# Thun 2016, Đại học Quốc gia Bal raya Hồ Chí Minh saong Đại học Quốc gia Hà Nội mbang akaok mereip dang tame Top 150 đại học siam abih châu Á. Ndom ka gah  học thuật, Đại học quốc gia bal raya Hồ Chí Minh dang ka 55, daok ndom ka sinh viên tốt nghiệp dang ka 141. Tal bilan 9 thun ini, dom jabat di sang bac hu peih ngak labaih 710 hợp đồng panduan jao công nghệ saong dịch vụ Khoa học công nghệ ngan haong yaom jien mek tame hu abih tih labaih 140 tỷ đồng.

# Piah khik tanat darak pasal di tuk tTết, Sở Công thương tỉnh Ninh Thuận hu jak ba jaik 20 doanh nghiệp dalam tỉnh tame  bruk khik tanit tanat yaom, dalam nan tỉnh brei 18 tỷ đồng ka 4 doanh nghiệp mesraiy oh mek laba dalam 3 bilan piah khik piah pandap; taphia nan daong dom doanh nghiep duah pataom pandap, peih praong dom libik pablei salih, ba pandap nao tal tangin urang blei, abih di nyu nan lac bhum atah bayah ngan saong yaom bair jang di darak pasal 10%.

# Bal raya Hồ Chí Minh urak ini hu labaih 64.900 baoh sang kathaot ka jien mek tame, meblah 3,32% taong abih bhap bani. Yau nan min, tui jalan dut iek kathaot tui rilo gah ngan haong 5 gah xã hội nan lac pato pakai, y tế, bruk ngak saong bảo hiểm xã hội, bruk diuk rai, taom gaok thông tin ye 0,8% baoh sang di bal raya kathaot rilo gah. Dalam nan, ilamu ngak bruk, bảo hiểm xã hội saong sang daok nan lac 3 kurang glaong di abih njauk brei ngak dahlau ka taong abih baoh sang kathaot saong jaik kathaot. Nan ye, bal raya njauk đầu tư ka dom  gah kathaot tui thứ tự brei ngak dahlau lac: pato megru, bảo hiểm xã hội, bruk diuk rai saong  dịch vụ y tế. 

# Thun 2016, dom hội viên, urang nông dalam tỉnh Long An halan hatain rik daong jien, taneh, pren ngak piah dak padang saong ramik pasiam tatua, kraong ribaong, dui menyek truac hadah, cong trinh ia hacih…bruk ngak hu nan lac ramim pasiam saong ngak barau 299 mbaik tatua, tuh bê tông 715 km jalan nao mai di palei pala, ngak 363 km kênh kraong ia nội đồng…saong yaom jien ngak abih tih labaih 132 tỷ đồng saong labaih 23.400 harei ngak. Urak ini, dalam tỉnh Long An hu 50 xã mek hu chuẩn palei pala barau.

# Hậu Giang kham merat tal thun 2021 mek hu meng labaih 99,5% bruk dom uranih 5 thun tame bac saong uranaih umo 5 thun ngak salah blaoh danak dak pato megru mầm non meng 95%. Taphia di nan tỉnh daok khik pasiam, pakajap chất lượng phổ cập pato megru tiểu học, cơ sở vật chất… Urak ini, dalam tỉnh hu 85 sang bac, dalam nan hu 84 sang bac công lập saong dom sang bac tư thục. taong abih xã phường, ban sit hu sang bac mầm non ginup duk bac khang kajap saong bán kiên cố mek hu chuẩn. Dalam tỉnh hu 157 nyaom uranaih, 845 tal mẫu giáo.

#Công ty Trách nhiệm hữu hạn sa thành viên Lê Hoàng Đô, tỉnh Tiền Giang daok padang ngak bến phà Bình Tân - Cửa Đại, tapa cửa Đại (kraong Tiền) praong 2,5km dui pagam xã Phú Đông, huyện Tân Phú Đông, Tiền Giang saong xã Bình Thới, huyện Bình Đại, Bến Tre ngan saong yaom jien buh tame ka dự án: jaik 22 tỷ đồng. Tui kuhria bến phà ba tame ngak bruk di harei 6-1-2017.  Bến phà Bình Tân - Cửa Đại ba tame pandar meda dui katut jalan meng Bình Đại, Bến Tre mai ban raya Hồ Chí Minh jaik 68km, rik daong pajeng ba tuai damuai, pandap panda saong dom radaih nao mai di jalan, khik caga siam; taphia nan peih praong bruk taom gaok ilimo, kinh te dua tỉnh Tiền giang, Bến Tre patagok.

# Kapul pasang iek liên ngành tỉnh Trà Vinh brei thau, tapa pasang iek 183 cửa hàng, labik ngak, pablei salih khak drak, vật tư ngak nong dalam tỉnh, dom jabat chức năng hu duah mboh 108 mbang ngak suan, meblah 60% dom đơn vị pasang iek. Dom gah hu taong phạt dom labik ngak suan yaom jien labaih 1,6 tỷ đồng. Ngak suan ralo di abih nan lac khak giả, khak oh hu chất lượng. Yau nan min, tavak urak ini hu ralo labik ngak suan veik 2 – 3 mbang min tok taong phạt jien, oh ka langyah catang yau mek veik harak brei adat ngak nan ye dom jabat ini ngak suan mit. 

Khaw tin dunya

#Tổng thống đắc cử Mỹ Đô-nan Trăm harei kabroi brei thau, bruk Mỹ pambuak bruk di gah công nghệ glaong di Nhật Bản meda pabak ka labaih 8 rabau bruk ngak barau ka bhapbini Mỹ di tukvak tal. Brei panuac saong báo giới di bang gah meraong Flo-ri-đa, Tổng thống đắc cử Đô-nan Trăm ndom lac, tok pambuak bruk di gah mạng di động Sprin di Sóp-banh jeng ngak tabiak jaik 5000 bruk ngak dalam tuk công ty liên doanh Oăn-ép jeng daok di Sóp-banh hu ba mai ka  bhapbini Mỹ jaik 3000 bruk ngak barau.

#Harei kabroi (29/12), Raja-ei Hàn Quốc hu brei patrun dự báo patagok kinh tế ka thun 2017, meng 3% trun daok 2,6%, kayua tui kuhria dahlau bruk pasiam veik dalam pablei tabiak negar langiu di nền kinh tế prong ka pak  châu Á ini meda pambak tui bruk patrun blei pandar dalam negar. Raja-ei Hàn Quốc jeng ba tabiak ralo jalan ngak piah jhul pakhang jalan patagok veik saong pasiam veik dom rủi ro ngan haong nền kinh tế negar ini dalam thun hadei. Cambaih laih, Raja-ei Hàn Quốc meda pandar sarak jien padai peih prong, rami ramik veik dom kapul nyaom kinh tế prong, jhul pakhang bruk salih bahrau cơ cấu saong daong pren khang ngak jeng bruk ngak, taphia di nan tui iek catang bruk meda rah tabiak dom nguy cơ jien padai.

# Di ban du lịch Xiêm Riệp, Campuchia barau rah tabiak melam pataom  ilimo , nghệ thuật ASEAN – Trung Quốc. Ini lac sa dalam dom bruk ngak salam uan pahadar 25 thun harei pambuak bruk đối thoại ASEAN – Trung Quốc. Harei pataom hu lambaok di Đại sứ quán dom atneh ia dalam khối saong lambaok di dom kapul langiu rajaei. Di melam peih pakak, dom nghệ sỹ, vũ công di dom taneh ia hu parang iek dom kadha daoh tamia biak gheih di bangsa drei piah yaih khan saong dom bangsa karei dalam khối./.