Bruk oh brei pato thêm saong bac thêm jeng oh ka padeih ngak ka urang caik hatai sangka tuk ralo urang tangi sua lac: meyah cấm dalam sang bac saoh ye dom pasak pato thêm gah langiu meda tamuh tabiak rilo jang, brei khik iek yau habar? Taphia di nan daok hu panuac lac brei paglaong chất lượng pato megru, patrun tukvak bac ka anek saih piah patakik bruk bac thêm rilo. Asal kadha ini hu ndom tal dalam kadha vak hadei ini di Ngọc Luân, urang vak di rayo sap ndom VN daok di ban rayo HCM:

        - Bac thêm daong ka kol adei pabak hu ralo kiến thức jang, bac siam jang, naih jang dom ayut karei.

            - Yau adei meyah oh bac thêm ye yếu kém jang duk saong dom ayut karei dalam sang bac. Bac thêm oh kanjah jhak hagait, dom ayut meda tui samu gauk dalam bruk bac da-a.

             - Bài tập di sang bac ginup ka drei ye, drei meda iek veik dom tapuk nâng cao di sang, oh cang bac thêm

- Bac thêm meda hu ralo cei gru, anai gru pato kiến thức nâng cao brei ka ayut oh eng drei bac hu, drei nao bac thêm piah cei gru, anai gru paglaong ilamu saong thau ralo jang.

Nan lac dom panuac karei di gauk di anek saih ka bruk njauk pato thêm saong bac thêm dalam sang bac halei oh. Min mboh lac bruk caong bac thêm lac bruk hu biak saong cần thiết ka oh takik anek saih. Di ban raya HCM, hu tal 1/3 dom anek saih daok bac thêm. 

 Oh brei pato thêm, bac thêm dalam sang bac min oh cấm di dom labik pato thêm, pasak pato thêm langiu sang bac, caik tabiak panuac tangi sua ka jalan khik iek. Ralo panuac ndom lac, sở oh brei pato thêm bac thêm min jui cực đoan saong yaok quyết định brei sahneng kuhria ka nyu tantu. Pagap yau, bruk brei gru pato padeih bruk meyah ngak sung brei hu pasang iek cambaih laih. Brei pathau khan praong, dalam, duah thau tuk mboh vi phạm saong iek tui bruk piah hu jalan langyah gheih, nyaik ngak tổn thương ka dom gru pato. Tui Tiến sĩ Phạm Thanh Tâm, Hiệu trưởng sang bac Trung học phổ thông tư thục Hồng Đức, ban raya Hồ Chí Minh, meyah cấm bac thêm saong patao thêm dalam sang bac bo oh cấm di dom labik gah langiu, ye oh lac bruk bac di anek saih gaok kan kandah bo bruk khik iek jeng gaok ralo kan kandah. Tiến sĩ Phạm Thanh Tâm lac:

 “Cấm dalam sang bac saoh, oh cấm di pasak gah langiu, di baoh sang, di pasak meda ngak kan kandah ka XH, ka anek saih caong bac thêm, oh ngak patrun áp lực ka urang. Oh brei pato saong bac thêm dalam sang bac meda lac bruk salih jalan meng chính quy tapa taong du kích. Cấm jalan ini nduac tapa jalan daih. Jalan pato meda salih karei saong kan khik iek jang duk saong dahlau daih”.

 Brei ieu hatai tự trọng di dom anek saih saong amaik ame lac oh nao bac  saong gru pato di drei dalam tal bac piah mek veik angan je brei ka gah pato megru, lac panuac di gru Phạm Hồng Danh, Hiệu trưởng pasak luyện thi Vĩnh Viễn, ban raya Hồ Chí Minh. Gru Danh ndom lac, danak dak pato megru urak ini daok trak, phân hóa glaong, meyah cấm dalam sang bac saoh, ye dom pasak pato thêm gah langiu meda tamuh tabiak ralo jang. Gru pato oh pato dalam sang bac min meda dui anek saih tabiak patsak gah langiu sang bac piah pato. Kayua yau nan ye tiêu cực jeng meda rah tabiak. Sở brei hu jalan ngak cambaih laih piah pasang iek dom labik pato thêm gah langiu, oh brei dom labik pato thêm gah langiu pah labik  dalam dom sang bac công lập. Gru Phạm Hồng Danh lac:

 “Brei ieu bruk tự trọng di dom anek saih saong amaik ame anek saih lac oh nao bac saong gru pato di drei, bo khin bac thêm ye nao bac di gru pato karei. Nan lac sa jalan biak gheih piah nyaik bruk mang tiếng ka gru pato saongka gah pato megru”.

Lambaok sở pato megru ban raya HCM brei thau, meda khik iek catang ralo gah dom pasak pato thêm yau điều kiện bac daa, khik iek ka tukvak ngak bruk… nyaik bruk anek saih nao bac thêm glaih glar, oh siam ka pren yava, thể chất saong tinh thần. Gru pato jeng hu tukvak padeih padei, paglaong ilamu… Quyết định oh brei pato thêm, bac thêm di ban raya ralo meng lac oh brei pato dahlau danak dak, oh brei kateik greik anek saih bac thêm, cagar veik biak pok meyom bruk phụ đạo anek saih yếu, bồi dưỡng ka anek saiih joi, patagok tukvak piah anek saih ruah duah.

 Ong Nguyễn Văn Hiếu - Phó Giám đốc Sở pato megru ban raya brei thau, Sở daok tham mưu ka Ủy ban bhap bini ban raya Hồ Chí Minh ramik veik Quyết định 21 ka bruk khik iek pato thêm, bac thêm njauk tui quy phạm hukum. Dalam tukvak cang ramik veik, sở oh brei adat gru pato pato thêm ka naek saih drei daok pato chính khóa,meng dalam sang bac tal langiu sang bac. Bruk ini hu tacei tabiak dalam thông tư  17/2012 dahlau nan ka bruk “ oh brei adat gru pato pato thêm anek saih di drei”. Gru pato vi phạm meda langyah di tanut glaong abih lac brei padeih bruk. Ong Hiếu ndom lac: Sở padeih brei adat bahrau ka bruk pato thêm dalam sang bac saong daok pambuak bruk haong dom quận buyện pasang iek piah cakak abih bruk pato thêm sung quy định, Ong Nguyễn Văn Hiếu lac:

“Brei khan cambaih ka gru pato thau saong brei gru pato halei hu pato anek saih di drei di gah langiu, gru pato halei oh brei pato. Gah gru pato jeng brei ngak catang vai trò di drei, nan lac brei pathau khan saong sang bac piah sang bac pasang iek brei atau oh brei adat”.

Ban raya HCM daok daa dom chuyên gia naih joi biên soạn bộ giáo án pato anek saih phổ thông tui jalan pataagok tukvak thực hành, patrun lý thuyết piah paglaong chất lượng pato megru, patrun tải ka anek saih saong pabak hu bruk anek saih oh njauk nao bac thêm min patagok hu./.