Khik caga saong patagok angan je piah paglaong bruk meriak gauk saong patagok khang kajap

Muk Nguyễn Thị Lan, Yam ndoc Pasak roh duah kỹ thuật saong khik iek moi truong Ban raya HCM brei thau hu 2 mbang amuk nao ndok veik angan ka doanh nghiep di drei. Mbang camereip lac chế phẩm sinh học di đơn vị muk njauk ngak ja, muk likau Cục khik iek cạnh tranh di Mentri Công thương tame ngak bruk. Yau nan min, Cục khik iek cạnh tranh eiw muk brei mboh njauk pandap doanh nghiep drei ngak tabiak ha-oh. Kayua cơ sở ngak ja hu pandar taong abih dom angan je, ao papaok, akhar huroh dreih yau pandap doanh nghiep muk ngak, tok salih angan blaoh ba pablei. Muk Lan brei duah taong abih harak gar, meng dom harak chứng nhận bản quyền angan pandap tal dom thiết kế kanduh papaok, mẫu mã tut angan. Patuah lac muk hu tut angan taong abih, gam hu huroh tacei pato ilamu ky thuat angaok kanduh. Biak glaih glar  doanh nghiep di muk meng mek hu veik angan je di drei. Cơ sở ngak pandap ja hadei di nan njauk jabat chức năng taong phạt. Patui di nan, doanh nghiep di muk njauk cơ sở karei ngak ja pandap hlang ngak hacih ia…Abih rilo thun, muk njuak nao duah chứng cứ piah pathau cơ sở ngak pandap ja tagok jabat chức năng. Meng kham merat, tari taring di muk bo bahrau ini, cong an kinh tế Gò Vấp -Ban raya HCM chap hu labik ngak ja angan pandap nan. Meng bruk ngak hu di drei, muk Lan bac megru hu bruk khik angan je di doanh nghiep drei: “Drei njauk daong ka rup drei eng saong brei thau labik halei langyah samar abih. Dahlak hu tut angan độc quyền gah tacei pato kỹ thuật angaok kanduh pandap. Dahlak caong khin urang sangka tut ngan pandap, tacei pato piah daong ka drei eng jeng yau khik angan pandap di drei.”

  Khan ka bac megru tapa bruk ngak di  doanh nghiep dalam bruk khik caga angan je mỹ phẩm Anh Đào Sứ Tiên, muk Phạm Thị Đào, Tổng Giám đốc Công ty Mỹ Phẩm Anh Đào lac: Angan di Mỹ phẩm Anh Đào Sứ Tiên hu công ty padang tagok abih biak rilo prein yawa. Yau nan min birau tut angan quyền sở hữu trí tuệ saong hu labik dang di darak pasar ye doanh nghiep brei mesruh pacang pandap ja, pandap ngak mblah bak abih. Doanh nghiep hu pandap halei ye darak hu pandap nan saong brei angan jaik dreih gauk. Piah khik angan pandap di drei, muk Đào roh duah biak tani tanat dom quy định hukum ka quyền sở hữu trí tuệ saong tut angan bản quyền ka yaok pandap. Tui nan, doanh nghiep ngak siam bruk khik iek saong pablei pandap di yaok palei. Gam pambuak bruk saong dom jabat chức năng piah daong bruk khik angan thương hiệu di doang nghiep. Muk Đào lac: “Meyah caong khin jabat karja daong ka drei ye njauk brei kuhria caga eng ka drei dahlau. Pacang pandap ja meng tem pacang pandap ja, buh jien tame blei mac jam riah ngak habar urang juai mblak ngak yau drei hu. Kayua urang ngak pandap ja naih ngak mblah ralo.”

Gam saong bruk kham merat khik caga angan di doanh  nghiep ye njauk hu jalan langyah catang ngan saong bruk ngak pandap ja, pandap mblah, xâm phạm quyền sở hữu trí tuệ. Ong Phù Tường Nguyên Dũng, Tổng giám đốc Công ty cổ phần Sa Sâm Việt caong lac brei pasiam veik dom quy định taong phạt bruk ngak pandap ja suan hukum urak ini piah khik ka doanh nghiep ngak mbang biak biai saong urang blei pandar. Jhui quy định pandap ja nan hu yaom hadom jabat chức năng meng ngak bruk bo njauk lac labik halei ngak pandap ja ye brei langyah chip: “Dahlak  mboh bruk taong phạt yau daok njol. Khol drei juai lac dom trieu meng langyah bo njauk lac ngak ja pandap lac njauk taong phat. Hu yau nan, khol drei meng khik hu pandap di drei tal tangin urang pandar lac pandap siam.”

Tui panuac khan di rilo doanh nghiệp, hu tukvak, pandap ja angan labik hu angan je ba tabiak darak pasar pablei biak rilo ngak ka doanh nghiep gaok kan kandah njauk nao gaok dom jabat chức năng piah likau daong. Kayua yau nan ye, tui ong Đỗ Hữu Quang – Dahlau diah lac Phó Cục trưởng, khik iek gah bhum meraong Negar, Cục khik iek darak pasar  di Mentri Công thương, piah khik caga quyền di drei hu siam di abih, dahlau di abih doanh nghiep njauk eng drei khik caga meng dom jalan công nghệ piah pacang caga bruk ngak suan.

Urak ini, hu biak rilo doanh nghiep tui bruk nan meng rilo jalan ngak, yau: In tem pacang pandap ja, pandar kanduk papaok hu in tui cong nghe birau atau ngak dấu inem piah thau pandap piah khik, ba dom khaw tin tame quyền sở hữu trí tuệ hu khik caga ngaok pandap saong kakei urang karei oh mblah tui. Ong Quang jeng tacei lac, tuk rah tabiak bruk ngak suan quyền sở hữu trí tuệ siam abih njauk ba tabiak tòa án langyah: “Bruk khik caga dom drap ar trí tuệ di drei oh lac tok tut angan khik pandap, ngak tui dom jalan cong nghe bo dom doanh nghiep brei pambuak bruk haong dom jabat peih ngak tui hukum. Doanh nghiep khik caga quyền lợi di drei tapa jalan yakbak, kayua ini lac bruk langyah siam di abih, lagaih di abih.”

Rilo roh duah hu tacei tabiak lac drap ar mboh di meta di doanh nghiep tok meblah 1/4 taong abih yaom drap ar di doanh nghiep. Bruk nan hu makna lac, drap ar oh mboh di meta atau giá trị thương hiệu di doanh nghiep mablah tal 3/4, gaok mai meblah tal 90% yaom drap ar di doanh nghiep. Kayua yau nan ye, doanh nghiep Viet njauk paglaong jalan sahaneng ka thương hiệu, jalan padang ngak, khik caga saong patagok angan je piah paglaong bruk meriak gauk saong patagok khang kajap./.

Urang lang: Aí Nghiêm -5/12