Di mblang pasram pahat palei Hữu Đức, xã Phước Hữu, huyện Ninh Phước, meng labaih 1 bilan ini mai, yaok ratuh urang kumei, dam dara, anek saih, SV daok harei melam pasram tamia piah uan raok Katê. Kadha tamia nan hu mbaok di jaik 300 urang, ngan saong dom ragu tamia meng kan, hu padang ngak biak tani tanat, tuk halei jeng lac kadha praong dui pachreih rilo tuai damuai atah jaik tuk mai tal Ninh Thuận mbang Katê. Sa-ai Thiên Thị Mai Hương, palei Hữu Đức, xã Phước Hữu, huyện Ninh Phước lac: " Mikva , nghe nhan caong khik ragam tamia rik tame ngak brei ka harei Kate  di palei Hamu tanran hu rilo bui sambai, chreih chai"

Di palei menyim khan bai Cam Mỹ nghiệp, ban sit Phước Dân, huyện Ninh Phước, dom nghệ nhân jeng daok kham merat menyim, ngak rilo janih bingu la klak piah yaih khan tal tuai damuai. Gam haong nan, daok salih bahrau mẫu mã pandap panda piah pabak hatai caong di tuai damuai ka khan ao Cam meng kan piah cuk tagok bimaong saong raok khan ao Po patao dalam harei Katê. Rahra Mỹ Nghiệp chreih chrai lo tuk hu karja buh brei labaih 1 tỷ đồng piah ramik ngak pasiam HTX menyim khan bai Cam Mỹ Nghiệp, piah mikva taduan raok tuai mai ravang iek palei ngak dalam dom harei Katê. Ong Phú Văn Ngòi, Yam ndok HTX menyim khan bai Cam Mỹ Nghiệp, ban sit Phước Dân brei thau: " Dom urang gheih tangin ngak tabiak rilo khan bai siam gheih piha pablei katuai mai main Kate,..."

 Palei menyim khan bai Mỹ Nghiệp saong palei lan am Cam Bàu Trúc, ban sit Phước Dân, huyện Ninh Phước oh lac dua palei ngak meng kan dane angan, bo daok lac labik nao tal di tuai damuai piah duah thau ilamu Cam, abih di nyu lac dalam dom harei Katê. Kayua yau nan ye, rilo bruk thể thao, daoh tamia ndung bak ilamu meng kan di bangsa Cam hu 2 palei ngak peih tabiak piah pabak hatai caong saong ba chreih chrai ka tuai damuai tuk mai tal Ninh Thuận dalam dom harei Katê. Nan ye, piah duh biak siam ka tuai damuai, palei ngak hu caga biak tani tanat meng dahlau. Ong Phú Hữu Minh Thuần, Yam ndok HTX lan am Cam Bàu Trúc, ban sit Phước Dân, huyện Ninh Phước khan lac yau nan saong daok brei thau lac: “Kate thun ini, khol dahlak hu danak dak birau jang yau dom danak dak daoh tamia..."

Daok amuk Đàng Sinh Aí Chi, Phaok akaok UB bhap bini ban sit Phước Dân, huyện Ninh Phước brei thau:  “ Brei pakhang bruk khik ramik hacih sa-at, alam moi truong,...”

Uan raok Katê thun ini, dom palei Cam Ahier oh lac bui sambai chreih chrai anak bruk salih bharau di puk paga, palei negar, bo tapa Katê, hu daong kak kajap talei jum pataom bhap bini.  Katê jeng lac tuk piah ka mikva yaih khan dom siam mekre meng kan di palei Cam dalam padang ngak palei pala bahrau urak ini./.