Khik caga hacih sa-at danao raong kaya ikan di bhum taneran kraong CL

*******

  Kadha “ Urang ngak hamu caong thau “ harei ini, daa mikva saong grauk yut pang kadha vak di kỹ su Nguyen Thi Phuong Dung daok ngak bruk di Vien roh duah raong glang kaya ikan dalam ia gah meraong tacei pato ka bruk khik caga hacih saat  kaya mbang menyum ngan saong danao raong kaya ikan dalam ia ka urang ngak nong daok di bhum taneran kraong Cuu Long.

          Mikva njauk caik hatai tuk caoh danao raong glang : 

Labik raong njauk padang di labik hu quy hoach oh njom nerak tachauk kayua ia nerak cong nghiep, ia nerak kayua pandar. Danao raong brei padang ngak njauk ilamu kỹ thuật. Ia oh njom nerak tachauk kayua dom ia nerak meng dom labik raong glang oh ka xu ly, ia pandar nerak, ia nerak di dom sang mac, labik ngak kong  piah pasang iek hu dom jalan njom mbak kayua dom vi sinh vat atau hoa chat. Pandap mbang oh njom bimao, oh srau saong hoa chat, khang sinh pakauk oh brei pandar, oh srau hormone ngak pachreih menek mebaoh. Khik iek ka hadang, ikan njom tame siam di abih dom janih dinh duong dalam pandap mbang. Khik iek pren yava meng bruk gam gam dut iek bruk praong tagok saong pren yava di hadang, ikan raong. Ngak dom bruk pacang caga ruak. Tuk mboh ruak njauk xu ly samal, tangi sua dom urang ilamu ka jalan iek ruak kaya ikan dalam ia.

Lingiu dom jalan ngak yau nan, urang raong njauk peih ngak dom bruk yau ini dalam luac tukvak raong nan lac:

          Pandar dom alamu raong siam ye : GAP, SQF. Hu mbaok tame pathram ka bruk khik caga hacih saat an toan pandap mbang menyum saong alamu raong kaya ikan dalam ia. Palao pajaih njauk harei melam. Tok palao anek pajaih hu dut iek bloh, (hu harak dut iek  pagam tui yaok drei pajaih)

          Blei jru thu y tui tacei pato di urang hu harak chung chi ngak bruk thu y kaya ikan dalam ia saong tok blei jru thu y, pandap mbang hu tauk angan di lingiu kadung. Khik ramik karei yaok janih pandap mbang, hoa chat caik di labik thu, plaih caik srau kadau./.

          Thúy Linh