapul nyam tổ chức, cá nhân, ngak brei ba nghệ thuật bangsa tal bhap bani tui dom jalan ngak karei di gauk.

2 # MBan peih bruk Hoa hậu Viet Nam bahrau patabiak thaot bingu mekre yau ndih lapei di dom hoa hậu meng thun camereip tal hoa hậu urak ini. HHVN 2018 hu sa melam Đại hội nhan sắc  hu mbaok dom hoa á hậu praong abih meng dahlau mai. Gala 30 thun HHVN kayua Tổng đạo diễn Hoàng Nhật Nam padang ngak, hu peih tabiak harei 18/8 di Tuần Châu saong hu papar binguk tapak tukvak 20h angaok VTV9, VTV6.

3 # Parang iek Mỹ thuật khu vực VII - Đông Nam bộ mbang ka 23 thun 2018 meda rah tabiak dalam harei 28/8 tal abih harei 3/9/2018, di Pasak ilamo tỉnh, TP. Phan Thiết. Mbang parang iek kayua Hội Mỹ thuật Việt Nam pambuak haong Bình Thuận peih ngak. Mbang parang iek meyaih khan 145 tác phẩm di 130 tác giả di 9 tỉnh Đông Nam bộ (dalam nan,  Ninh Thuận hu 8 tác phẩm; Lâm Đồng 15; Đắk Nông 11; Bình Phước 10; Bình Dương 29; Tây Ninh 14; Đồng Nai 24; Bà Rịa - Vũng Tàu 13; Bình Thuận 21).

   4  # Uan bilan tame thun bac bahrau thun ini, Nhà xuất bản (NXB) Kim Đồng brei tabiak mbaok rilo tác phẩm văn học biak gheih brei ka uraniah. Lambaok NXB Kim Đồng brei thau, ini jeng lac tác phẩm di dom tác giả bahrau, hu angan di dunya vak ka uraniah daong hu urang takre. Meng akaoh haroh mbiah, blah rup cih mekre, chreih chrai, dom tác phẩm ini lagaih haong urang puac tapuk lac uraniah sit meng 6 -10 thun.

    # Di Pasak iIamo padhih – bac megru cộng đồng xã Phước Vinh, Công ty cổ phần Doanh nhân Tây Ninh pambuak haong Kapul nyaom urang kamei xã peih tal pato tacei  ilamo raong limo ka 35 học viên nan lac bhap bani puk palei. Manuac urang hu mbaok tame tal bac ini nan lac urang kamei kathaot oh ka hu bruk ngak tani tanat. Dalam labaih 20 harei pato tacei, học viên hu pato dom asal kadha chính: jalan pandar pajaih, ilamo raong, mong iek saong pacang caga ruak ka limo. Tal bac palaghaih ka bhap bani daok palei pala hu ilamu kiến thức pandar tame bruk raong glang piah cakrok patagok kinh tế baoh sang.

Khaw tin dunya 

 # Dalam mbang pandiak khang dui atah 15 harei di Anh saong xứ Wales meng bilan 7 tapa bilan 8 mng bloh, urang metai rilo jang yaok thun jaik 700 menuac. Tui kuhria, menuac metai kayua lingik pandiak di negar Anh dalam thun ini meda tagok tal 1.000 urang. 

# Giáo sư Fernando Pardo - Manuel de Villena, akaok nyaom roh duah dalam sang bac Đại học Bắc Carolina (Mỹ) brei thau, mong iek gah di truyền, anek manuac jaik abih dreh ame ralo jang dreh amaik. Dalam roh duah ini, dom urang khoa học palih ruah 3 pajaih takuh ngan haong dom janih gene karei di gauk. Nyu hu lai pajaih piah pajeng tabiak 9 janih takuh anek. Kết quả brei mboh, hu bruk labik cân bằng di dom drei takuh anek tuk nyu hu thừa hưởng gene não meng ame ralo jang. Kadha ini hu makna lac dom gene di rai anek meda karei di gauk pambak tame khả năng thừa hưởng meng ame atau amaik. Ini lac roh duah akaok meti brei mboh anek athur hu tasau gene di truyền meng amek ralo jang amaik. Kadha ini meda peih tabiak pabah mbang ka sa kỷ nguyên bahrau ka dom khám phá gene di truyền di anek manuac.

 # Dom urang khảo cổ Mexico City bahrau duah mboh talang di sa uraniah daok gah la takai sa baoh kandi klak, hu maong lac menuac paling yang ia harei saong yang mesruh metak Aztec, Tạp chí History di Mỹ brei thau, jaik 600 thun dahlau, kandi klak Templo Mayor glaong labaih 60 mét daok kreh pasak ban klak Tenochtitlan di urang Aztec lac labik ngak adat ginreih saong hu biak rilo menuac sia, paling yang Huitzilopochtli, saong ngak dom adat yau đấu kiếm bak darah, am cuh menuac, paling yang meng uraniah daok diuk.