** Pak Hà Nội, Mentri Ilamo Padhih saong Rivang ma-in hu peih dua bruk pakacah lac: pakacah cih  rup cih pathau khan Sarak 33 Trung Ương ka dak padang saong patagok ilamo anek manuac Việt Nam saong pakacah cih rup cih pathau khan pahadar 70 thun harei Thương binh liệt sĩ (27.7.1947- 27.7.2017).  Urang tame pakacah  lac dom họa sĩ chuyên saong oh chuyên, bhap bani Việt Nam saong urang Việt Nam daok pak negar langiu. Blah rup cih tame pakacah hu kích thước 54cm x 79cm, lac dom blah rup cih bahrau ini, oh ka payua nao pakacah do dom mbang pakacah karei saong oh ka hu meyaih khan. Labik taduan mek blah rup cih: Jabat Pathau khan – jak ba, Cục Văn hóa cơ sở (86A ngõ 3 Lê Văn Hưu, Hà Nội), tukvak payua mai dahlau di harei 26.5.

       ** “Quảng Bình dalam panuac daoh” nan lac angan iew di danak dak daoh tamia hu Mentri Ilamo Padhih saong Rivang ma-in peih ngak di Nhà hát Lớn Hà Nội  harei 26 saong 27.3. Danak dak pachreih hu biak ralo nghệ sĩ mai meng Nhà hát Ca múa nhạc Việt Nam, Học viện Âm nhạc negar Việt Nam, Học viện Âm nhạc Huế ..v..v. “Quảng Bình dalam panuac daoh”  lac sa danak dak gheih mekre ka bhum taneh gah kreh negar anit ranam. Danak dak hu klau binah: Apui saong bingu, Ân tình đất Mẹ saong Quảng Bình harei bahrau.

       ** “Patao Phật” - vở diễn pok meyaom công đức di Patao Trần Nhân Tông meda hu Nhà hát Cải lương Việt Nam parang me-in di bal Điện Biên Phủ pamơrơ  bhap bani di melam 18.3. Asal kadha di vở diễn brei thau ka patao Trần Nhân Tông meng tuk daok ngak Thái tử tal tuk tagok rai, taong tayah kaol khamang, khik kajap palei negar, tagok rai Thái Thượng Hoàng, tabiak nao duah jalan daong ka bhap bani, daong ka taneh ia meng jalan tu đạo. Vở diễn pamơrơ bhap bani saong tuai damuai mai tal bal Điện Biên Phủ nan lac sa dalam dom bruk ngak piah salam uan Nyaom roya Phật giáo tỉnh Điện Biên mbang ka II vaktu 2017 - 2022.

      ** Di  sang Parang iek 16 Ngô Quyền Hà Nội hu peih parang iek  hội họa “Không gian xanh” kayua Ban Chủ nhiệm klup kapul urang kamei tác giả (Hội Mỹ thuật Việt Nam) peih ngak. “Không gian xanh” lac angan iew di dom kadha ndom ka lingik tasik – alam môi trường – anek manuac dalam bruk jak ba sáng tác kayua Hội Mỹ thuật Việt Nam ba tabiak. Parang iek taduan hu 85 tác phẩm di 80 tác giả, ngan haong ralo chất liệu, rilo asal kadha.

       **  Pak Nhà hát Tuổi Trẻ Hà Nội rah tabiak vở hài kịch “Urang likei jeng hia” di harei 2 saong 3-3. Vở hài kịch ndom ka bruk anit gauk, bruk likah caga saong haniem phul, yau ye pandap alin brei ka urang mong iek dalam harei Dunya urang kamei 8.3. Vở kịch hu tacei tabiak dom kadha hu mboh dalam xã hội hiện đại. Lingiu bruk giải trí bui sambai, urang mong iek meda hu dom tukvak drut drui ndung bak giá trị nhân văn di vở hài kịch.

      ** Ủy ban bhap bani tỉnh Trà Vinh hu pok panuac likau Mentri Ilamo Padhih saong Rivang ma-in ba nghệ thuật kịch tamia Rô băm di urang Khmer Nam Bộ tame  angan inem krung ilamo oh mboh di meta pakat negar. Kịch tamia Rô băm di urang Khmer Nam Bộ lac  kịch tamia sân khấu cổ điển hu urang  Khmer bhum taneran kraong Cửu Long jeng yau urang Khmer tỉnh Trà Vinh padang ngak biak gheih. Rô băm  lac bruk patabiak meng akaok sahneng hadah krah di urang Khmer Nam Bộ, biểu tượng di ilamo meng kan urang Khmer./.