CHAM.VOV.VN - Ninh Thuận urak ini hu 4 janih pandap hu pok brei angan lac Drap ar Negar nan lac: bia Hòa Lai, phù điêu patao Pô Rôme, bia Phước Thiện saong rup patau kakuh patao Pô Klong Garai. Tuk vak tapa, tỉnh Ninh Thuận hu dom bruk ngak hagait piah khik ramik saong patagok yaom glaong di dom Drap ar Negar piah duh ka tuai damuai mai mong iek, rivang ma-in? Piah thau cambaih jang ka bruk ini, khaol drei pang bruk ndom biai nao mai di Jasi - urang vak di rayo sap ndom VN daok di TP.HCM haong ong Thành Nhảy, Phaok akaok Miu-yim Ninh Thuận ka dom bruk nan nýe

CHAM.VOV.VN: Piah yaih khan pandap lan am Cam tal rilo bol bhap rahra, UBND tỉnh Ninh Thuận hu pachreih pilih ruah, pandar dom pandap lan am Cam piah ngak pandap alin hadiah tuai tuk mai ravang, mai ngak bruk, tuk hu da-a mai hu mbaok dalam dom bruk praong di Ninh Thuận. Dom pandap lan am Cam hu pilih ruah ngak pandap alin hadiah, langiu di daong yaih khan angan je, daok hu daong paglaong jien mek tame ka rahra palei ngak lan am Bàu Trúc. Kadha vak di urang pambuak bruk Minh Triều daok di Ninh Thuận.

CHAM.VOV.VN: Daok dalam bhum tapen tasik gah kreh negar, Ninh Thuận lac bhum taneh daok khik hu rilo ilamu Cam, haong dom bimaong kalan, dom rija, roya, dom adat cambat ndung bak ilamu bangsa. Dalam nan ho dom pandap yao klak hu pok angan lac Kaya pandap Negar, dui pachreih hu tuai damuai atah jaik mai maong iek, duah thau. Kadha vak di Minh Triều brei thau 2 kaya pandap negar hu pok angan lac tượng thờ Mukhalinga - yoni Pô Klong Garai saong bia ký Phước Thiện.

CHAM.VOV.VN - Dalam rahra Cam hu parabha tui but pajaih. Yaok but pajaih hu adat cambat karei pambuak haong bruk padang tabiak saong cak rok paraong tagok di but pajaih. Adat Payak lac sa dalam dom adat but pajaih kayua dom halau janieng, ong Kadhar saong amuk Pajau ngak adat ieu jang saong pathau khan haong po yang piah “Jiâ yang – biyar saiy ka po yang”, taong ruak, likau hu siam makre, salamat saong kaya mada ka but pajaih.

CHAM.VOV.VN - Ghinăng lac sa dalam 3 janih alat ragam meng kan di urang Cam hu labik dang biak prong dalam adat cambat saong dalam ilamu, hatai sahneng di bhap bani Cam. Yau nan min, urak ini manuac urang thau ma-in janih alat ragam ini biak takik saong daok mbuan si lahik nao. Piah hu dom menuac ranaih thau ma-in dom janih alat ragam meng kan ini, Muyim tỉnh Bình Thuận hu peih rilo tal pato alat ragam meng kan di urang Cam.

VOV4.VOV.VN - Di miền Tây Nam Bộ taneh ia drei, urang Cam Islam daok di An Giang jeng pilih ruah ka drei sa jalan nao karei angaok jalan ba drei yam tame. Mbang camereip tuai damuai mboh tatuak drei haong tour du lịch “sa harei ngak urang Cam Châu Phong” kayua urang Cam ngak menuac ba jalan. Da-a mikva gam haong dahlak ba drei tame tour du lịch ini haong urang Cam Islam di palei Phũm Soài, xã Châu Phong, ban sit Tân Châu, tinh An Giang nyek. 655 sang di pak ini jeng lac urang Cam Islam.

VOV4.VOV.VN - Yaok 3 thun sa mbang dalam bilan 4 saka Cam nan lac bilan 7 saka ia harei, bhap bani Cam di xã Phú Lạc, huyện Tuy Phong, tỉnh Bình Thuận ba gauk tagok bimon Pô Dam piah peih ngak adat cambat. Dom adat cambat dalam lễ hội Pô Dam hu peih ngak meng 3 nyaom halau janeng ngan haong dom adat cambat yau adat palih, adat kakuh likau sron mbon salamat, adat kakuh Po Yang, adat pok ndua dhal phol... Tapa nan, talei jum pataom puk palei hu kak kajap jang.

VOV4.VOV.VN - Di Ninh Thuận, labik hu urang Cam saong urang Raglai daok rilo abih dalam taneh ia, taphia di bruk paglaong siam mekre bruk pato megru di bhum urang bangsa takik, tỉnh Ninh Thuận jeng hu jhul khang bruk pato sap Cam saong sap Raglai dalam sang bac piah daong khik ramik saong patagok sap ndom, akhar vak di urang Cam saong Raglai. Da-a mikva saong taong abih gauk pang kadha vak di Minh Triều, lac urang pambuak bruk haong danak dak.

VOV4.VOV.VN - Ban sit Tân Châu lac sa dalam dom labik hu hu rilo urang Cam Islam di tỉnh An Giang. Dom thun tapa, piah khik ramik saong patagok sap ndom, panuac menyai, akhar vak, haroh cih di urang Cam, langiu di danak dak pato pakai phổ thông, di dom sang megik, dom surao jeng hu peih tal pato akhar haroh Cam ka anek saih Cam. Dom adei anek saih tame bac dalam chreih chrai, bui sambai haong hatai sahneng lac, bac piah mboh anit ranam bhap bini drei jang. Kadha vak di Hoàng Liên, urang vak di rayo sap ndom VN daok di TP HCM brei thau ka dom tal bac di dom sang megik.

VOV4.VOV.VN - Hadei di labaih 30 thun paneh kadha daoh, NSUT A Mư Nhân hu tabiak mbaok 3 album hu dom kadha daoh kayua ong paneh saong daoh. Nan lac: Ragu daoh bimon kalan, Bhum palei saong Bhum taneh bimon kalan. Taong abih 3 album ini, album halei jeng hu caik veik dalam hatai urang takre daoh take dalam negar. Dom kadha daoh kayua A Mư Nhân paneh, kadha halei jeng ndung bak ragu ragam bhap bani bangsa Cam. Piah thau cambaih jang ka jalan nghệ thuật di NSUT A Mư Nhân, da-a mikva saong taong abih gauk pang kadha vak hadei ini di Lương Định angaok báo Điện tử Lao động saong Xã hội: