# Liên đoàn  lao động Bal raya Hồ Chí Minh bahrau peih bruk pahadar 128 thun harei menek di Chủ tịch Tôn Đức Thắng (20-8-1888 – 20-8-2016). Tapa nan, dom urang lambaok ba gauk hadar veik rai diuk saong bruk ngak di Chủ tịch Tôn Đức Thắng-Urang ba abih rai di drei ka bruk ngak cách mạng peih paha bangsa saong dak padang taneh aia. Sa kareih camin ka hatai trung thành, abih hatai jai ka Đảng, ka bhap bani, lac camin hadah di giai cấp công nhân Việt Nam. 

       # Mban tacei jalan Tây Bắc, Tạp chí Cộng Sản pambuak saong Tỉnh ủy Sơn La barau peih nyaom meyai khoa học ngan saong kadha: “patrun kathaot rilo gah khang kajap: bruk di anak meta saong jalan ngak ka dom tỉnh Tây Bắc. Di nyaom meyai, mban peih bruk taduan hu 75 tham luận saong panuac di dom đại biểu, pataom tame 3 nhom bruk praong yau: ngak cambaih jalan ngak di Đảng, karja ka bruk patruh eik patrun kathaot, dalam nan mboh lac patruh eik patrun kathaot lac jalan ngak praong dalam bruk dak padang, patagok taneh ia.

        # Bhap bani palei pala di tỉnh Lào Cai hu pandar aia hacih tal urak ini labaih 85%;  sang jaman hacih sa-at hu jaik 58%. Ini lac bruk ngak hu meng  peih ngak danak dak aia hacih saong sa-at môi trường palei pala. Yau nan min tui taong yaom, bruk ba aia hacih oh ka khang kajap kayua ralo công trình pandar lavik thun, daok khut nao; ralo công trình njauk hajan ribuk ngak tayah oh ka pasiam veik hu; dom công trình oh hu ia pabal dalam bilan thu.

       # 7 bilan tapa, di tỉnh Thừa Thiên - Huế hu labaih 100 urang njauk ruak pandiak tabiak drah, ralo jang dua mbang duk saong thun dahlau, mboh ralo abih di huyện Phong Điền saong ban sit Huế. Urak ini jit pandiak tabiak drah daok tamuh khang di tỉnh Thừa Thiên-Huế. Piah pacang cakak jit pandiak tabiak drah, UB bhap bini tỉnhThừaThiên - Huế pandar dom ngành, puk palei patagok bruk pacang cakak pandiak tabiak drah, langyah khang dom sruh jit ruak, oh lui tamuh jit ruak. Dom labik y tế kuhria caga jru, hóa chất saong pandap panda piah taduan saong iek ruak ka urang ruak.

       # Bruk buôn lậu, bleik saleik dalam pablei salih saong pandap ja pak bal Cần Thơ daok rah tabiak  rilo. Janih pandap buôn lậu mboh ralo nan lac pakau hala ba meng negar langiu tame,  khan ao, pandap ma-in ka uranaih, alak, bia, har kẹo, pandap điện pandar dalam sang…Ong Trương Quang Hoài Nam, Phaok Akaok Uỷ ban bhap bani bal Cần Thơ brei thau: “Pandap lậu daok hu ba tame meng tuk ini Daok pataom pandap ka tết. Njauk tui iek ka yu cambaih, oh caik ka bruk ini rah tabiak yau dom thun dahlau”. 

        # Caga ka thun bac barau 2016 – 2017, tỉnh Đắc Lắc hu buh tabiak 146 tỷ đồng padang ngak, pasiam veik cơ sở vật chất, blei pandap panda duh ka bruk pato saong bac. Đắc Lắc hu padang ngak barau saong pasiam veik 560 sang bac, sang hiệu bộ; blei pandap halang ia tinh khiết, thiết bị pato sap negar lingiu, pandap pacang padam khuah, TDTT. Dalam nan, pataom tame padang ngak, pasiam veik dom labik sang bac di dom  bhum atah bayah di dom huyện Buôn Đôn, Ea Súp, Ea H'Leo, Krông Năng.

        # Giải vô địch ranaih saong dom nyaom umo Thể dục dụng cụ Đông Nam Á meda rah tabiak meng harei 26-28/8 pak Cung thể thao tổng hợp Quần Ngựa, Hà Nội. Ini lac mbang akaok meti Việt Nam dang tabiak peih sa giải đấu dunya ini. Dalam 3 harei pakacah, 87 Vận động viên Việt Nam saong dom Vận động viên Sigapore, Malaysia, Philippines meda pakacah dom asal pakacah đồng đội, toàn năng cá nhân, thể dục tự do likei, kumei; ngựa vòng, vòng treo, nhảy chống, xà kép, xà đơn likei; nhảy chống, xà lệch, cầu thăng bằng kumei brei ka dom umo meng 9-18 thun.

        Patui di ini dom khau tin dunya:

      # Rajaei Mỹ brei thau, Tổng thống Mỹ Ba-rắc Ô-ba-ma tui kuhria hu mbang nao rivang TQ saong Lào akaok bilan 9 tal. Dalam mbang nao rivang TQ, ong Ô-ba-ma hu mbaok tame nyaom meyai pakat glaong di abih G20, tui kuhria hu rah tabiak di harei 2/9 tal. Di labik nan, Tổng thống Mỹ hu kadha ndom puac quan trọng brei mboh yaom glaong di pambuak bruk G20 piah jhul pakhang bruk bình đẳng saong jalan pambuak bruk kinh tế praong, dalam.

      # Hãng thông tấn AP harei 19/8, ba tabiak tài liệu di Liên hợp quốc tố lac Rajaei Nam Xu-đăng dom adit tapa hu palih ruah uranaih ngak lin piah kuhria caga ka mbang mesruh bahrau meda patuh tabiak. Tui tài liệu ini, Tổng thống Xan-va Ki-a tacei brei sa chính trị gia pakat glaong peih bruk palih ruah dom urang likei ranaih di sa palei, dalam nan hu dom adei bahrau 12 thun.

      # Mintri tư pháp Mỹ  brei padeih pandar sang gut kayua tư nhân ngak pô kayua huac bruk an ninh di dom sang gut ini. Tui nan, harak pambuak bruk di mintri tư pháp Mỹ ngan saong 13 sang gut tư nhân hu pasang iek veik. Tui kuhria, dom harak pambuak bruk ini hu abih tukvak dalam 5 thun tal./.