# Tui kuhria mboh di Ủy ban dom bruk xã hội di Quốc hội, dom thun jaik di ini, urang kamei Quốc hội dak thun dak tagok. Piah peih ngak bruk di cử tri jao brei, dom urang kamei nan hu brei mboh bruk ngak, bản lĩnh di drei. Amuk Nguyễn Thị Kim Thúy, Ủy viên Thường trực Ủy ban dom kadha xã hội di Quốc hội ndom lac: (Piah palaghaih ralo jang ka urang kamei QH, dahlak saneng lac  Kapul urang kamei njauk sangka ralo jang. Kayua khaol drei thau lac urang cử tri kumei meblah biak ralo meyah jak ba dom cử tri kamei piah ka dom urang nan thau lac dom đại biểu ini meda lambaok siam ka quyền lợi di drei.)

      # Pagaiy harei 5/3, di Hà Nội, mintri Công Thương patabiak bruk Giờ Trái Đất thun 2017 di Việt Nam ngan saong kadha “ padam menyek peih harei hadei”. Tui nan, Hà Nội, ban raya Hồ Chí Minh, Đà Nẵng saong 60 tỉnh, ban meda ba gauak padam menyek meng 20h30 tal 21h30 harei 25/ 3 gam saong dom taneh ia di dunya. Harei tabaik bruk Giờ Trái Đất thun 2017 pachreih hu yaok rabau sinh viên, tình nguyện viên, ngan saong rilo bruk ngak ye : gian pandap ước mơ xanh, dom kadha mein tập thể chreih chrai, dom  kadha daoh tamia greih mekre saong taom gaok dom đại sứ. Hoàng Công Minh, sinh viên Cao đẳng Y tế Hà Nội khan lac : “Thun ini lac mbang akaok mereip adei hu mbaok tame danakdak Giờ Trái đất. Ini lac danakdak biak hu makna, daong patak pataom jien kayua yaok tuk pandar năng lượng siam meda patak pataom hu rilo kwh menyek, trun takik phát thải saong khik caga alam môi trường. Langiu nan, dankadak daok daong dom urang ranaih umo kak kajap saong gauk, gam pataom tame dom bruk ngak chung lac patak pataom năng lượng, khik caga alam môi trường.”

       # Harei 5/3, Đồn Biên phòng Cửa khẩu Hoành Mô, huyện Bình Liêu, tỉnh Quảng Ninh hu cap mek saong am cuh klaak 50 kg menuk rilo blei tame meng Trung Quốc. Jaik 5 tuk page harei 5/3 pak bờ kè tapen negar labik mốc 1317(2) + 200 dalam địa phận thôn Cửa Khẩu xã Hoành Mô, huyện Bình Liêu, kapul urang ngak bruk Đồn Biên phòng Cửa khẩu Hoành Mô hu mboh saong cap khik 3 bao menuk rilo hu taong abih trọng lượng 50 kg pajeng ba meng jalan tapen negar Trung Quốc tapa Việt Nam.

        # Giáo hội Phật giáo Việt Nam tỉnh Nghệ An peih  Đại lễ cầu Quốc thái dân an saong taduan mek Huân chương Jum pataom bangsa kayua akaok taneh ia alin brei. Di var đại lễ, Giáo hội Phật giáo Việt Nam tỉnh Nghệ An saong baha An Thái hu pahadar 55 thun harei Đại lão Hòa thượng Thích Thanh Bản thị Phật; thau dhar phuan dom bậc tiền bối hữu công; taphia nan pato pakai  truyền thống ranam taneh ia ka dom rairah Việt Nam. 

       # Akaok thun ini, urang taong ikan huyện Hoài Nhơn, tỉnh Bình Định taduan mek 8 sruh gilai ikan kanduh pasei bahrau ngak meng phun jien tui Nghị định 67 di raja-ei. Ini lac mbang ka 3 huyện Hoài Nhơn peih bruk jao brei gilai taong ikan kanduh pasei ka bhap bani, ngak brei patagok sruh gilai ikan kanduh pasei hu jao brei ka mikva dalam huyện tal ini lac 17 gilai ikan. 

       # Bộ đội biên phòng Sóc Trăng pambuak bruk saong kapul ngak bruk pahla xã Lạc Hòa, sang iek ruak Đa Khoa trung ương Cần Thơ, sang bac Đại Học Y Dược Cần Thơ, peih bruk iek ruak, brei jru saoh saong alin pandap ka 300 mbang urang kathaot di xã Vĩnh Hải. Abih tih jien iek ruak, brei jru saoh mbang ini labaih 30 triệu đồng. Taphia bruk iek ruak, brei jru saoh, mikva kathaot daok hu daong 1 paok pandap jaik 200.000 đồng, hu dom nhu yếu phẩm thiết yếu.

        # Pamong tal Harei dunya urang kamei 8/3/2017, Ban brei ka bruk tiến bộ di urang kamei bal Cần Thơ bahrau peih ngak Nyaom biai saong pataom mbaok urang kamei pal akaok, ngak prong dalam bal. jaik 100 urang kamei lambaok nan lac urang jakar pal akaok, khik iek tapa dom jaman hu mbaok tame nyaom biai. Dom tham luận pataom tame brei thau ka bruk di anak meta, dom kan kandah saong ba tabiak panuac haong urang pal akaok bal ka jalan ngak tạo nguồn, qui hoạch, bổ nhiệm urang jakar  kamei tame dom vị trí quan trọng dom pakat dalam tukvak anak tal. 

       Khaw tin dunya

      # Jaik 500 adei saai kumei Việt Nam di grauk dom  tỉnh ban di Cộng hòa Séc mai pataom mbaok dalam Dạ hội Tâm Xuân 2017 di ban ine Praha, gam bui sambai saong dom bruk taom gaok ilimo, daoh tamia salam uan harei Dunya urang kumei 8-3. Di var Dạ hội, dom urang mai mein hu mbang dom pnadap mbang mengkan di VN saong sa danakdak daoh tamia greih mekre dom bhum pok meyaom urang kumei Việt Nam.

      # Pak negar Mỹ,  ralo urang pataom veik di dom bal dalam negar Mỹ piah pachreih raja-ei bahrau saong dom sarak di Tổng thống Donan Trăm. Hu dom va chạm rah tabiak di urang pachreih saong urang cagar veik ong tổng thống Trăm. Urang pachreih tổng thống Trăm hu pataom veik takik abih 28 labaih 50 bang grauk negar Mỹ piah hu mbaok dalam mbang tuần hành hu angan iew lac  “Tinh thần negar Mỹ”. Pak ralo bal prong saong bal sit, manuac urang hu mbaok tame tok jaik dom rituh manuac, takik jang ralo mbang dut haong urang cagar veik tổng thống.

      # Đảng Dân chủ Tự do Nhật Bản (LDP)  barau brei ramik veik tukvak ngak Chủ tịch. Ini lac bruk peih jalan ka Thủ tướng Sin-dô A-bê (Shinzo Abe) tagok par bruk tal bilan 9/2021. Tui nan, Đảng Dân chủ Tự do hu ramik veik “rilo abih 2 khóa 6 thun ” dahlau thiah dalam Điều lệ Đảng jeng “rilo abih 3 khóa 9 thun”