# Thanh tra Mentri Y tế brei thau, dalam 3 bilan puac thun hu taong phạt 13 jabat ngan haong yaom jien 110 triệu đồng kayua ngak suan dom adat di hukum pacang cakak tác hại di pakao hala. Ini lac mbang akaok meti jabat chức năng taong phạt yaom jien prong yau nan pambuak pagam tal pakao hala.

# Mintri pato megru barau hu công văn payua dom Sở pato megru, đại học, học viện, dom sang bac đại học saong cao đẳng sư phạm ka bruk khik caga trật tự an toàn giao thông di tuk Tết Dương lịch, Tết Nguyên đán saong lễ hội xuân 2017. Tui nan, dom Sở pato megru, dom sang bac đại học, học viện; dom sang bac đại học saong cao đẳng sư phạm peih ngak siam dom bruk pathau khan pato pakai hukum  an toàn giao thông ka anek saih, sinh vien dalam tuk ini.

# Harei 28/12, Ủy ban bhap bani bal Đà Nẵng hu tabiak panuac brei thau saong pok brei harak công nhận xã Hòa Bắc, huyện Hòa Vang mek hu chuẩn palei pala bahrau. Yau nan, tal urak ini, taong abih dom xã di huyện Hòa Vang jeng mek hu chuẩn palei pala bahrau. 

# Dự án “paglaong pren sản xuấtkhang kajap saong siam mekre di dom sang urang nong raong limo di bhum kreh negar” kayua Tổ chức patagok ngak nong dunya Úc  daong, peih ngak meng thun 2014- 2018 di 3 tỉnh Bình Định, Phú Yên saong Đăk Lắc. Tui dom sang raong limo di  xã An Chấn, huyện Tuy An, tỉnh Phú Yên, duk saong bruk raong limo palimek mengkan, bruk raong limo tui dự án ini takik tukvak jang labaih 1/3. Kuhria rah tapa, yaok harei limo tagok meng 1- 1,2kg, glaong jang duk saong raong palimek. Daok bruk raong limo menek, tukvak cai sữa ka anek jeng katut jang, meng 6 bilan trun daok 4 bilan min pren yava  limo anek biak siam.

# Bộ chỉ huy Bộ đội Biên phòng tỉnh Kon Tum bahrau jao brei sang "Nghĩa tình ngoại biên" ka ong Khăm Cò, daok pak thôn Bãi Trắng, cụm bản Văng Tắt, huyện Xản Xay, tỉnh Attapư, negar Cộng hòa dân chủ bhap bani Lào. Baoh sang “Nghĩa tình ngoại biên” hu padang ngak saong yaom jien labaih 100 triệu đồng, dalam nan Bộ chỉ huy Bộ đội Biên phòng tỉnh Kon Tum daong brei 70 triệu đồng, daok veik lac di sang ong Khăm Cò saong dom doanh nghiệp rik daong.

# Tỉnh Cà Mau daok kuhria lac dalam thun 2017 meda peih ngak klau mô hình ka pambuak gauk ngak padai, patei tui chuỗi giá trị. Yaok mô hình hu taneh pala meng 100 tal 200 ha. Tui nan, Sở ngak nong saong patagok palei pala tỉnh Cà Mau meda pilih ruah dom hợp tác xã saong tổ hợp tác hu ginup năng lực dalam peih ngak mô hình, taphia nan, ieu dom công ty, doanh nghiệp hu angan je tame pabak brei pandap ngak, saong blei veik taong abih kaya nong ngak hu.  

# Giải thưởng Quả Cầu Ameh hu peih ngak meng thun 2003, ngan haong angan iew lac Giải thưởng Ilamu kỹ thuật Dam dara hu angan “Quả Cầu ameh” piah pok meyaom 10 tài năng ranaih naih gheih abih gah ilamu kỹ thuật. Giải thưởng thun ini hu peih tabiak meng bilan 8/2016. Hadei di jaik 2 bilan peih ngak, Ban Tổ chức Giải thưởng Quả Cầu ameh 2016 taduan mek hu 61 hồ sơ. Hội đồng Giải thưởng palih ruah 10 tài năng ranaih xuất sắc pok brei Giải thưởng Quả Cầu ameh thun 2016.

Khaw tin dunya

# Thun 2017, Trung Quốc daok ramik ngak catang bruk sinh hoạt chinh tri dalam Đảng, patagok bruk dut iek dalam Đảng, ngak ka nyu dalam jang bruk salih bahrau jalan pasang iek pakat negar. Patagok tui iek bruk ngak njauk kỷ luật saong truy cứu trách nhiệm, ngak brei haci hacih bruk chính trị dalam Đảng, jhul khang bruk khik ramik Đảng catang di abih gah, patagok tame dalam .

# Tui Gah Thú y dunya, meng bilan 6/2016, cim glai saong menuk ada di ralo negar pak châu Âu saong châu Á njaom vi rút cúm menuk ada A(H5N8). Nan lac dom negar Áo, Croatia, Đan Mạch, Đức, Hungary, Ấn Độ, Israel, Hà Lan, Ba Lan, Nga, saong Thụy Sĩ. Dom urang khoa học brei thau lac hu talei pambuak gauk ka makna metai di cim glai, di cư saong dom mbang jit pak dom trang trại raong menuk ada.

# Harei 28/12, bol bala Nga hu jao brei jaik 45 tấn pandap meng yaok rabau uranaih taneh ia ini ka uranaih umo thun dreih yau nan di Xy-ri.Tui hãng tin Tát (TASS) di Nga, dom paok pandap meng grauk libik hu jao brei ka mintri  Quốc phòng Nga, yau sa binah di sáng kiến nhân đạo dalam taneh ia hu ngan “ meng uranaih Nga tal  uranaih Xy-ri”. Yaok paok pandap di dom anek saih Nga payua tal Xy-ri jeng hu sa paok pandap thủ công kayua  dom adei ngak ye sa blah bưu thiếp, sa blah ba ar cih, sa pandap ngak meng haluk lan atau lac sa đoạn thơ kayua dom adei cuak tabiak./.